1 Samuel 6:9 - Uwumbɔr aagbaŋ

⁹ ki li si lik i, i li cha; i yaa di toŋ Bef Semes aatiŋ ni kan, ni mɔk ke Israel yaab Aawumbɔr le tun ni nimi tibɔbir sakpen ngbaan. I yaa kaa toŋ nima kan, ti ga bee ke naa ye uma le tun ni tibɔbir ngbaan, ti dan tibaa pu la.”

1 Samuel 6:9 ပူးပေါင်းရင်းမြစ်များ

2 Samuel 1:6

Le u gar u ke, “M mu nan bi Gilboa Aajool pu, le ki kan Sɔɔl si nyii waakpaatuŋ pu, le bidim aataan aatɔroku mam, ni bitandam bi ŋɔkni u pu.

1 Bibɔrb 4:9

Ben‑Deker le nan yeh Makas, ni Saalbim, ni Bef Semes, ni Elonn, ni Bef Hanann aatim.

2 Bibɔrb Aabɔr 25:21

Kina pu na, Israel Aabɔr Jehoas ni Juda Aabɔr Amasia nan faa tɔb butɔb. Bi nan ti pii tɔb Bef Semes aatiŋ ki bi Juda ni na la.

Nnyam 8:15

Ubɔr ngbaan aah kan ke ŋipulaatal mɔmɔk kpo doo na, le u ki pɔɔk usui, le ni gbiin Uwumbɔr aah nan tuk Moses ni Aaronn pu na, ke ubɔr ngbaan ga pɔɔk usui kaan tii bi nsan.

Ulandaan 9:11

M nan ki kan tiwan niken, nima le ye ke naa ye binib bi ŋmaa san sakpen na le ji litaasaln ni, le bijakaab mu aa nyaŋni butɔb ni n‑yoonn mɔmɔk. Bilandam mu aa kpa tijikaar n‑yoonn mɔmɔk, le binib bi bae tiwan ki nyi sakpen na aa kani nkam. Binib bi ŋmaa joo tiwan na aa kani tininkpir n‑yoonn mɔmɔk. Kinimbɔŋ kani unii mɔmɔk la.

Aisaya 26:11

Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Amos 3:6

Ukpiin yaa wii kitiŋ ni kan, ijawaan chur binib mɔmɔk la. Tibɔbir aan ŋmaa koo ni kitisakpeŋ ni kaa nyan ni Uwumbɔr chee.

Tibɔnyaan ti Luk ŋmee ti na 10:31

Naah kpee siib na, le Uwumbɔr aatotoor ubaa mu jer nima, ki kan u. Waah kan u na, le u gɔln u ki jer.

Josua 15:10

Nima chee le ki mann gonn Baala aatiŋ liwilir wɔb, ki fenn kpaa ŋigongon aatiŋ ki bi yin ki ke Edom na, le ki di dii buen Jearim, bee Kesalonn, Aajool aaŋangan wɔb, ki di sunn taab ki ti ker Bef Semes, le ki dii Timna aatiŋ ni.

Josua 21:16

ni Ayinn, ni Juta, ni Bef Semes, ni mu aamopɔr mu: mu nan ye ntim muwae, le ki bi Juda ni Simeonn aanibol aatim ni, bi nan di mu tii utotoor Aaronn aamaal ni yaab.

1 Samuel 6:10

Bi nan ŋa baah mɔk bi ke bi ŋa pu na: bi nan chuu inaa ilee le ki di tɔroku ngbaan tul i pu, le ki di inaabi laŋ kinaabak ponn ni.

1 Samuel 6:12

Inaa ngbaan nan siir le ki di toŋ Bef Semes ki kpaa tok ki, kaa par nsan ni nibaa chee. I nan cha le ki wooni. Filistia aabɔrb biŋmu ngbaan nan dii i ki ti saa Bef Semes aatiŋ mɔk.

1 Samuel 6:3

Le bi bui ke, “Ni yaa ga giin Israel yaab Aawumbɔr Aadakaa kan, ni ŋan ke ni tii ipiin i ga ti pa nimi aatunwanbir pu na. Dakaa ngbaan aan ŋmaa gir iŋaalkuun. Ni yaa ŋa kina kan, ni ga pɔɔk, le ni ga bee naah ŋa pu aan u dar nitafal na.”