1 Tesalonika 5:23 - Uwumbɔr aagbaŋ

²³ Uwumbɔr u tii timi nsuudoon na, ŋa nimi aabimbin mɔmɔk chain, ki li joo nimi aawiin, ni nisui, ni nimi aawon mbamɔm, ni taa li kpa taani ubaa bundaln Tidindaan Yesu Kristo ga gir ni na.

UWONBƆR A GBƆNPƆŊ LIKƆƆNL

²³ Che Uwonbɔr tɔɔl, wan ye nposɔɔn a Uwonbɔr win n ŋa ni kasi niwann biɛn nin. Ki che ni naaŋ nin ni sufu nin ni gbanann biɛn n laa nan jɔɔ igbarig ti Yudaau Yisa Masiya a dan daali.

1 Tesalonika 5:23 ပူးပေါင်းရင်းမြစ်များ

Esekiel 37:28

M yaa di Maadichal siin bikaasisik ni ki cha n‑yoonn mu kaa kpa ndoon na kan, n‑yoonn ngbaan le ŋitimbol ga bee ke min Uwumbɔr le lee Israel aanib ke bi li ye maanib.”

Liifai Yaab 20:26

Ni li bi chain aan ki li ye maanib, ba pu? Min le ye Uwumbɔr le ki bi chain. M nyan ni nimi ŋinibol mɔmɔk ni ke min baanja le li yeh nimi.

Liifai Yaab 20:8

Ni li joo maakaal chain, ba pu? Min le ye Uwumbɔr, le ki ŋa nimi chain.”

Tibɔnyaan ti Luk ŋmee ti na 1:46

Le Mari bui ke, “M nyuŋni Uwumbɔr nsui ni la.

Jɔnn 17:19

Bi pu le m di mbaa tii si ke bi mu li ye saanib bi bi chain mbamɔm na.

Lituln 20:32

“Nnaabitiib, m di nimi ŋa Uwumbɔr aaŋaal ni, ke u li lik nimi. M tuk nimi waaliin i mɔk timi waah gee timi pu na. Waaliin ngbaan ga ter nimi, ke ni dii waasan mbamɔm. U ga di lifaal tii nimi, ni binib bimɔk bi chain na.

Lituln 26:18

aan ki ti tuk bi maaliin, ki cha binimbil woln, ki nyan bi mbɔmbɔɔn ni, ki cha bi li bi nwiihn ni, ki nyan bi kinimbɔŋ aaŋaal ni, ki di bi ŋa Uwumbɔr aaŋaal ni, aan ki cha bi gaa min Yesu ki kii, aan Uwumbɔr di cha pinn bi baatunwanbir, ki ŋa bi waanib ponn ni bibaa, baah gaa min Yesu ki kii pu na pu.’”

Rom Yaab 15:13

Uwumbɔr tii timi limakl la. Naah gaa u ki kii pu na, u gbiin nimi mpopiin ni nsuudoon mɔmɔk. Nima le ni ga li kpa limakl sakpen, Waafuur Nyaan aapɔɔn pu.

Rom Yaab 15:33

Uwumbɔr u tii timi nsuudoon na li bi ni mɔmɔk chee. Amii.

Rom Yaab 15:5

Uwumbɔr u tii timi limɔr, ki pɔɔk timi aataakpab na tii nimi kimɔbaan Yesu Kristo aah ban pu na,

Rom Yaab 16:20

Naan yunn, le Uwumbɔr u tii timi nsuudoon na, ga cha ni di nitaa taa kinimbɔŋ pu. Tidindaan Yesu Kristo ŋa tinyoor ŋa ni pu.

1 Korenti 1:2

tii Uwumbɔr aanib bi bi Korint aatiŋ ni na. Uwumbɔr Aafuur Nyaan ŋa nimi bininyaam Yesu Kristo pu, ki yin nimi ke ni li ye waaninyaam, ni binib bimɔk yin Tidindaan Yesu Kristo aayimbil ntim mɔmɔk ni na. U ye Bidindaan, ni ti mu Aadindaan.

1 Korenti 1:30

Uwumbɔr cha ni ni Yesu Kristo kpaan la, ki cha u ye timi aalan. Yesu pu, le u len ke timi aabɔr ŋan, ki ŋa timi waaninyaam, ki gaa timi lii.

1 Korenti 14:33

Uwumbɔr aa ban kifuuk, u ban suuna la.

2 Korenti 5:19

Maah len pu na le ye ke Kristo aah nan kpo na, nima le tii Uwumbɔr nsan ke u di dulnyaa ni aanib kpaan ubaa chee, ki di cha baatunwanbir pinn bi. U di tichandaan aaliin imina ŋa tiŋaal ni, ke ti tuk binib.

Filipi 1:10

aan ki lee nsan mu ŋan na, aan ki li bi chain, ki taa li kpa taani ubaa bundaln Kristo ga gir ni na.

