1 Tesalonika 2:6 - Uwumbɔr aagbaŋ

⁶ Taa nan ban ke ni nyuŋ timi, kaa nan ban ke binib biken nyuŋ timi.

UWONBƆR A GBƆNPƆŊ LIKƆƆNL

⁶ Taa nan ban bininfob n pag ti, bee ni ni uba n pag ti bee uninfo uba n pag ti. Taah ye Yisa a toon yin ti bi yin ye litugil le ki sei ni,

1 Tesalonika 2:6 ပူးပေါင်းရင်းမြစ်များ

Esta 1:4

Njim ngbaan nan yunn ki ti saa iŋmal iloob, le u nan joo libɔrchiln ni aawangol, ni laanyaan, ni laapɔɔn mɔmɔk ki mɔk binib ngbaan.

Esta 5:11

U nan puk kipupuk bi chee, waah kpa liwangol pu na, ni waah kpa japɔtiib sakpen pu na, ni ubɔr aah tii u tininkpir ti na, ni waah nyuun ki jer ubɔr aaninkpiib biken pu na.

Ŋiyataŋak 25:27

Aa yaa ji tisiir sakpen kan, naa ŋan; aa ti ki ban kipak mu sakpen kan, ni mu aa ki ŋan.

Daniel 4:30

le ki bui ke, “Lik man Babiloŋ aah kpa mpɔɔn pu na. Min le maa ki ke maatiyil, ke m di mɔk maapɔɔn, ni maapak, ni maah kpa liyimbil pu na.”

Jɔnn 12:43

Nima le mɔk ke Juu yaab aaninkpiib ngbaan gee binib aapak ki jer Uwumbɔr yaan.

Jɔnn 5:41

“U nyuŋni mi na aa ye unibɔn.

Jɔnn 5:44

Ni nyuŋni tɔb la, kaa ban ke Uwumbɔr, u ye Uwumbɔr baan na, li nyuŋni nimi. Ni ga ŋa kinye aan ki gaa mi ki kii?

Jɔnn 7:18

Unii u len ubaa pu na, u ban ke binib nyuŋ u la. Unii u ban ke binib nyuŋ unii u tun ni u na, uma le ye mbamɔndaan, kaa ŋmanni binib.

1 Korenti 11:9

Uja pu, le u nan naan upii. Naa ye upii pu le u nan naan uja.

2 Korenti 13:10

M ŋmee kigbaŋ kee, ke maah kaa bi ni chee na, m yaa nan fuu ni ni chee kan, m taa chiin nimi, ki mɔk nimi maapɔɔn. Nima le cha m ŋmee ki. Tidindaan le tii mi tininkpir ke m ter nimi ni dii waasan mbamɔm. Waa tii mi tininkpir ngbaan ke m di bii nimi.

2 Korenti 4:5

Taa mooni timi tibaa aabɔr. Ti mooni Yesu Kristo aabɔr la, ke uma le ye binib mɔmɔk Aadindaan. U pu le ti ye nimi aatutum.

Galantiya 1:10

M ban m piir binib aasui le aan Uwumbɔr aasui? M ban ke binib pak mi ii? Aayii. M yaa ban ke binib pak mi kan, maa ba ga li ye Kristo aatutunn.

Galantiya 5:26

Ti taa li kpa kalmbaani, ki taa muk tɔb, ki taa li kpa lipiipoln tɔb pu.

Galantiya 6:13

Tɔ, binib ngbaan geei ŋichakpan la; bima bibaa aa dii Moses aakaal mɔmɔk. Bi po ban ni li geei ŋichakpan, aan bi li kpa kipupuk ke ni ŋa kina.

1 Tesalonika 2:9

Nnaabitiib, ni teer taah nan tun lituln linimaln pu na. Ti tuk nimi Uwumbɔr aabɔnyaan, ki tun lituln nwiin pu ni kinyeek mɔk, ke ti ji. Ba pu? taa nan ban ni ji ti pu falaa.

1 Timoti 5:17

Tɔ, ni ŋan ke Yesu aanib pa baaninkpiib bi joo bi mbamɔm na lipal li wiir na. Yesu aanib aaninkpiib bi tun lituln linimaln, ki mooni tibɔnyaan tee, ki mɔk binib taatataa na, ni ŋan ke bima le aapar li wiir jer biken yaan.