1 Samuel 7:5 - Uwumbɔr aagbaŋ

⁵ Le Samuel tun yin Israel yaab mɔmɔk ke bi ti kuun Mispa aatiŋ ni, le ki len ke, “M ga ti mee Uwumbɔr tii nimi, nima chee.”

1 Samuel 7:5 ပူးပေါင်းရင်းမြစ်များ

Mpiin 20:7

Tɔ, dandana wee giin upii ngbaan tii uchal. Uchal ye maabɔnabr la, le u ga mee mi tii si, nima kan, saan kpo. Tɔ, aa yaa yii, kaa di u tii uchal kan, m sur si la, aa ni saanib mɔmɔk ga kpo.”

Mpiin 31:49

Le Labann ki bui ke, “Uwumbɔr li lik ti mɔmɔk bilee, taah ga yakr tɔb chee pu na, ubaa taa ŋa uken bakaa.” Nima pu na, bi nan ki yin nima chee ke Mispa.

2 Bibɔrb 25:23

Juda aaninkpiib ni baajab bi kaa nan di bibaa tii Babiloŋ yaab na aah ŋun kina na, le bi buen Gedalia chee Mispa aatiŋ ni. Bininkpiib ngbaan le nan ye Netania aajapɔɔn Ismael, ni Karea aajapɔɔn Johanann, ni Tanhumef u nyan ni Netofa aatiŋ ni na aajapɔɔn Seraya, ni Maaka aatiŋ aanii Jesania.

Nehemia 9:1

Uŋmabaan ngbaan ponn ni aawiin moninko ni inaa daal le Israel yaab nan kuun ke bi lul bumɔb ki mɔk baapombiin baatunwanbir pu. N‑yoonn mue na bi nan yakr biwɔwɔm bi ŋmal bi ponn ni na chee. Bi nan pee tiwanpeenkaan ni saak kuub na, le ki di titan puŋ biyil, bisui aah bii pu na pu. Le bi sil ki kpiir baatunwanbir, ni biyaajatiib mu aatunwanbir pu.

Jeremia 40:6

M nan buen Mispa aatiŋ ni, le ki ti koo Gedalia ni binib bi gur kitiŋ ngbaan pu na ni chee.

Hosea 5:1

“Nimi bitotoorb, li pel nimina man. Israel yaab, pel man. Nimi bi ye nnaan ni yaab na, li pel man. Nimi aatuln le ye ke ni di ibamɔn ji binib tibɔr, kina pu na, m ga ji nimi tibɔr. Ni kpaln gaawɔb le ki dɔ Mispa, le ki ye kipɔɔk Tabor aajool pu,

Joel 2:16

Kuun binib mɔmɔk kpaan tɔb chee; cha bi mɔmɔk gor bibaa ki li kii nkuun mu bi chain na; li joo ni binib bi por na; kuun bibilb ni mbipɔm mu. Hali binib bi laa mɔn tichar na ga nyan ni baadir ni ki dan.

Josua 15:38

ni Dileann, ni Mispa, ni Jokteel,

Josua 18:26

ni Mispa, ni Kefira, ni Mosa,

Bibɔjirb 10:17

N‑yoonn ngbaan le Amonn yaab gaar ke bi buen butɔb, ki ti kuun bi Gilead aatiŋ pu, le Israel aajab mu kuun tɔb ki ti kal Mispa aatiŋ ki bi Gilead aatiŋ ni na ni.

Bibɔjirb 20:1

Israel aanib mɔmɔk bi nan ye Dann aanibol yaab ki bi ŋŋangan wɔb na, ki ti saa Beerseba aatiŋ ki bi ŋŋangii wɔb na, ki yoor kina ki nyan Gilead aatiŋ ni liwipuul wɔb mɔmɔk nan kii n‑yim ngbaan. Bi mɔmɔk nan kuun ti ŋa unibaan Uwumbɔr aanimbiin ni, Mispa aatiŋ ni.

1 Samuel 10:17

Samuel nan kuun Israel yaab Uwumbɔr aanimbiin ni, Mispa aatiŋ ni,

1 Samuel 12:17

Ni ye lipeel la, naa ye ee? Tɔ, m ga mee Uwumbɔr, le u ga cha utaal nu ki li tar. Nimina yaa ŋa kan, ni ga bee ke ni tun Uwumbɔr titunwanbir ti bir na, ke u tii nimi ubɔr.”

1 Samuel 12:23

M ma kan, Uwumbɔr taa cha m tun titunwanbir ke maan ki mee u tii nimi. M ga mɔk nimi nsan mu ŋan ke ni dii mu na.

1 Samuel 7:12

Samuel nan yoor litakpal ki di ŋum Mispa ni Senn aakaasisik ni, ki bui ke, “Uwumbɔr le ter timi ki nan saa din,” le ki yin li ke, “Nterm Aatakpal.”

1 Samuel 7:16

Libiln mɔmɔk ni kan, u nan chuun ki manni Betel, ni Gilgal, ni Mispa, ki toor binib bi kpa tɔb tibɔr na aakaasisik ni,

1 Samuel 7:4

Kina pu le Israel yaab nyan ŋiwaa Baal ni Astaate mae, le ki dooni Uwumbɔr baanja.

1 Samuel 8:6

Baah nan ban pu na aa nan piir Samuel aasui, kina pu le u mee Uwumbɔr,