1 Tesalonika 2:11 - Uwumbɔr aagbaŋ

¹¹ Ni nyi ke uja aah ŋani waabim pu na, ti nan ŋani nimi ubaabaa kina la;

UWONBƆR A GBƆNPƆŊ LIKƆƆNL

¹¹ Ni nyi ke ti le ŋmag nim le ke baa kaah ŋmag u baan tɔɔl a buwaab man nin,

1 Tesalonika 2:11 ပူးပေါင်းရင်းမြစ်များ

1 Bibɔrb Aabɔr 28:20

Ubɔr David nan bui ujapɔɔn Solomonn ke, “Li si chob ki taa san ijawaan. Piin lituln ngbaan ki taa cha nibaa kiir si. Tidindaan Uwumbɔr u m dii na ga li bi aa chee. Waan siir cha si, see lituln li aa ban aa tun Waadichal pu na ti doo.

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

Ilahn 34:11

Njɔtiib bi laa ye binachipɔm na, dan man, ki nan ŋun m chee man, aan m mɔk nimi ni nyuŋ Uwumbɔr.

Ŋiyataŋak 1:10

Maabo, kinimbɔŋdam yaa ŋmann si kan, taa kii tii bi.

Ŋiyataŋak 1:15

Maabo, taa dii binib bimina aaboln. Taa duun bi chee.

Ŋiyataŋak 2:1

Maabo, bae maah mɔk si tiwan ni na, ki taa suln maah tuk si ke aa ŋa pu na daalbaadaal.

Ŋiyataŋak 3:1

Maabo, taa suln maah tuk si pu na. Li teer maah tuk si ke aa ŋa pu na n‑yoonn mɔmɔk.

Ŋiyataŋak 6:1

Maabo, aa puu tipuur ke aa ga gaa ubaa aapɔln ki pa aa?

Ŋiyataŋak 7:1

Maabo, teer maah tuk si pu na, ki taa suln maah bui si ke aa ŋa pu na.

Ŋiyataŋak 7:24

Tɔ, maabim, li pel man. Ŋun tii man maah len pu na.

Nkahm 27:19

Cha u sil utotoor Eleasar ni binib ngbaan mɔmɔk aanimbiin ni, aan ki moon bi mɔmɔk aanimbiin ni nima, ki tuk bi ke Josua le min Uwumbɔr nyan ke u gaa si saatuln,

Tibɔnyaan ti Luk ŋmee ti na 16:28

ki ti sur nnaatiib biŋmu bi gur na, bi taa dan do chee na, ki mu nan ji falaa wee.’

Lituln 20:2

Le u bɔ dii ntim mu bi nima na ni, ki mann Yesu aanib bi bi nima na, ki len bi chee tibɔr pam, ki pɔɔk bitaakpab, ki ti fuu Griis aatiŋ ni,

Efesusi 4:17

Ni taa li dii ke binib bi kaa nyi Uwumbɔr na aah dii pu na. Tidindaan aayimbil pu, le m len tibɔr timina. Baalandak mɔmɔk ye ilandak yɔli la.

Ikaal 3:28

Tuk Josua waah ga ŋa pu na. Pɔɔk utaakpab ki sur u, ba pu? uma le ga loln binib ngbaan pu nsan, aan bi puur ki ti gaa kitiŋ ki aa lik waa ki na.’

Ikaal 31:14

Uwumbɔr nan bui Moses ke, “Saan ki li bi ki yunn. Kina pu na, di Josua dan Maabool ni aan m nan mɔk u waatuln.” Le Moses ni Josua nan dii buen Libool ngbaan ni.

1 Tesalonika 2:7

Taah ye Kristo aakpambalb na, ti ba ga li ban ke ni nyuŋ timi. Le taa nan ban kina. Ti nan bi suuna ni chee ke upii aah bi pu waabim chee ki lik bi na la.

