1 Tesalonika 4:11 - Uwumbɔr aagbaŋ

¹¹ Cha ninimbil li man ke ni li bi suuna, ki li tun nimi aatuln, ki di nimi aaŋaal tun lituln, ke taah nan tuk nimi pu na.

UWONBƆR A GBƆNPƆŊ LIKƆƆNL

¹¹ Ni che ni li ye ni toonl ke ni li be nbinben ŋan, ki che ni baga li be ni tɔɔl a toon yin ki li jɔɔ ni nɔɔi tun ki jiu, ke taah bei ni man nin,

1 Tesalonika 4:11 ပူးပေါင်းရင်းမြစ်များ

Ŋiyataŋak 17:1

Aa yaa ŋman lisaaŋmiil ki kpa nsuudoon kan, ni ŋan jer ke aa ji njim sakpem lidichal li ponn ni ye tibɔr ŋmeen na.

Ŋiyataŋak 17:14

Kinikpakpak aah ga piin pu na naahn mmɔgbaamii la; goo ki aan ki taa ki foor kpee.

Ulandaan 4:6

Nibaakan ti gbii kina; tɔ, aa yaa kpa siib, aan saalan dɔ suuna kan, ni soor ni ke aa li joo aaŋaal ilee mɔk yanni n‑yoonn mɔmɔk ke aa chuu libuln.

Inandalahn 3:26

Kina pu na, ni ŋan ke ti di limɔr kiir u, aan u nan gaa timi lii.

Tibɔnyaan ti Mak ŋmee ti na 13:34

Ni naahn uja u nan ban u chuun nsan, ki tuk waatutum ke bi li joo waadichal mbamɔm, ki mɔk bi mɔmɔk baah ga tun lituln li na, ki tuk ukikiir na ke u li kii, le ki nin buen.

Lituln 18:3

Uja ngbaan ni upuu nan jab igban le ki gaal ŋiboo. Baatuln le nan bi na. Pɔɔl aatuln ni baatuln kpaa la. Nima pu le u nan ti bi bido. Le bi tun lituln ngbaan tɔb chee.

Lituln 20:35

Maah tun lituln kina na, m mɔk nimi ke ni mu li tun kina, ki ter bibum, ki li teer ke Tidindaan Yesu ubaa nan len ke, ‘Uwumbɔr aanyoor bi unii u tii na pu ki jer u gaa na pu.’”

Rom Yaab 12:11

Ni taa li san ligbanyakl man. Cha ninimbil li man Tidindaan aatuln pu,

Rom Yaab 15:20

Nnimbil nan man ke m moon Kristo aabɔnyaan tee, binib aah kaa kee ŋun ti pu nin chee na. Maa nan ban m buen biken aah puen moon ti nin chee na.

1 Korenti 4:12

Ti tun lituln linimaln, ki joo timi aaŋaal imina le ki tun. Binib seei timi la, le ti bui bi ke, “Uwumbɔr ŋa tinyoor ŋa ni pu.” Bi ŋani timi falaa la, le ti ji limɔr.

2 Korenti 5:9

Ti yaa bi kitiŋ do, bee ti yaa bi paacham kan, ti ban ke ti piir usui la.

Efesusi 4:28

Binaayukb taa ki su. Cha bi di biŋaal tun lituln li ŋan na linimaln, aan ki kan baah ban pu na, ki tii bigiim mu.

1 Timoti 2:2

Ni li mee Uwumbɔr kina ki tii bibɔrb, ni kitiŋ aayidam mɔmɔk, aan ti li bi tibaa pu, ki li kpa nsuudoon, ki li dii Uwumbɔr aasan, ki li ŋani tiwan mɔmɔk mbamɔm.

1 Timoti 5:13

Ki ki kpee na, bi ga li san ligbanyakl, ki ga li chaa ŋidichal ŋidichal ni. Naa ye ke bi ga li san ligbanyakl baanja la, bi ga li ye bibɔtukb la, ki ga li koo binib aabɔr ni, ki ga len naah kaa ba ŋan bi len pu na.

Taitus 3:14

Ni ŋan ke Yesu aanib bae ke ni ŋan ke bitafal li bi litunyaan ponn ni, ki li ter binib bi ban nterm na, aan ki taa li bi fam.

1 Piita 3:4

Tiwan ni ga cha ni li ŋan na le ye mbimbin mu ŋan na. Ni yaa kpa mbimbin suuna kan, nima le ye kinyaan ki kaan fir, ki ŋan sakpen Uwumbɔr chee na.

1 Piita 4:15

Le ni ponn ni ubaa yaa jin falaa linikul pu, bee kinaayuk pu, bee baka baka pu, bee libɔbaln pu kan, nima aa ŋan.