1 Tesalonika 4:13 - Uwumbɔr aagbaŋ

¹³ Tinaabitiib, ti ban ke ni bee binib bi kpo na aabɔr, aan ki taa li kpa mpombiin, ke binib bi kaa kpa limakl na aah kpa mpombiin pu na.

UWONBƆR A GBƆNPƆŊ LIKƆƆNL

¹³ N nabum, taa ban ni li be ki laa nyi ban dɔɔn jiɛn nin bu, bee ki jɔɔ npoobiin ke bininfob ban gur kaa jɔɔ tama-n kaah be man nni.

1 Tesalonika 4:13 ပူးပေါင်းရင်းမြစ်များ

Mpiin 37:35

Le ujapɔtiib ni ubisatiib mɔmɔk nan dan bi nan sɔŋ usui, le u nan yii baasurm ki bui ke, “Hali, m ga di ti kpo, maan suln maabo ngbaan aakun bɔr.” Nima pu na, n‑yoonn mɔmɔk u nan wii Josef aakun aabɔr pu la.

2 Samuel 18:33

Mpombiin nan ti nyaŋ ubɔr, le u fii buen kitiŋ aabisamɔb aadiik na ni, ki ti wii. Waah cha na, le u wii ke, “Maabo, maabo Absalom. Absalom, maabo. Maabo, min le yaa ba tee kpo ki cha sin kan, ni ba soor. Maabo Absalom.”

1 Bibɔrb 1:21

Aa yaa kaa ŋa kina, ki yaa kpo kan, libuul ngbaan ni, le bi ga li gur ŋani m ni njapɔɔn Solomonn ke taah ye bitimbiib le na.”

1 Bibɔrb 2:10

David nan kpo, le bi di u sub uma David Aatiŋ ni.

Job Aagbaŋ 1:21

ki nan bui ke, “Baah nan ma mi na, maa nan joo ni nibaa, le ki ga nan kpo, kaa joo nibaa. Uwumbɔr nan tii, uma le ki gaa. Pak waayimbil man.”

Ŋiyataŋak 14:32

Bibiindam le joo baatunwanbir kulni baamɔfal, le bininyaam ma kpa limakl nkun ni.

Esekiel 37:11

Uwumbɔr nan ki bui mi ke, “Unibɔn, Israel aanib bi ke ikpab imina na la. Bi len ke bi kuur la, ke baa ki kpa limakl libaa, kaa kpa fen u choo na.

Daniel 12:2

Bi puen kpo na pam le ga fikr nkun ni: bibaa ga kan limɔfal li kaa kpa ndoon na, le bibaa mu ji inimɔɔn i kaa kpa ndoon na.

Liifai Yaab 19:28

bee ni daan nimi aawon pu nibaa chee, bee ni geei geei niwon utekpiir pu. Min le ye Uwumbɔr.

Liifai Yaab 21:2

“Unii yaa kpo ki yaa kaa ye aana, bee aate, bee aajapɔɔn, bee aabisal, bee aakpel, bee aanaal,

Matiu 27:52

Ŋikaakul ngem mu chuu piir, le Uwumbɔr aanib bi nan kpo na pam fikr nkun ni, ki nyan ŋikaakul ngbaan ponn ni.

Jɔnn 11:24

Le Mata bui u, “M nyi ke u ga nan fikr nkun ni, kookoo aataadaal, bundaln binib mɔmɔk ga fikr nkun ni na.”

Lituln 13:36

Ubɔr David aah nan bi na, u nan tun Uwumbɔr aatuln, le ki ti kpo. Le bi sub u uyaajatiib chee, le u bur.

Lituln 7:60

le ki gbaan utaaŋaayil pu, le ki teen mpɔɔn pu, “Tidindaan, taa teen bi baah ŋa bakaa u na.” Waah len kina na, le u kpo.

Lituln 8:2

Le bijab bi san Uwumbɔr na sub Stiifen ki wii mpɔpɔɔn pu.

Rom Yaab 1:13

Nnaabitiib, m ban ke ni bee ke n‑yoonn mɔmɔk m nan ban ke m dan ni chee, le kaa kee ŋmaa dan. M ban ke m cha binib gaa Yesu ki kii Rom aatiŋ ni, ke maah ŋa pu ntim muken ponn ni na.

1 Korenti 10:1

Nnaabitiib, m ban ke ni bee ke ntaalangbam nan sunn ni ki mɔk tiyaajatiib nsan. Le Uwumbɔr nan tii bi nsan nnyusakpem aakaasisik ni, bi puur.

1 Korenti 12:1

Nnaabitiib, m ban ke ni bee tibɔr ti joo cha Uwumbɔr Aafuur Nyaan aapiin wɔb na la.

1 Korenti 15:6

Le waadidiliib bi jer ikui iŋmu na mu nan kpaan kan u. Bi ponn ni pam beenin bi, le bibaa mu kpo.

2 Korenti 1:8

Tinaabitiib, ti ban ke ni bee taah nan ji falaa pu Asia aatiŋ ni na. Falaa ngbaan nan muk timi ki ti chaar jer. Taa nan dak ke ti ga ki li bi.

Efesusi 2:12

N‑yoonn ngbaan, naa nan kpaan Kristo chee, kaa nan ye binib bi Uwumbɔr nyan bi na ponn ni bibaa, kaa nan bi tipuur ti Uwumbɔr nan puu tii bi na ni. Ni nan bi dulnyaa wee ni, kaa nan kpa limakl, kaa nan nyi Uwumbɔr.

Efesusi 2:3

Ti mɔmɔk mu nan bi bi ponn ni, ki mu dii taah ban tiwan ni kaa ŋan na pu na, ki ŋani tisui ni tiwon aah gee pu na. Taah nan bi pu na le nan cha Uwumbɔr gee liŋuul ti pu, ke waah gee liŋuul titunwanbirdam biken pu pu na.

1 Tesalonika 4:14

Ti pak ke Yesu nan kpo, ki ki fikr nkun ni. Nima pu le ti pak ke Uwumbɔr ga fikr Yesu aanib bi kpo na mu, ki cha bi li dii u bundaln u ga gir ni na.

1 Tesalonika 4:15

Taah ban ti tuk nimi tibɔr ti na, ti ye Tidindaan aabɔr la. Tidindaan aanib bi ga li bi dulnyaa wee ni bundaln u ga gir ni na aan puen binib bi kpo na ki buen paacham.

1 Tesalonika 5:10

Uma le nan kpo ti pu. Nima pu na, ti yaa bi, bee ti yaa kpo bundaln u ga gir ni na kan, ti ga buen ti li bi u chee.

1 Tesalonika 5:6

Nima pu na, ti taa li geeni, ke biken aah geeni pu na. Cha ti li kii, ki chuu tibaa man.

2 Piita 3:4

ki ga bui ke, “Yesu Kristo aah puu tipuur ti ke u ga gir ni na, u bi la chee? Buyoonn titetiib nan kpo ki nan saa dandana wee na, tiwan mɔmɔk beenin bi ke naah nan bi pu buyoonn Uwumbɔr naan dulnyaa wee na la.”

2 Piita 3:8

Maanigeekaab, ni taa suln ke liwinbaal naahn ŋibin lichur le Tidindaan chee. Ŋibin lichur mu naahn liwinbaal le u chee.