1 Tesalonika 4:1 - Uwumbɔr aagbaŋ

¹ Tinaabitiib, ti nan mɔk nimi naah ga ŋa pu ki piir Uwumbɔr aasui na. Le ni ŋani kina. Ti gaŋni nimi, ki sur nimi Tidindaan Yesu aayimbil pu ke ni li moo ŋani kina.

UWONBƆR A GBƆNPƆŊ LIKƆƆNL

¹ N nabum, ni joorimin, ti wɔɔn ni na li ŋa man wee ni binbem li gbeeg Uwonbɔr a num, ke naah pii be man nin. Daandaan nan ti balin ni le ki bei ni ke ni le li gbaa be man na Uyudaan Yisa a yinlin.

1 Tesalonika 4:1 ပူးပေါင်းရင်းမြစ်များ

2 Bibɔrb Aabɔr 17:4

U nan dii ute Aawumbɔr la, le ki kii Uwumbɔr aakaal, kaa tun Israel yaab aabɔrb aah tun pu na.

Job Aagbaŋ 17:9

Binib bi bui ke bi ye kipak aanib na moo kani ntaakpab pɔɔn ke bima le kpa mbamɔn.

Ilahn 92:14

le ki beenin lu ŋisubil buyoonn i por na, ki kpa tifasɔnn ki pɔɔ n‑yoonn mɔmɔk.

Ŋiyataŋak 4:18

Mbimbinyaandam aah dii nsan mu na naahn nwiin aah puu pu na la, mu wiin, le ki moo wolni ki ti saa buyoonn mu ga nya ni kookoo na.

Jɔnn 15:2

Ibon imɔk bi m pu kaa lu ŋisubil na, u ga per i lii. Ibon imɔk lu ŋisubil na, u ga toor i, i moo lu ŋisubil.

Lituln 20:27

M tuk nimi Uwumbɔr aabɔr mɔmɔk, kaa gur tibaa.

Rom Yaab 8:8

Binib bi dii mbimbikpok aah ban pu na aan ŋmaa piir Uwumbɔr aasui.

1 Korenti 11:23

Tidindaan le nan tuk mi, le m mu tuk nimi kina, ke kinyeek ki Judas nan kooh u na, kinyeek ngbaan le Tidindaan Yesu nan yoor boroboro

1 Korenti 15:1

Nnaabitiib, m ban m teer nimi maah nan tuk nimi tibɔnyaan ti na la. Ni nan gaa tibɔnyaan ngbaan, ki sil ti pu.

1 Korenti 15:58

Nnaabigeehm, nima pu na, n‑yoonn mɔmɔk ni li tun Tidindaan aatuln sakpen, ki taa cha nibaa leŋ nimi. Ni li bi li ni; ba pu? ni nyi ke ni yaa tun lituln tii Tidindaan kan, naa tun fam.

2 Korenti 10:1

Min Pɔɔl mbaa gaŋni nimi la. Ni ponn ni bibaa len ke maah nan bi ni chee na, maa kaar nimi, ke m yaa bi nibaa chee kan, m kpa lipobil ki ŋmee kigbaŋ ki sur nimi. Min Pɔɔl bi suuna ke Kristo aah bi pu na, ki gaŋni nimi ke ni toor nimi aabimbin man,

2 Korenti 13:11

Nnaabitiib, tibɔr ti gur na le ye ke m ban m chɔi nimi la. Toor nimi aabimbin man. Sɔŋ tɔb aasui man. Ni li kpa kimɔbaan ni nsuudoon man, le Uwumbɔr u gee timi ki tii timi nsuudoon na ga li bi ni chee.

2 Korenti 5:9

Ti yaa bi kitiŋ do, bee ti yaa bi paacham kan, ti ban ke ti piir usui la.

2 Korenti 6:1

Timi bi kpaan Uwumbɔr chee ki tun waatuln na le gaŋni nimi, ni taa gaa Uwumbɔr aaterm yɔli.

Galantiya 6:1

Nnaabitiib, bi yaa pii unii titunwanbir ni kan, nimi bi nyi Uwumbɔr aasan mbamɔm na, ni li bi suuna ki ter u ke u ki dii mbamɔm, ki li lik aabaa, kinimbɔŋ taa tɔŋ aa mu.

Efesusi 4:1

Min Pɔɔl, u bi kiyondiik ni Tidindaan pu na, m gaŋni nimi, ni li dii mbamɔm. Uwumbɔr aah yin nimi ke ni li dii u pu na, ni li dii u kina.

Efesusi 4:20

Kristo aa mɔk nimi ke ni dii kina.

