1 Samuel 7:10 - Uwumbɔr aagbaŋ

¹⁰ Buyoonn Samuel bi toor kitork ngbaan na, le Filistia yaab dan ke bi nan tak bi. Libuul ngbaan ni, le Uwumbɔr teen paacham ke utaal na, bi pu. Le bilan ŋmal, le ijawaan chuu bi, le bi san.

1 Samuel 7:10 ပူးပေါင်းရင်းမြစ်များ

Ilahn 18:15

Buyoonn Uwumbɔr aaŋuul fii, aan u kae waadim ki ŋuun ke uchinn na, nnyunsakpem aataab nan doon nkuun, le kitiŋ aah baa nin chee na chuu piir waan.

Ilahn 29:3

Bi ŋun Uwumbɔr aaneel nnyusakpem pu; Uwumbɔr u kpa kipak na tar ke utaal na, le uneel ti keei nnyusakpem ni.

Ilahn 29:4

Bi ŋun Uwumbɔr aaneel mu pɔɔ ki nyuun na pu.

Ilahn 78:66

U nan jenn waadim giin inimɔɔn aalirm mu kaa kpa ndoon na ni.

Sekaria 4:6

Ntuun ngbaan le nan di tibɔr ti Uwumbɔr di tuk u na tuk mi, ke m di nabr Serubabel ke, “Aa ga nyaŋ, ni mu aan li ye bijab aapɔɔn, bee sin aabaa aapɔɔn, ni ga li ye Maafuur Nyaan aapɔɔn pu la.

Ikaal 28:7

“Uwumbɔr ga nyaŋ nimi aadim bimɔk tak nimi na; bi ga nya lipepel libaa wɔb le ki nan tak nimi, le ni ga nyaŋ bi, aan bi san yaa ŋipepel mɔmɔk.

Josua 10:10

Uwumbɔr nan cha Amor yaab aah kan Israel yaab na, le biwon jii. Le Israel yaab aajab nan ku bi Gibeonn yaab aatiŋ ni, le ki san dii bi kina ki ti nyan ŋijoo pu aasan mu cha Bef Horonn aatiŋ ni na, ki dii bi kina ŋŋangii wɔb ki ti saa Aseka ni Makeda.

Bibɔjirb 4:15

Barak ni waajab aah ti tak bi na, le Uwumbɔr ŋmal Sisera ni waajab bi mɔmɔk bi itaan aatɔroku tiib ni na, ni waajab biken mɔmɔk aalan. Sisera nan nyan waatɔroku ponn ni ke u di litaal san ŋmar.

Bibɔjirb 5:20

Iŋmabi nan faa Sisera butɔb kitaapaak, yaah nan bɔ dii kitaapaak cha na, i ni Sisera nan faa tɔb butɔb.

Bibɔjirb 5:8

Israel yaab nan ban ŋiwaa la, nima pu le butɔb dan kitiŋ ngbaan pu. Israel aajab ŋichur imonko ilee ngbaan ni, ulau nan joo kijaak aapeln, bee kikpaatuŋ?

1 Samuel 12:17

Ni ye lipeel la, naa ye ee? Tɔ, m ga mee Uwumbɔr, le u ga cha utaal nu ki li tar. Nimina yaa ŋa kan, ni ga bee ke ni tun Uwumbɔr titunwanbir ti bir na, ke u tii nimi ubɔr.”

1 Samuel 14:15

Filistia yaab bi mɔmɔk nan bi itingbaan ni na aapobil nan yuk. Ijawaan nan chuu bijab bi looni na, ni bijab bi nan bi baah kuun ka nin chee na, le biwon gbaa. Kitiŋ nan dam, le bilan ŋmal, le bi gur san yɔl yɔl.

1 Samuel 2:10

Uwumbɔr aadim ga kuln; u bi paacham ki ga teen bi pu ke utaal na. Uwumbɔr le ga ji dulnyaa mɔmɔk tibɔr; u ga tii waabɔr mpɔɔn, u ga cha waah lee ubɔr u na kan linyaŋ.”

1 Samuel 7:11

Le Israel aajab nyan Mispa ni, ki di paan Filistia yaab ngbaan pu, ki ti ban bi koo Bef Kar, ki ku bi ki cha.