Filipi 1:6

M bee ke Uwumbɔr u nan piin ki bi toor nimi aabimbin na, u ga li beenin ŋani kina ki toor nimi aabimbin ti doo bundaln Yesu Kristo ga gir ni na.

Filipi 4:9

Ni nan bae Uwumbɔr aabɔr m chee, ki gaa ti, ki ŋun maah len pu na, ki kan maah ŋani pu na. Ni li dii kina, le Uwumbɔr u tii timi nsuudoon na ga li bi ni chee.

Kolosiya 1:22

le dandana wee u cha ni ni uma ŋa kijɔtiik; ba pu? Ujapɔɔn nan kpo ni pu la. U nan kpo ni pu, ke ni li bi chain, ki li ye bininyaam, ki taa li kpa ngalm mubaa, bundaln u ga di nimi siin Uwumbɔr aanimbiin ni na.

1 Tesalonika 2:19

Tidindaan Yesu yaa nan gir ni kan, bilabi pu ti ga li kpa limakl, ni mpopiin, ni kipupuk unimbiin ni?

1 Tesalonika 3:11

M mee Tite Uwumbɔr ni Tidindaan Yesu ke bi tii timi nsan aan ti dan ni chee.

1 Tesalonika 3:13

U tii nimi mpɔɔn ke ni li bi chain ki taa li kpa taani ubaa Tite Uwumbɔr aanimbiin ni, bundaln Tidindaan Yesu ni waanib mɔmɔk ga gir ni na.

1 Tesalonika 4:3

Uwumbɔr aageehn le ye ke ni li bi chain, ki taa gɔr kidagook.

1 Tesalonika 5:22

Ni yii man isan i kaa ŋan na mɔmɔk aabɔŋ.

2 Tesalonika 3:16

Tidindaan u tii timi nsuudoon na tii nimi nsuudoon n‑yoonn mɔmɔk, tiwan mɔmɔk ponn ni. Tidindaan li bi ni mɔmɔk chee.

Hiibru Yaab 13:20

Uwumbɔr nan fikr Tidindaan Yesu u ye waanib mɔmɔk aayidaan na nkun ni. Waasin pu, le Uwumbɔr puu tipuupɔln tii timi. Tipuur ngbaan ga li bi n‑yoonn mu kaa kpa ndoon na.

Hiibru Yaab 2:11

U ŋani binib chain la. U ni binib bi u ŋani bi chain na, bi mɔmɔk kpaan te ubaa la. Nima le inimɔɔn aa joo u ke u yin bi unaabitiib.

Hiibru Yaab 4:12

Uwumbɔr aabɔr fu, ki kpa mpɔɔn, ki ka jer kijuk ki ka ŋipepel mɔmɔk ŋilee na, ki koo unii aasui ni, ni waawiin ni, ki lik usui ni aabɔbɔrkaan aah bi pu na, ki mɔk waalandak aah bi pu na, ki lik usui aah ban pu na, ke ni ŋan aan naa ŋan.

Jemisi 1:4

Ni mu li nyi man ki li kpa limɔr ki ti saa naadoon, ki taa di cha, aan ki li ye binib bi ŋan doo na, ki taa li kpa taani ubaa, ki taa lir.

1 Piita 1:2

Tite Uwumbɔr nan nyan nimi waageehn pu, ki cha Waafuur Nyaan ŋa nimi chain, ni li keei Yesu Kristo aamɔb, aan Uwumbɔr di cha pinn nimi Yesu aasin pu. Uwumbɔr ŋa tinyoor ŋa ni pu, ki tii nimi nsuudoon pam.

1 Piita 5:10

Ni yaa ji falaa ni yunn siib kan, Uwumbɔr ga ter nimi, ki tii nimi mpɔɔn ni li dii u mbamɔm, ki taa gir puwɔb. Ba pu? nterm mɔmɔk nyan ni uma le chee. U nan yin nimi Kristo pu, ke ni nan ji waamɔɔn n‑yoonn mu kaa kpa ndoon na.

2 Piita 3:14

Maanigeekaab, naah kpa limakl kina na, ni li pɔɔni nibaa ki li bi suuna, ki li bi chain, ki taa li kpa taani ubaa Uwumbɔr chee bundaln u ga lik nimi aabimbin aah bi pu na.

Juud 1:1

Min Juud, u ye Yesu Kristo aatutunn, ni Jems aanaal na le ŋmee tibɔr tee tii nimi bi Uwumbɔr lee nimi na. U gee nimi, ki joo nimi Yesu Kristo pu la.

Juud 1:24

Uwumbɔr u wiin chain na ga li ŋmaa joo nimi, ni taa lir, ki ga ŋmaa di nimi siin unimbiin ni, le ni ga li kpa mpopiin sakpen, kaan li kpa taani ubaa.