1 Samuel 7:17 - Uwumbɔr aagbaŋ

¹⁷ le ki gir buen waatiŋ Rama ponn ni, nin chee u ti ki ye ubɔlen na. U nan maa kitork aabimbiln Rama aatiŋ ni tii Uwumbɔr.

1 Samuel 7:17 ပူးပေါင်းရင်းမြစ်များ

Mpiin 33:20

Le Jakob maa libimbiln ki toor kitork ki doon Uwumbɔr nima chee, le ki yin nima ke, El Elohe Israel.

Mpiin 35:7

Le u maa kitork aabimbiln nima chee, le ki yin kitiŋ ngbaan ke Betel Aawumbɔr; ba pu? Uwumbɔr nan di ubaa mɔk Jakob nima chee, n‑yoonn mu u nan san ukpel chee na.

Aisaya 10:29

Bi dii kifataŋ kibaa ni ki fuu Geba ki doon nima. Ijawaan chuu Rama aatiŋ aanib sakpen a, le ubɔrkpaan Sɔɔl aatiŋ ki bi yin ki ke Gibea na aanib san.

Bibɔjirb 4:5

U nan ŋmaa kaa libɔkpal aasub bubaa taab la. Busub ngbaan nan bi Rama aatiŋ ni Betel ki bi ŋigongon aatiŋ ki ye Efraim aanibol aatiŋ na aakaasisik ni la, le Israel aanib chaa u chee nima, ki ti toor baabɔr.

Bibɔjirb 6:24

Gideonn nan maa kitork aabimbiln nima chee tii Uwumbɔr, ki yin li ke, “Uwumbɔr le ye Nsuudoon.” Li beenin si Ofra aatiŋ ki ye Abieser aataŋaal aatiŋ na ni.

1 Samuel 1:1

Uja ubaa nan bi, bi nan yin u ke Elkana, u nyan ni Efraim aamaal ponn ni la, le ki koo Rama aatiŋ ki bi Efraim aatiŋ ki ŋigongon wiir nima na ponn ni. Ute le nan ye Jeroham, le uyaaja mu nan ye Elihu, u nyan ni Tohu aamaal mu ye Suf aataŋaal na.

1 Samuel 1:19

Naah woln kichakpiik ni na, le Elkana ni waadichal fii mala, ki ki doon Uwumbɔr, le ki gir kun Rama aatiŋ ni. Tɔ, Elkana nan doon upuu Hana chee, le Uwumbɔr kii waameel.

1 Samuel 11:15

Kina pu le bi mɔmɔk buen Gilgal. Nima chee, Uwumbɔr aanimbiin ni, le bi ti ki kaan Sɔɔl nnaan. Bi nan toor kimɔbaan aatork tii Uwumbɔr, le Sɔɔl ni Israel aanib mɔmɔk kpaan jin kitork ngbaan nima chee.

1 Samuel 14:35

Sɔɔl nan maa waajan aatork aabimbiln tii Uwumbɔr nima la.

1 Samuel 15:34

Samuel nan buen Rama aatiŋ ni, le ubɔr Sɔɔl mu kun Gibea aatiŋ ni.

1 Samuel 2:11

Tɔ, Elkana gir kun Rama, le Samuel u laa ye ubo na gaar Silo, ki tun Uwumbɔr aatuln, utotoor Eli chee.

1 Samuel 28:3

Le Samuel nan kpo, le Israel yaab mɔmɔk nan wii waakpuul ki ti sub u udo aatiŋ Rama ni. Sɔɔl nan jenn nyan bibɔɔb, ni binib bimɔk joo inyɔk tun lituln na Israel ni.

1 Samuel 8:4

Le Israel aayidam mɔmɔk kuun tɔb, ki di buen Samuel chee Rama aatiŋ ni,

1 Samuel 9:12

Le bisapɔm ngbaan kii bi ke, “Een, u bi. Mbamɔn, uma le kpaan bi nimɔb pu na. Ni yaa chuun mala kan, ni ga pii u nsan ni. Ni yaa ti kpaan koo kitiŋ ponn ni kan, ni ga kan u. Din wee le u fuu ni kitiŋ ni do; ba pu? binib ngbaan ban bi toor kitork, kitork aabimbiln paab ligongoln pu la. Baah yin ni binib bi na aan ŋmaa piin tijikaar aajim see u fuu nima waahr, ba pu? uma le ga mee Uwumbɔr kitork ngbaan pu. Ni yaa buen dandana wee kan, ni ga kan u waahr aan u nin buen ligongoln pu ke u ti ji.”