1 Tesalonika 4:9 - Uwumbɔr aagbaŋ

⁹ Uwumbɔr mɔk nimi naah ga li gee tɔb pu na. Nima pu na, naa ki ban ke m ŋmee kigbaŋ ki tuk nimi naah ga li gee ninaabitiib pu na.

UWONBƆR A GBƆNPƆŊ LIKƆƆNL

⁹ Daandaan nan ki jiin kunabitiig a jiɛmin paam, naa ji ye ti sɔb le ki sei ni, Uwonbɔr le wɔɔn ni tɔɔl naah li jiɛ tab man.

1 Tesalonika 4:9 ပူးပေါင်းရင်းမြစ်များ

Ilahn 133:1

Uwumbɔr aanib yaa koo tɔb chee ni kimɔbaan kan, ni kpa mpopiin sakpen a.

Aisaya 51:13

Ni suln Uwumbɔr u naan nimi na bɔr aa? Uma le nan daa taln kitaapaak, ki baan kitiŋ aatinyikl. Ba ŋa ni san ijawaan n‑yoonn mɔmɔk binib bi muk nimi na aaŋuul pu, ki san binib bi ban bi ku doo nimi na? Baaŋuul aan ki pii nimi daalbaadaal.

Jeremia 31:33

Maah ga puu tipuupɔln ti tii Israel yaab na ga li ye le ke: M ga di maakaal ŋa baalandak ni, ki ŋmee mu bisui ponn ni. M ga li ye Baawumbɔr, le bi li ye maanib.

Jeremia 31:34

Bi ponn ni ubaa aan ki mɔk uŋeen aatɔ ke u bee Uwumbɔr, ba pu? bi mɔmɔk ga bee mi, biwaatiib ki ti saa bikpaam mɔmɔk ga bee mi. M ga di baatunwanbir cha pinn bi, kaan ki teer baataani. Min Uwumbɔr le len kina.”

Liifai Yaab 19:8

Unii umɔk ŋman ti na aabɔr ga bii, ke waa lik faar tiwan ni bi di tii mi na, waan ki li ye maanib ponn ni ubaa.

Matiu 22:39

Leler aakaal naahn nkaal ngbaan la, ‘Aa li gee aana aabo ke saah gee aabaa pu na.’

Jɔnn 14:26

Nte Uwumbɔr ga tun ni Uteter, maayimbil pu. Uteter ngbaan ye Waafuur Nyaan la. Uma le ga mɔk nimi tibɔr mɔmɔk aatataa, ki ga teer nimi maah tuk nimi tibɔr timɔk na.

Lituln 4:32

Binib bimɔk nan gaa Yesu ki kii na nan kpaan kimɔbaan, ni nlandakbaan. Ubaa aa len ke waawan nibaa le ye uyaan. Le bi mɔmɔk yakr baawan mɔmɔk, ki di tii tɔb.

Rom Yaab 12:10

Ni li gee tɔb mbamɔm, ke mmaalbaan ni aanib aah gee tɔb pu na, ki li pak biken ki jer nibaa.

2 Korenti 9:1

Maa ki ban m ŋmee kigbaŋ ki tuk nimi naah ga ter Yesu aanib bi bi Jerusalem ni pu na.

Filipi 3:15

Nimi bi dii Uwumbɔr aasan mbamɔm na, cha ni mu aanimbil li man kina man. Ni yaa kaa bee waabɔr tibaa mbamɔm kan, u ga mɔk nimi.

1 Tesalonika 5:1

Nnaabitiib, naa ki ban ke m ŋmee ki tuk nimi bundaln tiwan nimina mɔmɔk ga ŋa na.

Hiibru Yaab 10:16

ke Uwumbɔr len ke, “Maah ga puu tipuur ti tii bi n‑yoonn mu choo na le ye ke m ga di maakaal ŋa bisui ni, ki ŋmee mu baalandak ni,”

Hiibru Yaab 13:1

Tɔ, ni li beenin gee tɔb man ke naabitiib na.

1 Piita 3:8

Kookoo aabɔr le ye ke ni mɔmɔk li kpaan kimɔbaan, ki cha nitafal li bi tɔb ni, ki li gee tɔb ke naabitiib na, ki li san tɔb kinimbaak, ki sunn nibaa taab.

1 Piita 4:8

Tiwan ni jer tiwan mɔmɔk na le ye ke ni li gee tɔb mbamɔm; ba pu? aa yaa gee unii kan, aa ga di cha pinn u titunwanbir pam.

2 Piita 1:7

ki li ŋani ninaabitiib tibulchinn ki di kpee Uwumbɔr aasam pu; ki li gee tɔb, ki di kpee tibulchinn pu.

1 Jɔnn 2:10

Unii umɔk gee una aabo na bi nwiihn ni la. Tiwan ni ga cha unii lir na aa bi nwiihn ni.

1 Jɔnn 3:11

Naah nan piin ki dii Yesu aasan ki di nan saa din na, naah ŋun tibɔr ti na le ye ke, “Cha ti li gee tɔb.”

1 Jɔnn 3:23

Waah tuk timi ke ti li ŋani pu na le ye ke: ti gaa Ujapɔɔn Yesu Kristo ki kii, ki li gee tɔb, uma Yesu aah tuk timi pu na.

1 Jɔnn 4:21

Yesu aah nan tuk timi pu na le ye ke: unii u gee Uwumbɔr na, u li gee una aabo mu.