1 Tesalonika 4:1

Tinaabitiib, ti nan mɔk nimi naah ga ŋa pu ki piir Uwumbɔr aasui na. Le ni ŋani kina. Ti gaŋni nimi, ki sur nimi Tidindaan Yesu aayimbil pu ke ni li moo ŋani kina.

1 Tesalonika 4:6

Uja ubaa taa li ban una aabo aapuu ki tun titunwanbir timina. Ti nan tuk nimi ki sur nimi mbamɔm ke Tidindaan dar binib aatafal titunwanbir ngbaan mɔmɔk pu.

1 Tesalonika 5:11

Nima pu na, ni li pɔɔni tɔb aataakpab, ki li ter tɔb, ni li moo dii Uwumbɔr aasan mbamɔm, ke naah ŋani pu dandana wee na.

1 Tesalonika 5:14

Tinaabitiib, ti gaŋ nimi, ke ni sur binib bi kaa ban bi tun lituln na, ki li pɔɔni binib bi aataakpab yɔl na aataakpab, ki ter binib bi kaa pɔɔ na, ki li kpa limɔr binib mɔmɔk pu.

2 Tesalonika 2:5

Naa teer aa? Maah nan laa bi ni chee na, m nan tuk nimi tibɔr tee.

2 Tesalonika 3:12

Binib bi bi kina na, ti tuk bi, ki sur bi Tidindaan Yesu Kristo aayimbil pu, ke bi li bi suuna, ki tun lituln ki kan ki ji.

1 Timoti 5:21

M sur si Uwumbɔr ni Tidindaan Yesu Kristo ni waatuuntiib bi u nyan bi na aanimbiin ni la, aa li ŋani maah len pu na, ki li joo Yesu aanib mbamɔm, ki taa li kpa imaagann.

1 Timoti 5:7

Tuk Yesu aanib ke bi li ŋani maah len pu na, aan bikpopiib bi bi bikaasisik ni na taa li kpa ngalm.

1 Timoti 6:13

Yesu Kristo nan tii seeraa nyaan Pontius Pailat aanimbiin ni. Le m sur si, uma Yesu ni Uwumbɔr u tii tiwan mɔmɔk limɔfal na aanimbiin ni

1 Timoti 6:17

Aa sur binib bi kpa liwankpal dulnyaa wee ni na ke bi taa li kpa kalmbaani, ki taa li kpa limakl liwankpal ngbaan pu. Ba pu? li ye libuln la. Bi li kpa limakl Uwumbɔr pu. U tii timi sakpen, le taa ti ki nyi ni mɔmɔk; u ban ke ti gaa, ki li kpa mpopiin.

1 Timoti 6:2

Binaagbiib bi kpa dindatiib bi gaa Yesu ki kii na taa lik bidindatiib fam, ke bi ye binaabitiib. Bi li moo tun lituln tii bidindatiib ngbaan ki jer baah ba ga tun pu na; ba pu? dindatiib bi kan tinyoor baatuln ponn ni na ye binib bi gaa Yesu ki kii na la, le bi gee bi. Tuk bi ki sur bi ke bi li ŋani kina.

Taitus 2:15

Uwumbɔr aah tii si tininkpir pu na, tuk binib tibɔr timina, ki pɔɔk bitaakpab, ki sur bi, ki taa cha ubaa lik si fam.

Taitus 2:6

Sur binachipɔm mu ke bi li chur bibaa.

Taitus 2:9

Tuk binaagbiib ke bi li keei bidindatiib aamɔi, ki piir bisui tiwan mɔmɔk ni, ki taa kpak bi kinikpakpak,

Hiibru Yaab 13:22

Nnaabitiib, m gaŋ nimi, ni li ji limɔr ki pel maah sur nimi kigbaŋ kee ponn ni pu na. Maah ŋmee pu na, ni ye siib la.

3 Jɔnn 1:4

M yaa ŋun ke maabim dii mbamɔm kan, ni ŋani mi mpopiin la. Nibaa aa bi ki ŋani mi mpopiin ki jer kina.