1 Tesalonika 2:20 - Uwumbɔr aagbaŋ

²⁰ Naa ye nimi pu uu? Mbamɔn, ti kpa kipupuk ni mpopiin ni pu.

UWONBƆR A GBƆNPƆŊ LIKƆƆNL

²⁰ Ibamɔn nim le ye ti pag nin ti mɔm.

1 Tesalonika 2:20 ပူးပေါင်းရင်းမြစ်များ

Ŋiyataŋak 17:6

Bijaninkpiib kpa biyaabitiib pu kipupuk ke bibilb aah kpa kipupuk bitetiib pu pu na la.

1 Korenti 11:7

Uja yaa mee Uwumbɔr kan, u taa chiŋ kiyikpupuk uyil pu; ba pu? u naahn Uwumbɔr, ki ye waasil la. Upii mu ye uja aasil la.

2 Korenti 1:14

Dandana ni bee timi aabimbin ngem aah bi pu na. M kpa limakl ke bundaln Tidindaan Yesu ga gir ni na, ni ga sil bee ke ni ga li ŋmaa kpa kipupuk ti pu, ke ti mu aah ga li kpa kipupuk ni pu pu na.

1 Tesalonika 3:1

Taah kaa bi ni chee na, taa ki ŋmaa mɔr, nima le ti len ke ni ŋan ti cha Timoti dan ni chee. Timi baanja le gur Atens aatiŋ ni.