1 Samuel 9:26 - Uwumbɔr aagbaŋ

²⁶ Kichakpinaanyeek ni le Samuel yin Sɔɔl kidiik aapaacham nima ke, “Fii, aan m chɔi si.” Le Sɔɔl fii, le u ni Samuel kpaan buen kitiŋ ponn ni.

1 Samuel 9:26 ပူးပေါင်းရင်းမြစ်များ

Mpiin 19:14

Le Lot san buen uchootiib bilee bi nan ban bi yoor ubisatiib na chee, ki ti bui bi ke, “Ŋa mala ki san nya do man. Uwumbɔr ban u bii kitiŋ kee la.” Le bi nan dak ke Lot ŋmanni bi la.

Mpiin 44:4

N‑yoonn mu bi siir buen kaa foor kpala na, le Josef bui waanaagbiija ngbaan ke, “Ŋa mala ki san chuu bijab ngbaan, ki baa bi ke, ‘Ba ŋa ni di bakaa pan tiŋann?

Josua 7:13

Fii sil. Toor binib ngbaan ki cha bi dan m chee. Tuk bi ke bi fe gor bibaa; ba pu? Min, u ye nimi Israel yaab Aadindaan Uwumbɔr na aah kpa pu m len na sɔ: ‘Israel yaab, ni joo tiwan ni m bui nimi ke ni bii ni na nibaa chee. Naan ŋmaa sil nimi aadim aanimbiin ni, see ni nyan tiwan ngbaan.’

Bibɔjirb 19:28

U nan bui ke, “Fii aan ti li cha.” Tɔ, upii aa nan deŋ. Kina pu le u nan yoor u ki di paan ubon pu, le ki di kal udo aasan pu.

1 Samuel 9:25

Baah fii nima ki buen kitiŋ ponn ni na, le bi tii Sɔɔl ndɔdooyaan kidiik paab, le u doon nima.

1 Samuel 9:27

Baah ti ban bi nyan kitiŋ ngbaan ni na, le Samuel bui Sɔɔl ke, “Bui ututunn ngbaan ke u loln ti pu nsan ki li cha.” Le ututunn ngbaan siir, le Samuel ki bui Sɔɔl ke, “Sil do siib, aan m bui si Uwumbɔr aah len pu na.”