1 Samuel 7:9 - Uwumbɔr aagbaŋ

⁹ Le Samuel kɔr upiih, ki toor kitork, ki di see mmii ponn ni tii Uwumbɔr, le ki mee Uwumbɔr ke u ter Israel yaab, le Uwumbɔr kii waameel ngbaan.

1 Samuel 7:9 ပူးပေါင်းရင်းမြစ်များ

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 99:6

Moses ni Aaronn le nan ye waatotoorb, le Samuel nan ye unii u mee u na; bi nan yin Uwumbɔr, le u kii baayim ngbaan.

Jeremia 15:1

Le Uwumbɔr bui mi ke, “Hali Moses ni Samuel le yaa ba si do ki gaŋni mi kan, maa ba ga san binib bee kinimbaak. Cha bi li cha; taa cha nnimbil ki kan bi.

Ikaal 9:26

M nan mee ke, ‘Ndindaan Uwumbɔr, taa kuln saanib bi aa di saapɔɔnsakpiin gaa bi lii, ki nyan ni bi Ijipt aatiŋ ni na.

Jemisi 5:16

Nima pu na, ni kpiir nimi aatunwanbir ki tuk tɔb, ki mee Uwumbɔr tii tɔb, aan u tii nimi laafee. Unii u dii Uwumbɔr aasan mbamɔm na yaa mee Uwumbɔr linimaln kan, waameel kpa mpɔɔn sakpen.

Bibɔjirb 6:26

Maa libimbiln li ŋan mbamɔm na tii Aadindaan Uwumbɔr kigongonbik kee pu. Aa di ŋibin ŋilole aanaaja na toor kitork ki di unaajamɔn ngbaan see mmii ni tii u. Aa di saah gaa geei Asera aanaŋ ki na aadɔ tuur mmii ngbaan.”

Bibɔjirb 6:28

Kitiŋ ngbaan aanib aah nyan kichakpinaanyeek ni na, le bi kan ke Baal aatork aabimbiln, ni Asera aanaŋ na ber a, ki kan ke ŋibin ŋilole aanaaja wun mmii libimbipɔln li maa ki si nima na pu.

1 Samuel 10:8

Aa ga loln m pu nsan ki buen Gilgal, nin chee m ga nan pii si aan ki toor kitork ki ti ga di see mmii ni na, ni kimɔbaan aatork mu. Li kii mi nima ki ti saa iwiin ilole aan m nin dan ki nan mɔk si saah ga ŋa pu na.”

1 Samuel 12:17

Ni ye lipeel la, naa ye ee? Tɔ, m ga mee Uwumbɔr, le u ga cha utaal nu ki li tar. Nimina yaa ŋa kan, ni ga bee ke ni tun Uwumbɔr titunwanbir ti bir na, ke u tii nimi ubɔr.”

1 Samuel 16:2

Le Samuel baa u ke, “M ga ŋa kinye ki ŋa kina? Sɔɔl yaa ŋun kan, u ga ku mi.” Le Uwumbɔr bui u ke, “Chuu unaabo ki li joo, ki bui ke aa cha aa ti toor kitork tii min Uwumbɔr la.

1 Samuel 2:35

Le m ga lee utotoor u ga dii mi mbamɔm, ki ŋani tiwan nimɔk m ban na. M ga tii u yaabitiib bi ga li tun maatuln, maabɔr u m lee u na chee n‑yoonn mɔmɔk.

1 Samuel 7:17

le ki gir buen waatiŋ Rama ponn ni, nin chee u ti ki ye ubɔlen na. U nan maa kitork aabimbiln Rama aatiŋ ni tii Uwumbɔr.

1 Samuel 9:12

Le bisapɔm ngbaan kii bi ke, “Een, u bi. Mbamɔn, uma le kpaan bi nimɔb pu na. Ni yaa chuun mala kan, ni ga pii u nsan ni. Ni yaa ti kpaan koo kitiŋ ponn ni kan, ni ga kan u. Din wee le u fuu ni kitiŋ ni do; ba pu? binib ngbaan ban bi toor kitork, kitork aabimbiln paab ligongoln pu la. Baah yin ni binib bi na aan ŋmaa piin tijikaar aajim see u fuu nima waahr, ba pu? uma le ga mee Uwumbɔr kitork ngbaan pu. Ni yaa buen dandana wee kan, ni ga kan u waahr aan u nin buen ligongoln pu ke u ti ji.”