1 Tesalonika 2:7 - Uwumbɔr aagbaŋ

⁷ Taah ye Kristo aakpambalb na, ti ba ga li ban ke ni nyuŋ timi. Le taa nan ban kina. Ti nan bi suuna ni chee ke upii aah bi pu waabim chee ki lik bi na la.

UWONBƆR A GBƆNPƆŊ LIKƆƆNL

⁷ amaa ti nan be le soon, ke upii kaah ŋmag u buwaab man nin.

1 Tesalonika 2:7 ပူးပေါင်းရင်းမြစ်များ

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

Aisaya 49:23

Bibɔrkpaam ga li naahn aatetiib la; le bipiibɔrb naahn aanatiib. Bi ga sunn bibaa taab aanimbiin ni ki nyuŋ si; bi ga sunn bibaa taab ki mɔk si baapak, le aa bee ke min le ye Uwumbɔr; unii umɔk ka kii maaterm na aan lir.”

Aisaya 66:13

M ga sɔŋ nisui, Jerusalem ni, ke upii aah sɔŋni waabo aasui pu na la.

Nkahm 11:12

Maa naan bi, ki mu le aa cha bi ma bi. Ba ŋa aa cha m kpaln unii u joo bi ŋŋaal ni, ke ubiyoor aah yoo mbim pu na, ki joo ni bi kitiŋ ki aa nan puu ke aa ga di tii biyaajatiib na ni?

Lituln 13:18

Ŋibin imonko ilee le Uwumbɔr kpiin tiyaajatiib timoor ni,

1 Korenti 2:3

Maah nan bi ni chee na, m nan ye udabur la. Ijawaan pu, le nwon nan gbaa.

1 Korenti 9:22

Binib bi ye bidaburb Kristo aasan ni na, m bi ke baah bi pu na la, aan ki kan bi mu ki tii Kristo. Binib mɔmɔk aabɔŋ chee, m po bi ke baah bi pu na la. M ŋani tiwan mɔmɔk maah ga ŋmaa ŋa pu na, aan ki cha binib bibaa ŋmar.

2 Korenti 10:1

Min Pɔɔl mbaa gaŋni nimi la. Ni ponn ni bibaa len ke maah nan bi ni chee na, maa kaar nimi, ke m yaa bi nibaa chee kan, m kpa lipobil ki ŋmee kigbaŋ ki sur nimi. Min Pɔɔl bi suuna ke Kristo aah bi pu na, ki gaŋni nimi ke ni toor nimi aabimbin man,

2 Korenti 13:4

U nan di waapɔɔn lii ki cha bi kpaa u ndɔpuinkoo pu. Dandana, u fu Uwumbɔr aapɔɔn pu la. Timi bi mu kpaan u chee na aa kpa mpɔɔn. Ti mu aah kpaan u chee na, ti mu fu Uwumbɔr aapɔɔn pu, ki ga ŋmaa mɔk nimi mpɔɔn ngbaan.

Galantiya 4:19

Maabim, ni wu mi ke imalween aah chuu upii kan, ni wu pu na, ki nan saa buyoonn ni ga chikr Kristo aasan ni na.

1 Tesalonika 2:11

Ni nyi ke uja aah ŋani waabim pu na, ti nan ŋani nimi ubaabaa kina la;

Jemisi 3:17

Le unii u kpa nlan mu nyan ni Uwumbɔr chee na, u bi chain, ki kpa nsuudoon, ni mbimbisuuna, ki ŋun tii binib, ki kpa linimbaasaln sakpen, ki tun litunyaan sakpen, kaa kpa imaagann, ki ye mbamɔndaan.