1 Samuel 9:17 - Uwumbɔr aagbaŋ

¹⁷ Samuel aah yaar tuu Sɔɔl pu na, le Uwumbɔr bui u ke, “Uja wee le m tuk si waabɔr na. Uma le ga joo maanib.”

1 Samuel 9:17 ပူးပေါင်းရင်းမြစ်များ

Nehemia 13:19

Nima pu le m nan siin ke bi laŋ Jerusalem aabisamɔi nwiin mu ga woln Likpaakool daal na, buyoonn bi kan nwiin ban mu lir na, ki taa ki piir i, see Likpaakool daal ti jer. M nan di maajab bibaa le siin ibisamɔi ngbaan chee, ke bi taa cha unii ubaa joo ni tiwan nibaa koo ni Jerusalem aatiŋ ponn ni, Likpaakool daal.

Nehemia 13:25

M nan galn bijab ngbaan, ki puun lii bi pu, ki gbaa bi, ki dar gui biyikpir; le ki cha bi puu Uwumbɔr aayimbil pu ke bi ni baabim ni biwɔwɔm aan ki mɔn tɔb.

Jeremia 32:8

Tɔ, Uwumbɔr aah sil len pu na, Hanamel nan dan m chee libɔrchiln ni nima, ki nan bui mi ke m daa nkpaakon ngbaan. Le m bee ke Uwumbɔr sil len m chee tibɔr.

Hosea 13:11

Maaŋuul ponn ni le m nan tii nimi bibɔrb, le maaŋuusakpeln ni m nan ki gaa bi.

Lituln 13:21

N‑yoonn ngbaan le bi len ke bi ban ubɔr, u li joo bi. Baah len kina na, le Uwumbɔr nyan Sɔɔl, u nan ye Kis aajapɔɔn na, u li ye baabɔr. U nan ye Benjaminn aanibol ponn ni aanii, ki nan joo bi ŋibin imonko ilee la.

1 Samuel 3:13

M puen tuk u ke m ga daa waadichal aatafal ki ti saa n‑yoonn mu kaa kpa ndoon na; ba pu? ujapɔtiib len mi tibɔr ti kaa ŋan na. Eli nyi ke bi ŋani kina, le kaa sur bi.

1 Samuel 9:18

Le Sɔɔl buen Samuel u nan si gbɔk mbisamɔb na chee, le ki bui u ke, “Uninkpel, mɔk mi ukakann na aah koo nin chee na.”