1 Timoti 1:10 - Uwumbɔr aagbaŋ

¹⁰ ni binib bi gɔr kidagook na, ni bijab bi yii bipiib ki ban bijab na, ni binib bi chur biken tinaagbiir na, ni binib bi chuun mɔni inyamɔn na, ni binib bi puur Uwumbɔr yɔl yɔl na, ni binib bi ŋani tiwan ni kaa dii mmɔkm mu ŋan na. Nkaal ngbaan bi titunwanbir timina mɔmɔk pu la.

UWONBƆR A GBƆNPƆŊ LIKƆƆNL

¹⁰ nin ban tun iwanjaab toon, nin ban yii bi piib wee ki dɔ nin bijab tabin, nin ban jɔɔ biyom kpeŋ nin ban ye tibɔkardam, nin ban ji tibɔkar a siɛra, nin ban biɛn kaa nɔɔ ibamɔn a wɔɔnimin,

1 Timoti 1:10 ပူးပေါင်းရင်းမြစ်များ

Mpiin 19:5

Bi nan tar, le ki baa Lot ke, “Bijab bi bi aado kinyeek kee na bi la chee? Nyan bi tii ni timi. Ti ban ti doon bi chee la.”

Mpiin 37:27

Cha ti di u kooh Ismael aanib bee pu. Nima kan, taan tii u iween; ba pu? u ye tinaal la, le ti ni u kpaa tiwon ni nsinbaan.” Le biken na mu kii kina.

Mpiin 40:15

Maah bi do na, bi tɔk mi Hiibru yaab aatiŋ ni la, le maah bi Ijipt aatiŋ ni do na, maa ŋa nibaa le bi di mi ŋa kiyondiik ni.”

Nnyam 20:7

“Ni taa yin maayimbil fam fam, min Nidindaan Uwumbɔr ga daa unii u yin maayimbil fam fam na aatafal.

Nnyam 21:16

“Unii yaa sun uŋeen aatɔ u ti kooh u, bee u di ŋa waanaagbiija kan, ni ku u.

Hosea 10:4

Bi len tibɔr ti kaa gbii na, ki puur tipuur kaa gbiini ti, ki ŋani inyamɔn aamɔbaan. Ibamɔn le kpaln inyamɔn, le ki moo kpae ke timoor ti kaa ŋan ki bi baah kon nkpaakon mu na ponn ni pu na.

Liifai Yaab 18:22

Uja ubaa taa koo ti doon uja ŋeen aatɔ chee; Uwumbɔr aa gee kina.

Liifai Yaab 20:13

Uja ubaa yaa koo ti doon ujatɔ chee kan, bi kpaan ŋa inimɔɔn aawan la, ni kpaan ki ku bimɔk bilee. Bima le ku bibaa.

Sekaria 5:4

Uwumbɔr Mpɔɔnsakpiindaan bui ke, ‘M ga cha tipuun ngbaan buen, le ti ga ti koo unaayuk mɔmɔk, ni unii umɔk puur tipuur maayimbil ni ki geei inyamɔn na aadichal ni. Ti ga gaar baadichal ni le ki ti kuln li kookoo.’”

Sekaria 8:17

Ni taa ŋa nlandak ke ni tun niŋeen aatɔ taani. Ni taa puu tipuur ki ŋa inyamɔn aaseeraadaan. Maah kaa gee tiwan ni na le ye inyamɔn, ni ibamɔn gangal, ni mbimbin mu pɔɔ na.”

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Jɔnn 8:44

Kinimbɔŋ aabim le ye nimi, kima le ye nite. Le ni ban ni li ŋani kaah gee pu na. Dulnyaa aah nan piin buyoonn ki nan saa dandana na, ki ye unikur la. Kaa len ibamɔn. Mbamɔn aa bi ki ni. Ki yaa len inyamɔn kan, ki len tibɔr ti bi ki ni na la. Ki ye unyamɔndaan la. Kima le naan inyamɔn.

