1 Samuel 6:3 - Uwumbɔr aagbaŋ

³ Le bi bui ke, “Ni yaa ga giin Israel yaab Aawumbɔr Aadakaa kan, ni ŋan ke ni tii ipiin i ga ti pa nimi aatunwanbir pu na. Dakaa ngbaan aan ŋmaa gir iŋaalkuun. Ni yaa ŋa kina kan, ni ga pɔɔk, le ni ga bee naah ŋa pu aan u dar nitafal na.”

1 Samuel 6:3 ပူးပေါင်းရင်းမြစ်များ

Job Aagbaŋ 10:2

Uwumbɔr, taa bui ke maabɔr bii. Bui mi maabɔr aah bii pu na.

Nnyam 23:15

Uŋmal u bi yin u ke Abib na, uŋmal u ponn ni ni nan nyan Ijipt aatiŋ ni na, ni ji boroboro u kaa kpa boroboro aanyɔk na aajim, maah nan mɔk nimi ni li ji mu pu na. Ni taa ŋmɔ boroboro u kpa nnyɔk na njim ngbaan aawiin ilole ngbaan ponn ni. Ni yaa choo ni nan doon mi kan, ni li joo ni ipiin, ni taa choo ni iŋaalkuun.

Nnyam 34:20

tɔ, see ni ki gir di upihjabo kpeln ibon aajan aabim m chee. Ni yaa kaan kpeln kan, ni nyii koo usil. Nimi aabijabim ma kan, see ni ki gir daa bi m chee. “Unii umɔk choo nnimbiin ni ke u nan doon mi na kan, u li joo ni ipiin.

Nnyam 8:15

Ubɔr ngbaan aah kan ke ŋipulaatal mɔmɔk kpo doo na, le u ki pɔɔk usui, le ni gbiin Uwumbɔr aah nan tuk Moses ni Aaronn pu na, ke ubɔr ngbaan ga pɔɔk usui kaan tii bi nsan.

Liifai Yaab 5:6

Le u ga li joo ni upihsal, bee uŋosal ki nan toor kitork tii Uwumbɔr, waatunwanbir ngbaan pu. Utotoor le ga toor kitork ngbaan, udaan aatunwanbir pu.

Liifai Yaab 6:6

U li joo ni upihja, bee uŋoja u ŋan na ki nan di tii utotoor, u di tii Uwumbɔr, ni li ye lipɔln aatork. Kiwakork ngbaan aadaak li dii nkaal aah siin pu na.

Ikaal 16:16

“Nimi aatiŋ ni aajab mɔmɔk kuun dan nin chee ni dooni Uwumbɔr na, ki nan doon u nfum mutaa libiln libaa ni: Lakr‑jer Aajim, ni Lijikaacheel Aajim, ni Tikakar Aajim aayoonn. Uja mɔk li joo ni ipiin waah ŋman pu na,

1 Samuel 5:11

Le bi ki gir yin Filistia aabɔrb biŋmu na ki nan bui bi ke, “Giin man Israel yaab Aakaal Aadakaa buen waabuul ni, aan u taa ku timi ni timi aadichal ni yaab.” Ijawaan nan bi kitiŋ ngbaan mɔmɔk ponn ni; ba pu? Uwumbɔr nan bi dar bitafal sakpen.

1 Samuel 5:7

Baah kan tiwan ni bi ŋani bi na, le bi bui ke, “Israel yaab Aawumbɔr le bi dar timi ni timi aawaal Dagonn aatafal. Taan ki cha Waakaal Aadakaa ngbaan li bi do.”

1 Samuel 5:9

Dakaa ngbaan aah fuu nima chee na, le Uwumbɔr ki daa nima yaab mu aatafal ki cha bipobil yuk. U nan cha iween i naahn ŋichakpelar na ki ku bi mu, mbim ni bininkpiib mɔmɔk.

1 Samuel 6:8

Yoor man Uwumbɔr Aakaal Aadakaa di tɔŋ tɔroku ngbaan pu, ki di salmaa aawan aapiin i ni joo tun nimi aatunwanbir pu na ŋa dakaa ponn ni, ki di siin gbaŋ Uwumbɔr Aakaal Aadakaa ngbaan, ki cha inaa ngbaan li dar tɔroku ngbaan cha, ubaa taa dii i,

1 Samuel 6:9

ki li si lik i, i li cha; i yaa di toŋ Bef Semes aatiŋ ni kan, ni mɔk ke Israel yaab Aawumbɔr le tun ni nimi tibɔbir sakpen ngbaan. I yaa kaa toŋ nima kan, ti ga bee ke naa ye uma le tun ni tibɔbir ngbaan, ti dan tibaa pu la.”