1 Tesalonika 4:14 - Uwumbɔr aagbaŋ

¹⁴ Ti pak ke Yesu nan kpo, ki ki fikr nkun ni. Nima pu le ti pak ke Uwumbɔr ga fikr Yesu aanib bi kpo na mu, ki cha bi li dii u bundaln u ga gir ni na.

UWONBƆR A GBƆNPƆŊ LIKƆƆNL

¹⁴ Ti ŋa yada ke Yisa kpo ki fii nkumin na, ni ma bu che ti jɔɔ yada ke Uwonbɔr le ŋmagin ban nan dɔɔn jiɛn Yisa nni ki dan.

1 Tesalonika 4:14 ပူးပေါင်းရင်းမြစ်များ

Mpiin 49:19

Sin Gad, saadim ga lir aa pu, le ki joo cha na, sin le ga nyaŋ bi.

Aisaya 26:19

Tɔ, timi aanib bi kpo na ga ki fikr nkun ni. Biwon ga ki fikr ki li kpa limɔfal. Bimɔk dɔ geen baakaakul ponn ni na ga fii ki gaa mpopiin aalahn. Limaln aah sɔŋni kitiŋ pu na, kina le Uwumbɔr ga fikr binib bi kpo ni yunn na.

Sekaria 14:15

Iween i bir na mu ga lir baadim aawakor mɔmɔk pu, baakakaa ni. I ga lir itaan, ni tiwakor ti naahn ibon na, ni laakumii tiib, ni ibon pu.

Matiu 24:31

Le kakaan ga wii mpɔɔn pu. Le m ga tun ni maatuuntiib ke bi buen liwipuul, ni liwilir, ni ŋŋangan, ni ŋŋangii, ki ti kuun ni maanib mɔmɔk, ki di dan m chee.”

Rom Yaab 14:9

Kristo nan kpo ki fikr nkun ni, ke u li ye binib bi kpo na, ni binib bi fu na mu Aadindaan la.

Rom Yaab 8:11

Uwumbɔr nan fikr Yesu nkun ni. Uwumbɔr u fikr Yesu nkun ni na Aafuur Nyaan yaa bi ni ni kan, uma Uwumbɔr u fikr Yesu Kristo nkun ni na ga fikr nimi aawon ti ga kpo na mu. Waafuur Nyaan mu bi ni ni na aapɔɔn pu, le u ga fikr nimi nkun ni.

1 Tesalonika 3:13

U tii nimi mpɔɔn ke ni li bi chain ki taa li kpa taani ubaa Tite Uwumbɔr aanimbiin ni, bundaln Tidindaan Yesu ni waanib mɔmɔk ga gir ni na.

1 Tesalonika 4:13

Tinaabitiib, ti ban ke ni bee binib bi kpo na aabɔr, aan ki taa li kpa mpombiin, ke binib bi kaa kpa limakl na aah kpa mpombiin pu na.

1 Tesalonika 4:17

Njan, Yesu aanib bi kpo na le ga fikr nkun ni, le Uwumbɔr nin kpaan yoor bi ni waanib bi mu ga li bi n‑yoonn ngbaan na, le bi ti tooh Tidindaan ntaalangbam ni, paacham. Kina le ti ga li bi Tidindaan chee n‑yoonn mu kaa kpa ndoon na.

2 Tesalonika 2:1

Tinaabitiib, ti ban ke ti len ni chee ki joo cha bundaln Tidindaan Yesu Kristo ga gir ni ki nan kuun timi u chee na aabɔr la.

Tibɔkpiirkaan 1:18

Min le ye umɔfadaan. M nan kpo, le ki fikr, ki ga li bi n‑yoonn mu kaa kpa ndoon na, ki joo nkun ni kitekpiitiŋ aasaafii tiib.

Tibɔkpiirkaan 14:13

Le m ŋun nneel len paacham ke, “Ŋmee ke: Bitekpiib bi nan dii Tidindaan na, waanyoor bi bi pu dandana wee ki joo cha.” Le Uwumbɔr Aafuur Nyaan kii ke, “Ni ye mbamɔn; ba pu? bi nan tun litunyaan linimaln. Baah kpo na, le bi fuur. Baah tun pu na mu dii bi.”