1 Samuel 7:6 - Uwumbɔr aagbaŋ

⁶ Kina pu le bi mɔmɔk kuun Mispa ni. Bi nan ban nnyun le ki kpir tii Uwumbɔr, le ki lul bumɔb liyaadaal, nwiin ti lir. Bi nan len ke, “Ti tun Uwumbɔr titunwanbir.” Mispa ni, nima chee, le Samuel nan toor Israel yaab bi nan kpa tɔb tibɔr na aakaasisik ni.

1 Samuel 7:6 ပူးပေါင်းရင်းမြစ်များ

Mpiin 31:49

Le Labann ki bui ke, “Uwumbɔr li lik ti mɔmɔk bilee, taah ga yakr tɔb chee pu na, ubaa taa ŋa uken bakaa.” Nima pu na, bi nan ki yin nima chee ke Mispa.

2 Samuel 14:14

Ti mɔmɔk ga kpo, ti naahn nnyun mu kpir kitiŋ, aan baan ki ŋmaa faa mu na la. Hali Uwumbɔr ubaa aa cha binib bi kpo na ki gir ni limɔfal ni, le ubɔr ma tee ga ŋmaa kan nsan ki cha unii u san kikusɔŋ na gir ni.

1 Bibɔrb 8:47

pel saanib aameel. Uwumbɔr, bi yaa bi kitiŋ ngbaan ni, ki yaa kpeln baabimbin ki mee si, ki kpiir baah ye titunwanbirdam, ni bibiindam sakpen pu na kan, ŋun baameel.

1 Bibɔrb Aabɔr 11:18

Le bijakpaam ngbaan bɔ dii Filistia aajab ni, ki ti lun ni nnyunbun ngbaan ponn ni aanyun, ki di gir ni nan tii David. Le u nan yii, kaa nyun mu; u nan di mu tii Uwumbɔr la,

2 Bibɔrb Aabɔr 20:3

Ijawaan nan chuu Jehosafat, le u mee Uwumbɔr ki ban nterm, le ki bui ke waatiŋ mɔmɔk aanib lul bumɔb.

Nehemia 9:27

kina pu le aa nan cha baadim nyaŋ bi ki joo bi. Baah nan bi limukl ponn ni na bi nan yin si ke aa ter bi, le aa nan bi paacham ki kii. Saanimbaasaln sakpeln ponn ni le aa tii bi biyidam bi nan gaa bi lii baadim chee na.

Job Aagbaŋ 16:20

Njɔtiib laa mi la; le nnimbil bar tinyunyunn tii Uwumbɔr.

Job Aagbaŋ 3:24

Maah ga li ji pu na, le m joo wii ikpowiil, kaan ŋmaa di cha kaa ker idun.

Job Aagbaŋ 33:27

Le u ga sil binib ni ki len ke, “M tun titunwanbir. Maa tun ni ŋan na, le Uwumbɔr tee di cha pinn mi.

Job Aagbaŋ 42:6

Kina pu na, inimɔɔn chuu mi maah len pu na mɔmɔk pu, le m ka titan, ni nfatan ni, ki yii maatunwanbir.

Ilahn 106:6

Ti tun titunwanbir ke tiyaajatiib aah tun pu na la; ti kpa mbiin le ki ye titunwanbirdam.

Ilahn 119:136

Binib aah yii saakaal pu na cha m wii, le maanyunyunn ti puu ke limɔɔl na.

Ilahn 42:3

M wii nwiin pu ni kinyeek la, le maanyunyunn ye maajikaar; n‑yoonn mɔmɔk kan, maadim baa mi le ke, “Saawumbɔr ngbaan bi la?”

Ilahn 6:6

Mpombiin cha nwon mɔmɔk kpo a; maah wii kinyeek mɔmɔk pu na cha maawandookaan sɔŋ a, tinyunyunn sɔŋ maayikukur a.

Ilahn 62:8

Maanib, tii Uwumbɔr naadii n‑yoonn mɔmɔk man. Bui u nimi aamuk mɔmɔk man, ba pu? uma le ye timi aabɔbɔryaan.

Jeremia 31:19

Ti nan fenn tipuwɔb tii si, le naa yunn le ti ki ban ke ti gir ni. Saah nan daa titafal na aapuwɔb, le ti nan ka tii tiyil mpombiin pu. Ti nan jin inimɔɔn, ba pu? taah nan laa ye mbim pu na le ti nan tun titunwanbir.

Jeremia 36:9

Jehoyakim aah nan ye Juda aabɔr pu na aabiŋmuŋmur aaŋmawae ni, le binib ngbaan nan bi lulni bumɔb ke Uwumbɔr san bi kinimbaak. Binib bi mɔmɔk koo Jerusalem ni na, ni bi mɔmɔk nyan ni Juda aatim ni na, le nan lul bumɔb ngbaan.

