1 Tesalonika 4:8 - Uwumbɔr aagbaŋ

⁸ Unii umɔk yii mmɔkm ngbaan na, naa ye binib aamɔkm le u yii, u yii Uwumbɔr u tii nimi Waafuur Nyaan na aamɔkm la.

UWONBƆR A GBƆNPƆŊ LIKƆƆNL

⁸ Mambu uninfo wan yii kaa nɔɔ nwɔɔnim nan ke, naa ye uninfosaal le u yii amaa u yii Uwonbɔr wan sei ni U Kasi a Naaŋin le.

1 Tesalonika 4:8 ပူးပေါင်းရင်းမြစ်များ

Nehemia 9:30

Le ŋibin mɔmɔk aa ji suklaa bi pu ki sak bi, ki cha Saafuur Nyaan gbiini saabɔnabtiib ke bi sak bi, le bi yii ki kpaa bitafal, kina pu le aa cha baadim nyaŋ bi.

Nnyam 16:8

Le Moses ki bui bi ke, “Ni ye Uwumbɔr ubaa le ga tii nimi tinann kijook kee, le kichakpiik ni u ga tii nimi tijikaar naah ban pu na, ba pu? u ŋun naah len tibɔbir u pu sakpen pu na; n‑yoonn mu ni len tibɔbir ti pu na, ni ye mbamɔn ke ni len Uwumbɔr la.”

Ŋiyataŋak 1:7

Waahr aan aa nin kan nlan na, see aa kpa kipak ni ijawaan ki tii Uwumbɔr. Bijɔrb ma aa ban nlan, ki yii ke baan bae mu.

Ŋiyataŋak 23:9

Taa pɔɔk aabaa ke aa tuk ujɔr nlan aabɔr; waan gaa ti.

Aisaya 49:7

Israel yaab Aawumbɔr u bi chain, ki gaal bi lir na bui baah lik unii u fam na, aan ŋinibol mɔmɔk yii u, aan u ye bitinjoob aanaagbiija na ke: “Bibɔrb ga kan ke aa nyan saamuk ni le ki ga fii sil ki tii si kipak; Kitiŋ aajojoob mu ga kan kina, le ki gbaan kitiŋ ki nyuŋ si.” Uwumbɔr aah lee waatutunn pu na le ga cha kina ŋa; Israel yaab Aawumbɔr u bi chain na joo waah puu tipuur ti na la.

Aisaya 53:10

Uwumbɔr bui ke, “Ni nan ye maageehn le ke u ji falaa; waakun nan ye kitork ki ga joo ni chapinn na la. Le ni tii u nsan u kan uyaabitiib; u ga li kpa limɔfal li fɔk na, aan maah ban pu na ŋa uma pu.

Tibɔnyaan ti Luk ŋmee ti na 10:16

Yesu nan tuk waadidiliib, “Unii u ŋun nimi aabɔr na kan, u ŋun maabɔr le na. Unii u yii nimi na kan, u yii mi le na. Unii u yii mi na kan, u yii Uwumbɔr u tun ni mi na le na.”

Jɔnn 12:48

Unii umɔk yii mi, kaa gaa maaliin na kan, tiwan nibaa bi ki ga mɔk ke waabɔr bii a. Kookoo aataadaal kan, maaliin le ga mɔk ke waabɔr bii,

Rom Yaab 5:5

Limakl ngbaan aan jinn timi inimɔɔn. Ba pu? Uwumbɔr aah tii timi Waafuur Nyaan na, Nfuur Nyaan ngbaan le cha ti bee tisui ni waah gee timi sakpen pu na.

1 Korenti 2:10

Le Uwumbɔr cha Waafuur Nyaan kpiir tiwan ngbaan mɔk timi. Ba pu? Nfuur Nyaan ngbaan nyi tiwan mɔmɔk, ki nyi Uwumbɔr aasui ni aabɔr mu.

1 Korenti 7:40

M mu dak ke u yaa bi ke waah bi pu na kan, u ga li kpa mpopiin ki jer u yaa ki mɔn kan. M dak ke m kpa Uwumbɔr Aafuur Nyaan le ki len kina.

2 Korenti 1:22

U daan timi ke uma le yeh timi, ki di Waafuur Nyaan ŋa tisui ni, ke u mɔk timi waah ga tii timi pu na n‑yoonn mu choo na.

Galantiya 4:6

Taah ye Uwumbɔr aabim na, le Uwumbɔr tun ni Ujapɔɔn Aafuur Nyaan tisui ni. Muma le cha ti yin Uwumbɔr ke Tite.

1 Piita 1:12

Le Uwumbɔr nan mɔk bi ke baah len tibɔr ti na, baa len ke bi ter bima bibaa, bi len ke bi ter nimi la. Le ni ŋun tibɔr ngbaan dandana wee. Uwumbɔr cha Waafuur Nyaan nyan ni paacham ki tii binib mpɔɔn bi tuk nimi tibɔnyaan tee. Tibɔnyaan timina le Uwumbɔr aatuuntiib ban ke bi bee taatataa.

2 Piita 1:21

Naa ye bima bibaa aageehn pu le cha bi len. Bi nan len Uwumbɔr Aafuur Nyaan aah cha bi len pu na.

1 Jɔnn 3:24

Unii umɔk kii Uwumbɔr aamɔb na, u bi Uwumbɔr ni. Uwumbɔr mu bi u ni. U tii timi Waafuur Nyaan, nima le cha ti bee ke u bi ti ni.

Juud 1:8

Le bibiindam bi bi nikaasisik ni na aa gar nsurm ngbaan. Bi mu ŋani ke binib ngbaan aah nan ŋani pu na la. Bi len ke bi daŋ tidaŋ ti mɔk bi ke bi gɔr kidagook, ki seei Uwumbɔr aatuuntiib, ki taa kii unii ubaa aamɔb na.

1 Samuel 10:19

Min le ye nimi Aawumbɔr, u nyan ni nimi tibɔr, ni ŋimuk mɔmɔk ponn ni na, le din wee ni yii mi, le ki bui mi ke m tii nimi ubɔr. Ni ŋan, kina pu na, kuun tɔb man, ki kal ŋinibol ŋinibol, ni imaal imaal, Uwumbɔr aanimbiin ni.’”

1 Samuel 8:7

le Uwumbɔr bui u ke, “Ŋun binib ngbaan aah len pu na mɔmɔk. Naa ye sin le bi yii, min le bi yii ke maa ye baabɔr.