Rom Yaab 1:26

Baah yii Uwumbɔr na, nima le u siir cha bi. Le bi tun inimɔɔn aatuln, bisui aah ban pu na. Bipiib di biŋeen aatɔtiib kpaln bijab, ki doo bi chee.

Ikaal 24:7

“Israel aanii umɔk loon chuu uŋeen aatɔ ki di u ŋa waanaagbiija, bee u di u kooh bi ti ŋa u unaagbiinii na kan, ni ku u. Ni yaa ku u kan, ni ga nyan kina aatunwanbir aaboln nibaa chee.

1 Timoti 4:6

Aa yaa teer Yesu aanib tibɔr timina kan, aa ye Yesu Kristo aatutunn bamɔnn la. Saah bae Yesu aabɔr ki dii nsanyaan pu na, nima le cha saabimbin bi mbamɔm.

1 Timoti 6:3

Tidindaan Yesu Kristo aabɔr le ye tibɔnyaan, ki mɔk timi taah ga dii Uwumbɔr aasan mbamɔm pu na. Unii ubaa yaa mɔk bi mmɔkm yayan kaa kii tibɔr ngbaan kan,

2 Timoti 1:13

Aa nan gaa Yesu Kristo ki kii le ki gee u; nima pu na, aa li joo maah tuk si tibɔnyaan ti na mbamɔm.

2 Timoti 4:3

Ba pu? n‑yoonn choo, le binib aan ki pel mmɔkm mu ŋan na. Bitafal aan li bi mu ni. Bi ga li ban bimɔmɔkb bi ga tuk bi bisui aah gee tibɔr ti na la.

Taitus 1:13

Ulankpal ngbaan aah len pu na ye mbamɔn la. Nima pu na, kae bi mbamɔm, aan bi li dii Yesu aasan chob,

Taitus 1:9

ki li joo taah nan tuk u tibɔnyaan ti ye Uwumbɔr aabɔr bamɔnn na, aan ki mɔk binib mmɔkm mu ŋan na, ki pɔɔk bitaakpab, ki len tibɔr ki nyaŋ binib bi kpak u kinikpakpak na.

Hiibru Yaab 13:4

Tɔ, chatiib ni puutiib, ni li nyi ke Uwumbɔr le di nimi kpaan, ki li pak kina, ki taa gɔr kidagook man. Binib bi chuun bɔɔni na, ni binib bi chuun gɔr kidagook na, Uwumbɔr ga ji bi tibɔr.

Juud 1:7

Teer man, Sodom ni Gomora aatim, ni itingbaan na aanib bi nan gɔr kidagook, ki mu yii bipiib ki ban bijab na aabɔr. Uwumbɔr nan daa bitafal, ki di bi ŋa mmii mu kaan junn na ni, ni le ye nsurm ki tii titunwanbirdam mɔmɔk.

Tibɔkpiirkaan 18:13

ni tikpin aawan, ni kinimbɔɔpaŋ, ni tulalee, ni nkpaŋmirkoo, ni tulalee aayon mu bi joo toor kitork na, ni ndaan, ni nkpan, ni boroboro aayon, ni tijikaar, ni inaa, ni ipiih, ni itaan, ni tɔroku tiib, ni binaagbiib, ni binib aamɔfal.

Tibɔkpiirkaan 21:27

Tiwan ni kpa tijɔŋ na nibaa aan koo ni ki ponn ni. Binib bi dii ŋiwaa na ponn ni ubaa aan koo ni. Binib bi mɔln inyamɔn na ponn ni ubaa mu aan koo ni. Binib bi aayimbil ŋmee Upihbo ngbaan aamɔfal aagbaŋ ni na baanja le ga koo ni.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”

Tibɔkpiirkaan 22:15

Le tiniwanbir, ni bibɔɔb, ni bidagoob, ni binikurb, ni biwaadam, ni binyamɔndam, ni biŋmaŋmannim ma kan, baan koo ni kitiŋ ngbaan ni.