Jeremia 9:1

N‑yil yaa ba ye nnyunbun, aan nnimbil mu ye uyayak aanyunbun kan, m ba ga li wii nwiin pu ni kinyeek, baah ku maanib bi na pu.

Inandalahn 2:11

Iwiil pu le nnimbil ti foor koo; m bi ntoton ni la. Baah ku bii maanib pu na le mpombiin ban mu ku mi. Mbim ni mbipɔm fik le ki dɔ kitiŋ ponn ni.

Inandalahn 3:49

Maanyunyunn ga li puu, kaan foor, ke nkpen na,

Inandalahn 5:16

Taah nan mak tiwan ni pu na aa ki gur. Ti tun titunwanbir, le timi aamɔfal kuln.

Esekiel 20:4

“Unibɔn, aa gor ke aa ji bi tibɔr ki siin bi maah ga ŋa bi pu na aa? Tɔ, kina kan, ŋa kina. Teer bi bitetiib aah nan tun ŋitun ŋi sukr ponn ni na bɔr.

Hosea 5:1

“Nimi bitotoorb, li pel nimina man. Israel yaab, pel man. Nimi bi ye nnaan ni yaab na, li pel man. Nimi aatuln le ye ke ni di ibamɔn ji binib tibɔr, kina pu na, m ga ji nimi tibɔr. Ni kpaln gaawɔb le ki dɔ Mispa, le ki ye kipɔɔk Tabor aajool pu,

Joel 2:12

Uwumbɔr len ke, “Hali dandana, kpeln nimi aabimbin mbamɔm man, ki lul bumɔb, ki li wii ikpowiil, ki gir ni m chee.

Liifai Yaab 16:29

Ni li dii ikaal imina ki cha n‑yoonn mu choo na mɔmɔk. Ŋmalole aawinpiik daal kan, Israel yaab, ni biwɔwɔm mɔmɔk bi koo bi chee na kpaan ki lul bumɔb, ki taa tun lituln libaa liyaadaal ngbaan.

Liifai Yaab 26:40

“Niyaabitiib ga kpiir baatunwanbir pu, ni biyaajatiib aatunwanbir, ke bi nan yii kaa kii maamɔb,

Tibɔnyaan ti Luk ŋmee ti na 15:18

M ga gir kun nte do, ki ti bui u ke, Nte, m koo aa ni Uwumbɔr mɔk aataani ni.

Josua 18:26

ni Mispa, ni Kefira, ni Mosa,

Bibɔjirb 10:10

Le Israel yaab ngbaan nan wii yin Uwumbɔr ki bui ke, “Timi Aawumbɔr, ti tun si titunwanbir, ti di si lii, le ki dooni Baal aawaa.”

Bibɔjirb 10:15

Le Israel aanib ngbaan nan bui Uwumbɔr ke, “Ti tun titunwanbir a. Ŋa saah gee pu na, tɔ, aa mu tee gaa timi lii din wee.”

Bibɔjirb 2:4

Uwumbɔr aatuun ngbaan aah len kina ti doo na, le Israel aanib mɔmɔk piin ki wii,

Bibɔjirb 20:26

Israel aanib mɔmɔk nan ki buen Betel aatiŋ ni ki ti wii ikpowiil. Bi nan ka Uwumbɔr aanimbiin ni, nima chee, kaa jin tijikaar le nwiin ti lir. Bi nan toor kimɔbaan aapiin aatork, ki di tiwakor ngbaan tibaa timɔnn see mmii ni, Uwumbɔr aanimbiin ni.

Bibɔjirb 3:10

Uwumbɔr Aafuur nan koo u, le u ŋa Israel yaab aasaloln. Otniel nan faa Mesopotamia aabɔr butɔb, le Uwumbɔr cha u nyaŋ u.

1 Samuel 1:15

Le u gar u ke, “Aayii, maa gbii ndaan, maaninkpel. Maa nyun ndaan. Ni ye mi limukl la, le m bi mee limeel, ki kpiir maabɔr tuk Uwumbɔr.

1 Samuel 10:17

Samuel nan kuun Israel yaab Uwumbɔr aanimbiin ni, Mispa aatiŋ ni,

1 Samuel 12:10

Le bi wii ki yin Uwumbɔr ke u ter bi, ki bui ke, ‘Uwumbɔr, ti tun titunwanbir; ti fenn tipuwɔb tii si, ki dooni ŋiwaa ŋi bi yin ŋi ke Baal ni Astaate na. Gaa timi, timi aadim chee lii, aan ti li dooni si.’

1 Samuel 7:15

Samuel le nan joo Israel yaab buyoonn u nan bi limɔfal ponn ni na.