1 Samuel 8:7 - Uwumbɔr aagbaŋ

⁷ le Uwumbɔr bui u ke, “Ŋun binib ngbaan aah len pu na mɔmɔk. Naa ye sin le bi yii, min le bi yii ke maa ye baabɔr.

1 Samuel 8:7 ပူးပေါင်းရင်းမြစ်များ

Nnyam 16:8

Le Moses ki bui bi ke, “Ni ye Uwumbɔr ubaa le ga tii nimi tinann kijook kee, le kichakpiik ni u ga tii nimi tijikaar naah ban pu na, ba pu? u ŋun naah len tibɔbir u pu sakpen pu na; n‑yoonn mu ni len tibɔbir ti pu na, ni ye mbamɔn ke ni len Uwumbɔr la.”

Aisaya 66:4

Kina pu na, m ga cha tibɔbir lir bi pu. Baah san tiwan ni ijawaan na le ga kan bi, ba pu? maah nan yin bi na, baa nan kii, kaa nan pel buyoonn m len bi chee na. Bi nan yii maamɔb ki tun titunwanbir.”

Jeremia 34:14

M bui bi ke libilolole mɔk ni kan, bi di baanaagbiib bi ye Israel yaab ki tun ŋibin ŋiloob tii bi na lii. Le niyaajatiib aa nan ŋun tii mi, kaa nan pel maah len pu na.

Esekiel 2:3

“Unibɔn, m tun si Israel aanib chee la. Bi nya mpuwɔb ki nyan sil m pu, ki beenin ye binib bi yiir maamɔb ke biyaajatiib aah nan bi pu na.

Esekiel 3:7

le Israel aanii ubaa aan li ban ke u pel; baan kpaan pel min mbaa chee kpala. Bi mɔmɔk kpa tafalaaŋun le ki ye bimɔyiib.

Nkahm 22:20

Kinyeek ngbaan le Uwumbɔr dan Balaam chee le ki nan bui u ke, “Binib bee yaa dan ke aa dii bi kan, gor aan ki dii bi buen, m mu tee ban ke aa ti ŋa maah bui si ke aa ŋa pu na baanja la.”

Matiu 10:40

“Unii yaa gaa nimi maanib kan, u gaa mi le na. Unii yaa gaa mi kan, u gaa Uwumbɔr u tun ni mi na le na.

Tibɔnyaan ti Luk ŋmee ti na 10:16

Yesu nan tuk waadidiliib, “Unii u ŋun nimi aabɔr na kan, u ŋun maabɔr le na. Unii u yii nimi na kan, u yii mi le na. Unii u yii mi na kan, u yii Uwumbɔr u tun ni mi na le na.”

Tibɔnyaan ti Luk ŋmee ti na 19:14

Le waatiŋ ni aanib nan nan u, ki tun binib ke bi paan u pu ki ti bui ubɔrkpaan na, ‘Taa ban ke uja ngbaan le ye timi aabɔr.’

Tibɔnyaan ti Luk ŋmee ti na 19:27

Tɔ, maadim bi kaa nan ban ke m li ye baabɔr na, li joo ni bi do chee na, ki nan ku bi nnimbiin ni.’”

Jɔnn 13:16

M tuk nimi mbamɔn la, unaagbiija ubaa aa jer udindaan. Unii u bi tun ni u na ubaa aa jer unii u tun u na.

Bibɔjirb 8:23

Gideonn nan gar bi ke, “Maan li ye nimi aajojoor, le njapɔɔn mu aan li ye. Uwumbɔr le ga li ye nimi aajojoor.”

1 Samuel 10:19

Min le ye nimi Aawumbɔr, u nyan ni nimi tibɔr, ni ŋimuk mɔmɔk ponn ni na, le din wee ni yii mi, le ki bui mi ke m tii nimi ubɔr. Ni ŋan, kina pu na, kuun tɔb man, ki kal ŋinibol ŋinibol, ni imaal imaal, Uwumbɔr aanimbiin ni.’”

1 Samuel 12:1

Le Samuel bui Israel aanib ke, “M ŋa naah bui mi ke m ŋa pu na. M tii nimi ubɔr ke u li ye nimi aajojoor.

1 Samuel 12:12

Naah nan kan ke Amonn yaab aabɔr Nahas ban u tak nimi na, le ni yii Uwumbɔr ke waa ki ye nimi aabɔr, le ki bui mi ke ni ban ubɔr le u li joo nimi.

1 Samuel 8:22

Le Uwumbɔr gar u ke, “Ŋa baah ban pu na, ki tii bi ubɔr.” Le Samuel bui Israel aajab ngbaan mɔmɔk ke bi gir kun.

1 Samuel 8:8

Ki nyan n‑yoonn mu m nyan ni bi Ijipt na, le bi fenn bipuwɔb tii mi, ki dooni ŋiwaa, le dandana wee bi bi ŋani si tiwan ni bi ŋani mi n‑yoonn mɔmɔk na.