Efesusi 5:17

Nima pu na, ni taa li ye bijɔrb man. Pɔɔk nibaa man ki bee Tidindaan aah ban ke ni ŋa pu na.

Filipi 1:27

Tibɔkpaan le ye ke nimi aabimbin li bi Kristo aabɔnyaan tee aah mɔk nimi pu na, aan m yaa dan nan mann nimi, bee m yaa kaa dan kan, m ga ŋun nimi aabɔr, ke ni si Yesu aachaŋ ni, ki kpa kimɔbaan, ki kpaan tuk binib Yesu aabɔnyaan, ke bi gaa u ki kii.

Filipi 1:9

M mee Uwumbɔr ke ni li moo gee tɔb ki li moo nyi Uwumbɔr aabɔr, ki li kpa nlan nyaan,

Filipi 3:14

Yesu Kristo pu le Uwumbɔr yin mi ke m dii nsan mu cha paacham na. Nima le nnimbil man ke m fuu nima, ki ti kan tinyoor ti Uwumbɔr ga tii mi na.

Kolosiya 1:10

aan ki li dii Tidindaan waah ban pu na, aan ki gbiin unimbil, ki tun litunyaan aabɔŋ mɔmɔk, ki moo bee waabɔr.

Kolosiya 2:6

Ni nan gaa Yesu Kristo, ki kii ke u ye Nidindaan. Nima pu na, ni li kpaan u ni, ki li dii u man,

1 Tesalonika 3:12

Tidindaan cha ni li moo gee tɔb ni binib mɔmɔk, ke taah gee nimi pu na.

1 Tesalonika 4:2

Ni bee taah nan sur nimi pu Tidindaan Yesu aayimbil pu na.

1 Tesalonika 5:12

Tinaabitiib, ti gaŋ nimi, ke ni li pak nimi aaninkpiib bi tun Tidindaan aatuln nikaasisik ni, ki sur nimi waasan ni na.

2 Tesalonika 1:3

Tinaabitiib, ni ŋan ke ti li dooni Uwumbɔr ni pu n‑yoonn mɔmɔk; ba pu? ni moo gaal Yesu ki kii mbamɔm ki moo gee tɔb la.

2 Tesalonika 2:1

Tinaabitiib, ti ban ke ti len ni chee ki joo cha bundaln Tidindaan Yesu Kristo ga gir ni ki nan kuun timi u chee na aabɔr la.

2 Tesalonika 3:1

Tinaabitiib, tibɔr ti gur na le ye ke ni li mee Uwumbɔr ki tii timi, ke u cha waabɔr moon ŋipepel mɔmɔk mala, ki kan mpakm ke naah pak ti pu na,

2 Tesalonika 3:13

Tinaabitiib, nima kan, ni yaa tun litunyaan kan, ni taa cha nitaakpab li yɔl li ponn ni.

1 Timoti 5:21

M sur si Uwumbɔr ni Tidindaan Yesu Kristo ni waatuuntiib bi u nyan bi na aanimbiin ni la, aa li ŋani maah len pu na, ki li joo Yesu aanib mbamɔm, ki taa li kpa imaagann.

2 Timoti 4:1

Yesu Kristo ga gir ni ki nan ji nnaan, ki ji binifuub ni bitekpiib tibɔr; m sur si uma ni Uwumbɔr aanimbiin ni la,

Hiibru Yaab 11:6

Unii yaa kaa gaa Uwumbɔr ki kii kan, waan ŋmaa piir Uwumbɔr aasui. Unii u dan Uwumbɔr chee na, see u pak ke u bi, ki pak ke u ŋani binib bi ban u na tinyoor.

Hiibru Yaab 13:16

Ni teer man aan ki li tun lituln li ŋan na, ki yakr naah kpa ni na tii tɔb man. Nima le ye kitork ki ga piir Uwumbɔr aasui mbamɔm na.

Hiibru Yaab 13:22

Nnaabitiib, m gaŋ nimi, ni li ji limɔr ki pel maah sur nimi kigbaŋ kee ponn ni pu na. Maah ŋmee pu na, ni ye siib la.

2 Piita 3:18

Ni moo gaa Tidindaan Yesu Kristo u gaal timi lir na aaterm, ki li moo bae waaliin. Uma le yeh mpakm dandana wee ki ti saa n‑yoonn mu kaa kpa ndoon na. Amii.

1 Jɔnn 3:22

Ti kii waamɔb la, ki ŋani tiwan ni piir usui na. Nima pu, taah mee u tiwan ni na, u tii timi.