1 Samuel 8:3 - Uwumbɔr aagbaŋ

³ Bi mu aa nan tee dii bite aasan. Baalandak nan ye le ke bi kan ŋimombil, kina pu na, bi nan gaal igaŋgaŋlik, kaa nan ji tibɔr mbamɔm.

1 Samuel 8:3 ပူးပေါင်းရင်းမြစ်များ

2 Samuel 15:4

le ki ki len ke, “M yaa ba ye ubɔlen kan, m ba nyi. Unii umɔk kpa tibɔr na ba ga dan m chee, le m nan tii u mbamɔn.”

Ilahn 15:5

U pinni binib ilik kaa ban ipaar, kaa gaa igaŋgaŋlik ke u mɔnn inyamɔn paan unii u kaa kpa taani ubaa na pu. Unii umɔk ŋani tiwan nee mɔmɔk na kpa ukikiir.

Ilahn 26:10

ni binib bi tun titunwanbir n‑yoonn mɔmɔk ki gor bibaa n‑yoonn mɔmɔk ke bi gaa igaŋgaŋlik na chee.

Nnyam 18:21

Tɔ, tiwan ni kpee na sɔ, pɔɔn aabaa ki nyan bijab bi ga ŋmaa joo biken na, ki tii bi nsaloln aatuln bi li joo biken: bisalolm ngbaan bibaa li lik lichur lichur, bibaa mu li lik nkub nkub, bibaa mu li lik piiŋmu piiŋmu, bibaa mu li lik kipiik kipiik aanib. Cha binib ngbaan li ye binib bi san Uwumbɔr ijawaan ki tun lituln mbamɔm, kaan li gaal igaŋgaŋlik na.

Nnyam 23:6

“Ugiin yaa kpa tibɔr, ni ban ni ji waabɔr kan, ni taa biin waabamɔn pu.

Nnyam 23:8

Ni taa li gaal igaŋgaŋlik, ni yaa ŋani binib kina kan, ni ga cha ni taa ki li nyi ibamɔn, ki bii binib bi kaa kpa taani na.

Ulandaan 2:19

Nibaakan, u ga nan li ye ulandaan, bee ujɔr la, tɔ, ubaa mu aa nyi. Tɔ, maah tun ki kan tiwan ni mɔmɔk na ga nan kpaln uyaan la. Maah di maalan tun ki kan tiwan ni mɔmɔk na ga nan li ye uyaan la. Ni ye fam la.

Aisaya 1:23

Saayidam ye binib bi kaa kii maamɔb na la, ki ye binaayukb aajɔtiib, le ki gaal ipiin, ni igaŋgaŋlik n‑yoonn mɔmɔk. Baa ter nkpobim buyoonn bi bi tibɔr ni na, kaan pel bikpopiib aabɔr buyoonn bi di ti fuu ni bi chee na.

Aisaya 33:15

Ni yaa len ki ŋani ni ŋan na kan, ni ga ŋmar. Taa di man nimi aapɔɔn di ji bigiim, ki taa gaa igaŋgaŋlik. Ni taa kpaani binib bi kpokl ke bi ku unii, bee binib bi tun titunwanbir na chee.

Maika 3:11

Igaŋgaŋlik pu le kitiŋ ngbaan aajojoob joo ki, le bitotoorb tuk binib Uwumbɔr Aakaal ki gaal tipar, le bibɔnabr mu kpiir Uwumbɔr aah len pu na ŋimombil pu, le bi mɔmɔk len ke Uwumbɔr bi ti chee. Bi len le ke, “Tibɔbir tibaa aan dan ti chee. Uwumbɔr bi ti chee.”

Ikaal 16:19

Bi taa di inyamɔn ni imaagann ji tibɔr, ki mu taa li gaal igaŋgaŋlik, ba pu? ŋimombil ga cha binib bi kpa nlan ki bi mbamɔm na jɔb, le kaan ki li nyi ibamɔn.

1 Timoti 3:3

U taa li ye udagbiir, ki taa gbaa binib [ki taa li kpa iniman]. U li bi suuna ki taa li kpa kinikpakpak. Unimbil taa li man ŋimombil pu.

1 Timoti 6:10

Binib yaa gee ŋimombil sakpen kan, nima le cha bi tun titunwanbir mɔk aabɔŋ. Binib bibaa aanimbil aah man ŋimombil pu pu na le cha bi yenn, kaa ki dii Yesu aasan, ki kan mpombiin ki ti chaar jer.

1 Samuel 12:2

N‑yoonn mue uma le ga li lolni ni pu nsan. M ma kan, n‑yikpir piir, le m por, le njapɔtiib bi ni chee. M nan ye nimi aayidaan tibir ni, ki nan saa din wee.

1 Samuel 2:35

Le m ga lee utotoor u ga dii mi mbamɔm, ki ŋani tiwan nimɔk m ban na. M ga tii u yaabitiib bi ga li tun maatuln, maabɔr u m lee u na chee n‑yoonn mɔmɔk.