1 Tesalonika 1:9 - Uwumbɔr aagbaŋ

⁹ Ba pu? binib ngbaan len ke taah nan dan ni chee na, ni nan gaa timi, ki di ŋiwaa lii, ki fenn ki dii Uwumbɔr, u ye limɔfadaan ki ye Uwumbɔr bamɔnn na,

UWONBƆR A GBƆNPƆŊ LIKƆƆNL

⁹ bininfobin biɛn pag ki jiin naah nan gaa ti man, taah nan dan ni ban n-yonn man nin, nin naah nan jiɛn ni bawoli ki dan Uwonbɔr ban man, ke ni jiɛn Uma ibamɔn a Wonbɔru wan fo-n,

1 Tesalonika 1:9 ပူးပေါင်းရင်းမြစ်များ

Ilahn 42:2

Sin Uwumbɔr u bi n‑yoonn mɔmɔk na, m wii ban si la; bayoonn aan m ga ŋmaa buen aanimbiin ni ki ti doon si?

Ilahn 84:2

M gee sakpen ke m li bi li ponn ni. M neen ke m li bi Uwumbɔr Aadichal ni. M di nsui mɔmɔk gaa mpopiin aalahn tii Uwumbɔr u bi n‑yoonn mɔmɔk na.

Aisaya 37:17

Uwumbɔr, ŋun timi aameel ki lik tiwan ni bi ŋani timi na. Li pel tiwan ni mɔmɔk Senakerib len ki joo seei sin Uwumbɔr u bi, kaa kpa ndoon na.

Aisaya 37:4

Asiria aabɔrkpaan tun ni waaninkpiib aaninkpel ke u nan seei Uwumbɔr u bi, kaa kpa ndoon na. Cha Aadindaan Uwumbɔr ŋun ŋisiibil ŋimina ki daa binib bi seei ŋi na aatafal. Kina pu na, mee Uwumbɔr tii timi aanib bi ŋmar na.”

Jeremia 10:10

Tɔ, sin Uwumbɔr le ye Uwumbɔr bamɔnn, sin le ye Uwumbɔr u bi na, le ki ye ubɔr u bi n‑yoonn mɔmɔk na. Saaŋuul yaa fii kan, dulnyaa deŋni la; ŋitimbol aan ŋmaa sil saaŋuul chee.

Jeremia 16:19

Uwumbɔr, sin le kii mi ki tii mi mpɔɔn; aa ter mi tibɔr aayoonn. Ŋitimbol ga nya kitiŋ aanaanmɔk ki nan bui ke, “Tiyaajatiib nan kpa ŋiwaa baanja la, bi nan kpa ŋiwaa ŋi bi fam na baanja la.

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Hosea 1:10

Israel aanib ga li wiir ke nnyusakpem aatambol na la. Bi ga li wiir jer baah ga kahn, bee bi ŋaŋ bi pu na. Le Uwumbɔr bui bi n‑yoonn mue ke, “Naa ye maanib,” tɔ, n‑yoonn choo le u ga nan bui bi ke, “Ni ye min Uwumbɔr u bi na aabim la.”

Sefania 2:11

Uwumbɔr ga cha ijawaan chuu bi. U ga cha kitiŋ kee pu aawaa taa ki li ye nibaa, le ŋitimbol mɔmɔk aanib li gur dooni u baatim ni.

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Matiu 16:16

Le Simonn Piita bui u, “Aa ye Kristo u ga gaa binib lii na. Aa ye Uwumbɔr u fu na Aajapɔɔn la.”

Lituln 14:15

“Njɔtiib, ba pu ni ŋani kina? Ti po ye binibɔm ke naah ye pu na la. Ti dan ti nan tuk nimi tibɔnyaan la. Di cha man, ki taa ki dii ŋiwaa man. Ŋi ye fam la. Ni li dii Uwumbɔr u fu na. Uma le nan naan paacham ni kitiŋ, ni nnyusakpem, ni tiwan mɔmɔk.

Rom Yaab 9:26

Baah nan tuk bi ke baa ye maanib nin chee na, nima chee le bi ga yin bi ke min Uwumbɔr u fu na aabim.”

1 Korenti 12:2

Ni nyi ke naah kaa nan kee dii Uwumbɔr aasan na, ni nan dii ŋiwaa ŋi ye bibirb na. Ŋi nan cha ni yenni n‑yoonn mɔmɔk la.

Ikaal 5:26

Unibɔn ubaa kee ŋun Uwumbɔr u bi n‑yoonn mɔmɔk na bi mmii ni ki len u chee tibɔr, aan udaan ki bi, ki kpa limɔfal aa?

1 Tesalonika 2:1

Tinaabitiib, nimi nibaa nyi ke taah nan dan ni chee na, naa ye fam. Ni nyi ke taah nan bi Filipi aatiŋ ni na,

1 Tesalonika 2:13

Ti dooni Uwumbɔr ni pu n‑yoonn mɔmɔk la; ba pu? taah nan tuk nimi Uwumbɔr aabɔr na, ni nan gaa tibɔr ngbaan, ki bee ke naa ye binib aabɔr, ni ye Uwumbɔr aabɔr la. Mbamɔn, ni ye Uwumbɔr aabɔr la, ki kpelni nimi bi gaa u ki kii na aabimbin.

1 Timoti 4:10

Nima le ti tun Uwumbɔr aatuln linimaln; ba pu? ti gaa Uwumbɔr u ye limɔfadaan ki gaal binib mɔmɔk lir na ki kii la. Uma le gaal binib bimɔk gaa u ki kii na lir.

Hiibru Yaab 12:22

Naa fuu ni lijool ngbaan chee. Ni fuu ni Sionn aajool chee la. Nima chee le Uwumbɔr u ye limɔfadaan na aatiŋ bi. Kitiŋ ngbaan ye Jerusalem la, ki bi paacham. Uwumbɔr aatuuntiib churbaka bi ki ponn ni.

Josua 3:10

Mbamɔn, naah tur cha pu na, u ga jenn nyan Kanaann yaab, ni Hef yaab, ni Hif yaab, ni Peris yaab, ni Girgas yaab, ni Amor yaab, ni Jebus yaab.

1 Jɔnn 5:21

Maabim, ni nyan nibaa ŋiwaa ni man.

Tibɔkpiirkaan 17:2

Dulnyaa aabɔrb gɔr chaa upiidagoor ngbaan chee. Dulnyaa aanib mu gɔr chaa u chee ki nyu waadagoor aadaan ki gbii.”

1 Samuel 17:26

David nan baa bijab bi si duun u na ke, “Uja u ku Filistia aanii wee ki nyan Israel yaab inimɔɔn yee ni na ga kan ba? Filistia aawanfam nee ye ŋma aan ki bi jinni Uwumbɔr u bi n‑yoonn mɔmɔk na aajab inimɔɔn?”

1 Samuel 17:36

M ku ichinn ni takɔ mam, ki ga ŋmaa ŋa Filistia aawanfam ni seei Uwumbɔr u bi n‑yoonn mɔmɔk aajab na mu kina.