1 Tesalonika 2:9 - Uwumbɔr aagbaŋ

⁹ Nnaabitiib, ni teer taah nan tun lituln linimaln pu na. Ti tuk nimi Uwumbɔr aabɔnyaan, ki tun lituln nwiin pu ni kinyeek mɔk, ke ti ji. Ba pu? taa nan ban ni ji ti pu falaa.

UWONBƆR A GBƆNPƆŊ LIKƆƆNL

⁹ Ibamɔn buu, n nabum, ni li tiɛr ke taah mɔɔn Uwonbɔr a bɔŋann nin ki tenn nin, ti yaa baginn nin ti pɔɔninba-n; ti tun itoon nin le nween nin kunyiɛg naah li ŋa man wee ti laa ye litugil ki sei ni ni uba.

1 Tesalonika 2:9 ပူးပေါင်းရင်းမြစ်များ

2 Bibɔrb 6:2

Tii timi nsan aan ti buen Jɔɔdann Aamɔɔl ni ki ti gaa idɔ, ki nan maa kpee timi aakookoo yaan pu.” Le Elaisa gar bi ke, “Li cha man.”

Nehemia 5:15

Biyidam bi mɔmɔk nan kal aan m nan paan bi pu na, nan ye limukl le ki tii binib ngbaan, ki nan gaal tikur aamombil imonko ilee le nwiin mubaa, ke baajikaar ni ndaan le na. Hali baatutum mu nan muk binib ngbaan la. Le mma aa nan ŋani kina; ba pu? m san Uwumbɔr la.

Nehemia 5:18

Iwiin mɔmɔk m nan kɔr unaaja ubaa, ni ipiih i ye ipiih na iloob, ni ikɔla i wiir na la, le iwiin kipiik mɔk kan see m tii bi ndapɔm. Maah nan nyi binib ngbaan aafalaa aah wiir pu na, maa nan gaal lipal li biyidam gaal na.

Ilahn 32:4

Uwumbɔr, aa nan dar ntafal nwiin pu ni kinyeek; le maapɔɔn doo, ke limaln aah kuur lipeel aatotoŋ chee pu na.

Ilahn 88:1

Ndindaan Uwumbɔr u gaal mi lir na, m wii le nwiin ti lir, le kinyeek kan, m bi aanimbiin ni.

Ŋiyataŋak 31:18

U nyi waah ŋani nimɔk na aanyoor, le ki tun ti mue kinyeek.

Jeremia 9:1

N‑yil yaa ba ye nnyunbun, aan nnimbil mu ye uyayak aanyunbun kan, m ba ga li wii nwiin pu ni kinyeek, baah ku maanib bi na pu.

Tibɔnyaan ti Luk ŋmee ti na 18:7

Waah len ke u ga tii u waabamɔn pu na, Uwumbɔr aan tii waanib bi mee u n‑yoonn mɔmɔk nwiin pu ni kinyeek na baabamɔn aa? U ga taan aa?

Tibɔnyaan ti Luk ŋmee ti na 2:37

U nan ye ŋibin imonko inaa ni ŋinaa aanii la. U nan bi Uwumbɔr Aadichal ni n‑yoonn mɔmɔk, ki dooni u nwiin pu ni kinyeek, ki lulni bumɔb, ki mee u.

Lituln 18:3

Uja ngbaan ni upuu nan jab igban le ki gaal ŋiboo. Baatuln le nan bi na. Pɔɔl aatuln ni baatuln kpaa la. Nima pu le u nan ti bi bido. Le bi tun lituln ngbaan tɔb chee.

Lituln 20:24

Tɔ, m yaa kpo, bee m yaa bi kan, ntafal aa bi ni ni. Tidindaan Yesu tii mi lituln, ke m tuk binib tibɔnyaan ngbaan, ke Uwumbɔr gee bi. Ntafal bi lituln ngbaan ponn ni, ke m tun li ti doo.

Lituln 20:31

Nima pu na, ni li nyi man, ki li teer ke ŋibin ŋitaa le na, m nan bi ni chee ki sur nimi ni tinyunyunn, nwiin pu ni kinyeek.

Rom Yaab 1:1

Min Pɔɔl le ŋmee kigbaŋ kee. M ye Yesu Kristo aatutunn la. Uwumbɔr nan yin mi ke m li ye Yesu aakpambal, ki nyan mi ke m moon waabɔnyaan tee.

Rom Yaab 15:16

ki ŋa mi Yesu Kristo aatutunn ke m tuk binib bi kaa ye Juu yaab na Uwumbɔr aabɔnyaan, ki di bi tii Uwumbɔr, ke kitork na. Waafuur Nyaan le ŋa bi chain ke bi piir usui.

