1 Samuel 9:12 - Uwumbɔr aagbaŋ

^12-13 Le bisapɔm ngbaan kii bi ke, “Een, u bi. Mbamɔn, uma le kpaan bi nimɔb pu na. Ni yaa chuun mala kan, ni ga pii u nsan ni. Ni yaa ti kpaan koo kitiŋ ponn ni kan, ni ga kan u. Din wee le u fuu ni kitiŋ ni do; ba pu? binib ngbaan ban bi toor kitork, kitork aabimbiln paab ligongoln pu la. Baah yin ni binib bi na aan ŋmaa piin tijikaar aajim see u fuu nima waahr, ba pu? uma le ga mee Uwumbɔr kitork ngbaan pu. Ni yaa buen dandana wee kan, ni ga kan u waahr aan u nin buen ligongoln pu ke u ti ji.”

1 Samuel 9:12 ပူးပေါင်းရင်းမြစ်များ

Mpiin 31:54

U nan kɔr kiwakork ki toor kitork, lijool ngbaan paab, le ki nan chɔi waanib ngbaan, le bi dan nan jin tijikaar. Baah jin doo na, le bi mɔmɔk kpaan doon lijool ngbaan paab.

1 Bibɔrb Aabɔr 16:39

Utotoor Sadok ni utotoor ŋeen aatɔtiib le nan tee ye bi lik Uwumbɔr aadoon pu, baah dooni u nin chee Gibeonn aatiŋ ni na.

1 Samuel 10:5

Aa yoor ti fuu Uwumbɔr Aagongoln li bi Gibea ni na, aa ga kan Filistia yaab kuun ki bi nima. Kitiŋ ngbaan aabisamɔb chee, aa ga kan Uwumbɔr aabɔnabtiib bibaa nyan ligongoln paab, Uwumbɔr aatork aabimbiln chee, ki sunn choo ki gbaa tibar ni ŋigangan, ki pii ŋiwul mam. Bi ga li bi pak Uwumbɔr, Waafuur Nyaan aapɔɔn pu.

1 Samuel 16:2

Le Samuel baa u ke, “M ga ŋa kinye ki ŋa kina? Sɔɔl yaa ŋun kan, u ga ku mi.” Le Uwumbɔr bui u ke, “Chuu unaabo ki li joo, ki bui ke aa cha aa ti toor kitork tii min Uwumbɔr la.

1 Samuel 2:35

Le m ga lee utotoor u ga dii mi mbamɔm, ki ŋani tiwan nimɔk m ban na. M ga tii u yaabitiib bi ga li tun maatuln, maabɔr u m lee u na chee n‑yoonn mɔmɔk.

1 Samuel 20:6

Aate yaa bee ke maa bi njim ngbaan aayoonn kan, bui u ke m mee aa chee nsan ke m san mala kun Betlehem, ke ni ŋeer timi aadichal aabiln aatork nima chee.

1 Samuel 7:17

le ki gir buen waatiŋ Rama ponn ni, nin chee u ti ki ye ubɔlen na. U nan maa kitork aabimbiln Rama aatiŋ ni tii Uwumbɔr.