1 Tesalonika 5:18 - Uwumbɔr aagbaŋ

¹⁸ ki li dooni u tiwan mɔmɔk pu. Uwumbɔr aageehn le ye ke ni li ŋani kina; ba pu? ni ye Yesu Kristo aanib la.

UWONBƆR A GBƆNPƆŊ LIKƆƆNL

¹⁸ niwann biɛn a poolin ke ni li poor Uwonbɔr a, Uwonbɔr a bam le yen ki sei ni Masiya bu.

1 Tesalonika 5:18 ပူးပေါင်းရင်းမြစ်များ

Job Aagbaŋ 1:21

ki nan bui ke, “Baah nan ma mi na, maa nan joo ni nibaa, le ki ga nan kpo, kaa joo nibaa. Uwumbɔr nan tii, uma le ki gaa. Pak waayimbil man.”

Ilahn 34:1

M ga li dooni Uwumbɔr n‑yoonn mɔmɔk; m ga li pak u n‑yoonn mɔmɔk.

Daniel 6:10

Daniel aah ŋun ke ubɔr di waanaŋ nyii nkaal ngbaan pu na, le u kun linampal. U nan ti koo paacham aadiik ni, waadichal ponn ni. Kidiik ngbaan aatakolu tiib bibaa nan lik Jerusalem aatiŋ wɔb la. Nima chee, le u nan gbaan ke waah ti ŋani pu n‑yoonn mɔmɔk na, takolu tiib bi piir na chee, ki mee Uwumbɔr nfum mutaa nwiin mubaa.

Efesusi 5:20

Ni li dooni Tite Uwumbɔr n‑yoonn mɔmɔk, tiwan mɔmɔk pu, Tidindaan Yesu Kristo aayimbil pu.

Filipi 4:6

Ni taa cha ilandak li muk nimi tiwan nibaa pu. Ni li mee Uwumbɔr tiwan mɔmɔk pu, ki gaŋni u, ki dooni u ki tuk u naah ban pu na mɔmɔk.

Kolosiya 3:17

Ni yaa len kan, ni len Tidindaan Yesu aayimbil pu; ni yaa tun lituln kan, ni li tun waayimbil pu, ki li ŋani tiwan mɔmɔk waayimbil pu, ki li dooni Tite Uwumbɔr u pu.

1 Tesalonika 4:3

Uwumbɔr aageehn le ye ke ni li bi chain, ki taa gɔr kidagook.

Hiibru Yaab 13:15

Yesu pu, cha ti pak Uwumbɔr n‑yoonn mɔmɔk, ki li dooni u waabulchinn pu. Nima le ye kitork ki tii u.

1 Piita 2:15

Uwumbɔr ban ke ni tun litulnyaan aan ki cha bijɔrb bi kaa nyi nibaa ki bii nimi na ŋmin la.

1 Piita 4:2

Nima pu na, naah laa bi dulnyaa wee ni na, ni taa ki kii nisui aah gee pu na, ni li keei Uwumbɔr aah gee pu na.

1 Jɔnn 2:17

Dulnyaa wee ga doo. Tiwan ni binib aanimbil man ni pu na, ni mu ga doo. Unii umɔk ŋani Uwumbɔr aageehn na ga li bi n‑yoonn mu kaa kpa ndoon na.