1 Samuel 9:7 - Uwumbɔr aagbaŋ

⁷ Le Sɔɔl baa ke, “Ti yaa buen u chee kan, ti ga ti tii u ba? Tijikaar tibaa aa ki gur timi aatuln ponn ni, le taa ki kpa nibaa mu, aan ti kpa ba?”

1 Samuel 9:7 ပူးပေါင်းရင်းမြစ်များ

1 Bibɔrb 13:7

Le ubɔr ngbaan nan bui Uwumbɔr aabɔnabr ngbaan ke, “Dii mi buen linampal ki ti kan nibaa ji. M ga ŋa si tiŋann saah tun pu na pu.”

1 Bibɔrb 14:3

Aa li joo u ŋiboroboro kpin kipiik, ni maab, ni tisiir ntuun ponn ni. Aa ti baa ki bee tiwan ni ga ŋa tijapɔɔn na, aan u bui si.”

2 Bibɔrb 4:42

N‑yoonn muken, le uja ubaa nan nyan ni Baal Salisa aatiŋ ni, ki joo ni waajikaapɔnn aaboroboro kpin moninko, ni njikaabipɔm nan tii Elaisa. Le Elaisa bui waatutunn ke u di kina aajikaar kpiin Uwumbɔr aabɔnabtiib ngbaan,

2 Bibɔrb 5:15

U nan di waajab bi mɔmɔk nan dii u na gir buen Elaisa chee le ki ti bui u ke, “M bee dandana ke Uwumbɔr ubaa aa ki bi see Israel yaab Aawumbɔr baanja; kina pu na, m gaŋ si, gaa m chee ipiin.”

2 Bibɔrb 5:5

Le ubɔr ngbaan bui u ke, “Gaa kigbaŋ kimina, ki li cha Israel yaab aabɔr chee.” Le Naamann nan nyan kal nsan pu, ki joo tikunabr aamombil ŋichur piitaa, ni salmaa aamombil ŋichur ŋiloob, ni tiwanpeenkaan mu ŋiker kipiik.

2 Bibɔrb 8:8

le u bui waaninkpel u bi yin u ke Hasael na ke, “Ban ipiin ki ti tii Uwumbɔr aabɔnabr ngbaan ki bui u ke u baa Uwumbɔr ki lik ke m ga pɔɔk aan maan pɔɔk.”

2 Bibɔrb 8:9

Le Hasael nan ban ipiin i ŋan sakpen ki bi Damaskus aatiŋ ni na aabɔŋ aabɔŋ ki di tun laakumii tiib imonko ilee ki di buen Elaisa chee. Hasael aah nan ti kan u na, u nan bui ke, “Saatutunn Ubɔr Ben‑Hadad le tun ni mi ke m nan baa si lik ke u ga fii waabunbunn tee pu aan waan fii.”

Esekiel 13:19

Ni jinn mi inimɔɔn maanib aanimbiin ni ke ni kan njikaabim ni ŋiboroboro kpin siib. Ni ku binib bi kaa ba ye ke bi kpo na, le ki tee cha binib bi ba ye ke bi kpo na kpa limɔfal. Ni geei inyamɔn tuk maanib, le bi keei tii nimi.”

Bibɔjirb 6:18

Ŋaanii, cha m joo ni si tijikaar waahr aan aa nin siir.” Le u bui ke, “M ga kiir si le aa gir ni waahr.”