1 Timoti 1:20 - Uwumbɔr aagbaŋ

²⁰ Bi ponn ni binib bilee ye Haimeneus ni Aleksanda. Le m di bi ŋa kinimbɔŋ aaŋaal ni ke ki daa bitafal, aan bi bee ke naa ŋan bi ki sii Uwumbɔr.

UWONBƆR A GBƆNPƆŊ LIKƆƆNL

²⁰ Bi ma ye Hamenasi nin Alɛgzanda, ban wee n ta bi ŋubin Sintani a nɔɔn ke un dar bi tul wee bin jiɛn Uwonbɔr a sugir.

1 Timoti 1:20 ပူးပေါင်းရင်းမြစ်များ

Matiu 18:17

U yaa yii, kaa kii tii bi mu kan, nyan ti mpaan pu ki tuk Uwumbɔr aanib. U yaa yii, kaa kii tii bi mu kan, ni lik u ke ulampoogaar, bee unii u kaa dii Uwumbɔr aasan na.

Lituln 13:45

Juu yaab aah kan kinipaak ngbaan kuun kina na, le bi kpa lipiipoln sakpen, ki kpak Pɔɔl kinikpakpak, ki seei u.

Lituln 19:33

Le Juu yaab bi nan bi nima na nan nyan uja ubaa bi yin u ke Aleksanda, ke u sil kinipaak ngbaan aanimbiin ni. Nima pu na, binib bibaa mu nan dak ke ni ye uma Aleksanda aabɔr la. Le u yoor uŋaal ki nyii bi pu, ki ban ke u tuk bi ke naa ye Juu yaab aabɔr.

1 Korenti 11:32

U mu yaa daa titafal kan, u chiini timi ke u taa bii timi bundaln u ga ji dulnyaa aanib tibɔr na la.

2 Korenti 10:6

Ti yaa bee ni ponn ni binib bi ga kii Uwumbɔr aamɔboln na, le ti ga ŋmaa daa binib bi gur kaa kii na aatafal.

2 Korenti 13:10

M ŋmee kigbaŋ kee, ke maah kaa bi ni chee na, m yaa nan fuu ni ni chee kan, m taa chiin nimi, ki mɔk nimi maapɔɔn. Nima le cha m ŋmee ki. Tidindaan le tii mi tininkpir ke m ter nimi ni dii waasan mbamɔm. Waa tii mi tininkpir ngbaan ke m di bii nimi.

2 Tesalonika 3:15

Ni taa ŋani u ke nimi aadin na, ni li sur u ke nina aabo na.

1 Timoti 5:15

Ba pu? bikpopiib bibaa yenn, ki dii kinimbɔŋ aasan.

2 Timoti 2:14

Aa li teer binib tibɔr timina, ki sur bi Tidindaan aanimbiin ni ke bi taa li kpak kinikpakpak ibɔliin aatataa pu; ba pu? naa kpa tinyoor, kaa ter binib ke bi dii mbamɔm.

2 Timoti 2:17

Baabɔr aa ŋan, ki ga pɔr ke mbuun aah pɔr pu na la. Bi ponn ni binib bilee le ye Haimeneus ni Filetus.

2 Timoti 3:2

Ba pu? binib ga li ye bikumɔndam. Binimbil ga li man ŋimombil pu. Bi ga li kpa kipupuk, ki li kpa kigaak, ki li seei binib. Baan li pak bite ni bina, kaan li nyi idoon, kaan li pak Uwumbɔr,

Hiibru Yaab 12:5

Ni suln Uwumbɔr aah sur nimi pu na aa? U yin nimi waabim ki bui ke, “Maabo, Uwumbɔr yaa sak si kan, ŋun mbamɔm. U yaa cha falaa pii si ke u chiin si kan, taa cha aataakpab yɔl.

Tibɔkpiirkaan 13:1

Le m kan upeel nyan ni nnyusakpem ponn ni. U nan kpa ŋiyil ŋilole ni iyiin kipiik, le ki chik ubɔr aayikpupur waayiin kipiik mɔmɔk pu. Le liyimbil li ye lisiibil ki tii Uwumbɔr na nan bi ŋiyil mɔmɔk pu.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.