1 Timoti 2:1 - Uwumbɔr aagbaŋ

¹ Tɔ, tibɔr ti ye tibɔkpaan na le ye ke m ban ke ni li mee Uwumbɔr ki tii binib mɔmɔk, ki li gaŋni u ke u san bi kinimbaak, ki li dooni u bi pu.

UWONBƆR A GBƆNPƆŊ LIKƆƆNL

¹ Chinchinn, n bei ni le ke, ni li miɛ Uwonbɔr ki tenn ni ba, ki li miɛ u ki tenn ni kpiɛtiib, ki li tenn Uwonbɔr kunɔɔpoog bininfob biɛn buu,

1 Timoti 2:1 ပူးပေါင်းရင်းမြစ်များ

Esra 6:10

Ni li ŋani kina, aan bi li ŋmaa toor kitork ki ga piir Uwumbɔr u bi paacham na aasui, ki mee u ke u ŋa waanyoor ŋa m ni njapɔtiib pu.

Ilahn 72:19

Li pak waayimbil li kpa kipak na n‑yoonn mɔmɔk man. Cha waapak gbii dulnyaa wee mɔmɔk. Amii, amii.

Jeremia 29:7

Li tun man ki cha ntim mu m cha ni ti bi tinaagbiir ni mu ponn ni na kan tinyoor. Li mee limeel m chee bi pu, ba pu? bi yaa kan liwangol kan, ni mu ga kan.

Lituln 17:30

Binib aah kaa nan kee nyi Uwumbɔr aasan buyoonn na, waa nan gar baah ŋani pu na. Dandana wee le u len ke u ban ke binib bimɔk bi dulnyaa wee mɔmɔk ponn ni na kpeln baabimbin ki dii waasan.

Rom Yaab 1:8

Yesu Kristo pu, le m dooni Maawumbɔr ni mɔmɔk pu; ba pu? binib bimɔk bi dulnyaa ni na ŋun naah gaa Yesu Kristo ki kii pu na.

Rom Yaab 6:17

N‑yoonn mubaa, ni nan ye titunwanbir aanaagbiib la. Ti dooni Uwumbɔr sakpen, ke baah mɔk nimi waasan pu na, ni dii nsan ngbaan nisui mɔmɔk ni,

1 Korenti 15:3

Maah nan gaa tibɔnyaan ngbaan na, tima le m nan di tuk ni mu. Ti ye tibɔkpaan ki jer tibɔr mɔmɔk. Tibɔnyaan ngbaan le ye ke Kristo nan kpo timi aatunwanbir pu. Ni ŋmee kina Uwumbɔr Aagbaŋ ni.

2 Korenti 8:6

Nima pu na, Taitus aah nan cha ni piin ki bi too ŋimombil ke ni tii Uwumbɔr na, le ti bui u ke u pɔɔn ubaa ki cha ni too ŋimombil ngbaan ki doo.

Efesusi 3:13

Nima pu na, m gaŋ nimi, ke ni taa cha nitaakpab yɔl maah ji falaa ni pu pu na. Maafalaa le ye nimi aaterm.

Efesusi 5:20

Ni li dooni Tite Uwumbɔr n‑yoonn mɔmɔk, tiwan mɔmɔk pu, Tidindaan Yesu Kristo aayimbil pu.

Efesusi 6:18

ki li mee Uwumbɔr ki gaŋni u ke u ter nimi. N‑yoonn mɔmɔk ni li mee u mbimbin mɔmɔk pu. Waafuur Nyaan aah mɔk nimi pu na, ni li mee u kina, ki taa geeni man, ki taa di cha man. Ni li mee u n‑yoonn mɔmɔk ki tii waanib mɔmɔk,

Filipi 1:3

Maah teer nibɔr n‑yoonn mɔmɔk pu na, m dooni Uwumbɔr u m dii u na, ni pu la.

Filipi 4:6

Ni taa cha ilandak li muk nimi tiwan nibaa pu. Ni li mee Uwumbɔr tiwan mɔmɔk pu, ki gaŋni u, ki dooni u ki tuk u naah ban pu na mɔmɔk.

1 Tesalonika 3:12

Tidindaan cha ni li moo gee tɔb ni binib mɔmɔk, ke taah gee nimi pu na.

2 Tesalonika 1:3

Tinaabitiib, ni ŋan ke ti li dooni Uwumbɔr ni pu n‑yoonn mɔmɔk; ba pu? ni moo gaal Yesu ki kii mbamɔm ki moo gee tɔb la.

1 Timoti 2:4

U ban ke binib mɔmɔk ŋmar, aan ki bee waabɔr ti ye mbamɔn na.

1 Timoti 5:5

Ukpopii u sil ye ukpopii ki gur ubaa na kpa limakl Uwumbɔr pu la. Le u ga li mee Uwumbɔr ki gaŋni u nwiin pu ni kinyeek.

2 Timoti 2:24

Tidindaan aatutunn taa li kpak kinikpakpak. Ni ŋan ke u li ŋani binib mɔmɔk tibulchinn, ki tuk bi Yesu aabɔr mbamɔm, ki li kpa limɔr,

Taitus 2:11

Ba pu? ti kan Uwumbɔr aah kpa tibulchinn pu na. Waabulchinn pu le binib mɔmɔk ga ŋmaa ŋmar.

Taitus 3:2

ki taa bii unii ubaa, ki taa kpak binib kinikpakpak. Bi li kpa kijɔtiik binib biken chee, ki li bi suuna binib mɔmɔk chee.

Hiibru Yaab 6:11

Ti ban ke ni mɔmɔk pɔɔk nibaa ki li kpa limakl ki nan saa ndoon.

Jemisi 5:16

Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.