1 Samuel 8:6 - Uwumbɔr aagbaŋ

⁶ Baah nan ban pu na aa nan piir Samuel aasui, kina pu le u mee Uwumbɔr,

1 Samuel 8:6 ပူးပေါင်းရင်းမြစ်များ

Ilahn 109:4

M gee bi, ki mee Uwumbɔr tii bi, le baa lik waa kina, ki galn mi.

Nnyam 32:21

Le u baa Aaronn ke, “Binib ngbaan ŋa si kinye, aan aa cha bi tun titunwanbir sakpen timina aaboln?”

Nnyam 32:32

Uwumbɔr, di cha pinn bi baatunwanbir; aa yaa kaan ŋa kina kan, chuu ber maayimbil kigbaŋ ki aa ŋmee saanib aayimbil ki ponn ni na.”

Hosea 13:10

Ni nan bui ke ni ban ubɔr ni bisalolm la; tɔ, bi ga ŋa kinye ki gaa litimbol ngbaan lii?

Nkahm 16:15

Moses nan gee liŋuul sakpen, le ki bui Uwumbɔr ke, “Binib bee yaa joo ni baapiin kan, taa gaa i. Maa ŋa bi taani ubaa, ki mu aa gaa baabon ubaa.”

Nkahm 16:22

Le Moses ni Aaronn tar lir kitiŋ bipuu pu, ki gaŋni, ki bui ke, “Uwumbɔr, sin le ye umɔfadaan. N‑yoonn mu unibaan ti tun titunwanbir na kan, aa geer binib ngbaan mɔmɔk pu liŋuul la aa?”

Nkahm 16:46

Le Moses bui Aaronn ke, “Yoor saamii aasambil, ki ban ŋimiisakɔn kitork aabimbiln pu ŋa li ponn ni, aan ki di tulalee aayon paan mu pu. Ŋa mala mala, ki di mu san buen binib ngbaan chee ki ti toor bi, bi ŋa chain. Ŋa mala mala. Uwumbɔr aaŋuul fii a, le bi piin ki kpoi.”

Filipi 4:6

Ni taa cha ilandak li muk nimi tiwan nibaa pu. Ni li mee Uwumbɔr tiwan mɔmɔk pu, ki gaŋni u, ki dooni u ki tuk u naah ban pu na mɔmɔk.

Jemisi 1:5

Ni ponn ni ubaa yaa lann nlan kan, cha u mee Uwumbɔr, le u ga tii u; ba pu? Uwumbɔr tii binib mɔmɔk sakpen, kaa jinni ubaa inimɔɔn.

1 Samuel 10:19

Min le ye nimi Aawumbɔr, u nyan ni nimi tibɔr, ni ŋimuk mɔmɔk ponn ni na, le din wee ni yii mi, le ki bui mi ke m tii nimi ubɔr. Ni ŋan, kina pu na, kuun tɔb man, ki kal ŋinibol ŋinibol, ni imaal imaal, Uwumbɔr aanimbiin ni.’”

1 Samuel 12:12

Naah nan kan ke Amonn yaab aabɔr Nahas ban u tak nimi na, le ni yii Uwumbɔr ke waa ki ye nimi aabɔr, le ki bui mi ke ni ban ubɔr le u li joo nimi.

1 Samuel 12:17

Ni ye lipeel la, naa ye ee? Tɔ, m ga mee Uwumbɔr, le u ga cha utaal nu ki li tar. Nimina yaa ŋa kan, ni ga bee ke ni tun Uwumbɔr titunwanbir ti bir na, ke u tii nimi ubɔr.”

1 Samuel 12:19

le ki bui Samuel ke, “Timi aaninkpel, ti gaŋ si, mee Aadindaan Uwumbɔr tii timi, aan ti taa kpo. Dandana wee ti bee ke taah ki ban ubɔr pu na le ye titunwanbir, ki kpee timi aatunwanbir tiken mɔmɔk pu.”

1 Samuel 12:23

M ma kan, Uwumbɔr taa cha m tun titunwanbir ke maan ki mee u tii nimi. M ga mɔk nimi nsan mu ŋan ke ni dii mu na.

1 Samuel 15:11

“Nsui bii, maah ŋa Sɔɔl ubɔr pu na. U fenn upuwɔb tii mi, le ki yii maah tuk u pu na.” Liŋuul nan chuu Samuel, le kinyeek ngbaan ki ti woln u nan bi gaŋni Uwumbɔr.

1 Samuel 7:5

Le Samuel tun yin Israel yaab mɔmɔk ke bi ti kuun Mispa aatiŋ ni, le ki len ke, “M ga ti mee Uwumbɔr tii nimi, nima chee.”