1 Samuel 6:17 - Uwumbɔr aagbaŋ

¹⁷ Filistia yaab aah nan tii Uwumbɔr salmaa aachakpelar aanaŋ aawan niŋmu ni ke ipiin i ga pa baatunwanbir pu na, nan si ntim muŋmu mue: Asdod, ni Gasa, ni Askelonn, ni Gaf, ni Ekronn aasisii la.

1 Samuel 6:17 ပူးပေါင်းရင်းမြစ်များ

2 Samuel 1:20

Taa mooni ti Gaf aatiŋ ni. Taa tuk Askelonn aatiŋ aanib. Taa cha Filistia aapiib aasui piir; taa cha binib bi kaa dii Uwumbɔr na aabisatiib kan mpopiin.

2 Samuel 21:22

Ŋiwɔk ŋinaa ngbaan nan ye Gaf aatiŋ aawɔk aamaal ni aajab la, le David ni waajab ku bi.

2 Bibɔrb 1:2

Israel yaab aabɔr Ahasia nan si waabɔrdichal aachiln li bi ŋa lidichal ngbaan aapaacham na, le ki ker lir ni, ki kan titotonn pam. Kina pu le u nan tun Filistia yaab aawaal Baal‑Sebub li bi Ekronn aatiŋ ni na chee, ke bi ti baa lik ke u ga ŋmar aan waan ŋmar.

2 Bibɔrb Aabɔr 26:6

Usia ni Filistia yaab nan faa tɔb butɔb. U nan tur baatim Gaf, ni Jamnia, ni Asdod aagon lir, le ki maa ntikpaam mu pɔɔ na gbaŋ Asdod ni Filistia aatim mu gur na.

Liifai Yaab 5:7

U yaa kaa kpa upihsal, bee uŋosal kan, u li joo ni ŋinanjel ŋilee, bee ŋibɔrnanjel ŋilee, ki nan toor kitork tii Uwumbɔr; u di libaa toor titunwanbir aatork, ki di liken na toor kitork ki bi joo seer mmii ni na aatork.

Amos 1:6

Uwumbɔr ki len ke, “Filistia yaab Gasa aatiŋ aah tun titunwanbir n‑yoonn mɔmɔk pu na, kina le ga cha m sil daa bitafal. Bi ŋa litimbol mɔln aanib mbiin ki di bi kooh tii Edom yaab.

Amos 6:2

li cha ti lik man Kalne aatisakpeŋ na, ki buen man Hamaf aatisakpeŋ ki kpa mpɔɔn na, ki sunn buen Filistia yaab aatisakpeŋ Gaf chee. Mu aa ŋan ki jer Juda ni Israel aanaan. Le mu aatingbaan mu aa wiir jer nimi yoo.

Ikaal 28:27

Uwumbɔr ga cha ŋichakpelar yur nimi, ke waah nan ŋa Ijipt yaab pu na. U ga cha niwon kpaln ibuun ŋmeen. Niwon ga kpaln ligbaln ŋmeen, ki saak, le nnyɔk aa bi ki ga tii nimi laafee.

Bibɔjirb 1:18

Uwumbɔr nan ter Juda aanib, le bi gaa ŋigongon aatiŋ ngbaan. Bi mu aa nan tee ŋmaa nyaŋ Gasa, ni Askelonn, ni Ekronn aatim, ni mu aapepel. Binib ngbaan, bi nan koo nnyusakpem aagbaan na, nan kpa itaan aah dar tikur aatɔroku tiib, kina pu na, Juda aanib aa nan ŋmaa jenn nyan bi.

Bibɔjirb 14:19

Libuul ngbaan ni, le Uwumbɔr Aafuur Nyaan gbiin u, ki cha u pɔɔk nyib, le u buen Askelonn aatiŋ ni, ki ti ku bijab piitaa, ki chuu peer baawanpeenkaan nyaan nan tii bijab piitaa bi tuk u liyataŋakl ngbaan aatataa na. Nee aapuwɔb le u gir kun, le baah ŋmann u pu na aaŋuul ban li ti ku u.

Bibɔjirb 16:1

Daalbaadaal le Samsonn nan buen Gasa aatiŋ ni ki ti kan pateer ubaa ki doon u chee.

Bibɔjirb 16:21

Filistia yaab nan chuu u, le ki chuu lokr unimbil. Bi nan di u buen Gasa aatiŋ ni, le ki ti di tikumann aakululn baa u, le u nan n‑yon kiyondiik ni.

1 Samuel 5:1

Filistia yaab aah jan ki gaa Uwumbɔr Aakaal Aadakaa na, bi nan yoor u nyan Ebeneser aatiŋ ponn ni, ki di buen baatiŋ Asdod ni,

1 Samuel 5:10

Le bi yoor Uwumbɔr Aakaal Aadakaa ngbaan buen Filistia yaab aatiŋ ki bi yin ki ke Ekronn na ponn ni; le nima aanib teen ke, “Bi joo ni Israel yaab Aawumbɔr Aadakaa do, ke bi nan ku ti mɔmɔk la.”

1 Samuel 5:8

Kina pu le bi nan tun yin ni Filistia aabɔrb biŋmu ngbaan nan kpaan, ki baa bi ke, “Ti ga ŋa Uwumbɔr Aakaal Aadakaa wee kinye?” Le bi bui ke, “Di u buen Gaf aatiŋ ni man;” le bi di u buen Gaf aatiŋ ponn ni, ki mu ki ye Filistia yaab aatiŋ kiken la.

1 Samuel 6:4

Le binib ngbaan baa ke, “Ba aapiin aan ti ga di tun?” Le bi bui ke, “Salmaa ŋisayik aanaŋ ŋiŋmu, ni salmaa ŋichakpelar aanaŋ ŋiŋmu, ubaa mɔmɔk le si Filistia yaab aabɔr ubaa mɔmɔk aasisii. Tibɔbir baan ngbaan le u nan di tun tii ni mɔmɔk, ni bibɔrb biŋmu ngbaan mu pu.