Rom Yaab 15:19

Uwumbɔr Aafuur Nyaan aapɔɔn pu le m tun lijinjiir aatun, ke bi bee waah kpa mpɔɔn pu na. Kina le m mooni Kristo aabɔnyaan mɔmɔk Jerusalem ponn ni, ki di ti saa Ilirikum aatiŋ ni.

1 Korenti 4:12

Ti tun lituln linimaln, ki joo timi aaŋaal imina le ki tun. Binib seei timi la, le ti bui bi ke, “Uwumbɔr ŋa tinyoor ŋa ni pu.” Bi ŋani timi falaa la, le ti ji limɔr.

1 Korenti 9:15

M mu kpa nsan m mu li ji kina; le maa ŋa kina. Maah ŋmee pu na, maa ŋmee ke binib ŋa kina ki tii mi. Maah kaa gaal nibaa binib chee na, nima le m kpa kipupuk. Maa ban ke m li kpa kipupuk yɔli.

1 Korenti 9:18

Nima pu na, maapar ye ba? Ni ye ke m li mooni tibɔnyaan tee aan binib ŋun ki taa pa nibaa. M kpa nsan ke m li gaal tiwan bi chee, ki mu aa gaal.

1 Korenti 9:4

Maah tuk binib Uwumbɔr aabɔr na, maa ŋeer bi tii mi tijikaar ni tiwanyukaan aa?

2 Korenti 11:27

M tun Yesu Kristo aatuln linimaln, ki kani falaa, kaa geeni kinyeek. Nkon ni nnyunyuu mɔk nan joo mi. M nan lann tijikaar. Tiwoor nan joo mi. Maawanpeenkaan aa nan fuu tiwoor ngbaan.

2 Korenti 11:9

Buyoonn m nan bi ni chee ki lann maah ban pu na, maa muk nimi ke ni ter mi. Tinaabitiib bi nyan Masedonia aatiŋ ni na nan joo ni maah ban tiwan ni na mɔmɔk. Maah nan bi pu n‑yoonn ngbaan na, m ga li beenin bi kina la, kaan muk nimi ke ni ter mi.

2 Korenti 6:5

Binib lue timi ŋinaalab, ki laŋ timi tiyondir ponn ni, ki ŋma tijar ti pu. Ti tun lituln linimaln, kaa geeni kinyeek, ki lann tijikaar.

Filipi 4:16

Maah nan bi Tesalonika aatiŋ ni na, ni nan tun ni unii nfum mulee u nan tii mi maah ban pu na.

1 Tesalonika 1:3

Ti teer nimi Tite Uwumbɔr aanimbiin ni n‑yoonn mɔmɔk, ki teer ke naah ŋani pu na, nima le mɔk ke ni gaa u ki kii; naah tun lituln pu na, nima le mɔk ke ni gee u; naah kpa limɔr pu na, nima le mɔk ke ni kpa limakl Tidindaan Yesu Kristo pu.

1 Tesalonika 2:2

le nima yaab nan ŋa timi falaa, ki yook timi, le ti nin dan ni chee. Binib pam nan kpak timi kinikpakpak, le timi Aawumbɔr tii timi lipobil ke ti tuk nimi waabɔnyaan.

1 Tesalonika 2:6

Taa nan ban ke ni nyuŋ timi, kaa nan ban ke binib biken nyuŋ timi.

1 Tesalonika 3:10

Ti mee u linimaln nwiin pu ni kinyeek mɔk ke u cha ti ki kan nimi ki tuk nimi naah kaa kee bee waabɔr pu na.

1 Timoti 1:11

Uwumbɔr aabɔnyaan len kina la, ki tuk timi Uwumbɔr u ti pak u na aah ŋan sakpen pu na. Uma le di tibɔnyaan tee ŋa ŋŋaal ni, ke m di tuk binib.

1 Timoti 4:10

Nima le ti tun Uwumbɔr aatuln linimaln; ba pu? ti gaa Uwumbɔr u ye limɔfadaan ki gaal binib mɔmɔk lir na ki kii la. Uma le gaal binib bimɔk gaa u ki kii na lir.

1 Timoti 5:5

Ukpopii u sil ye ukpopii ki gur ubaa na kpa limakl Uwumbɔr pu la. Le u ga li mee Uwumbɔr ki gaŋni u nwiin pu ni kinyeek.

2 Timoti 1:3

M yaa mee Uwumbɔr u m tun lituln tii u mbamɔm ke n‑yaajatiib aah nan ŋani pu na kan, m teer aabɔr n‑yoonn mɔmɔk maameel ni, kinyeek ni nwiin pu, ki dooni u aa pu la.