1 Samuel 6:14 - Uwumbɔr aagbaŋ

¹⁴ Le inaa ni tɔroku ngbaan di nan fuu bukpaab bubaa ni, bu nan ye uja u bi yin u ke Josua aan u koo Bef Semes ni na aakpaab la, le ki sil nima litakpasakpeln libaa chee. Le binib ngbaan chuu gaa nyan ŋikpan aatɔroku ngbaan ki kɔr inaa ngbaan toor kitork ki di see mmii ni tii Uwumbɔr.

1 Samuel 6:14 ပူးပေါင်းရင်းမြစ်များ

2 Samuel 24:18

Liyaadaal baan ngbaan, le Gad nan buen David chee, ki ti bui u ke, “Li cha Arauna aadipoipaal pu, ki ti maa kitork aabimbiln nima tii Uwumbɔr.”

2 Samuel 24:22

Le Arauna bui u ke, “Mpɔɔndaan, li joo li, ki di ŋa saah ban pu na tii Uwumbɔr. Inaa i aa ga di toor, ki di see mmii ni, libimbiln ngbaan paab na sɔ: yaadɔ, ni ŋidipoidabil ŋi mu ga tuur mmii na sɔ.”

2 Samuel 24:25

le ki maa kitork aabimbiln tii Uwumbɔr, ki toor kitork ki bi ga di see mmii ni na, ni kimɔbaan aatork nima. Uwumbɔr nan kii waameel, le iween ngbaan doo Israel aatiŋ pu.

1 Bibɔrb 19:21

Le Elaisa gir waanaa ngbaan chee, ki ti kɔr i mɔmɔk, le ki di yaadɔ i pui isil pu na ŋaa yaanann. U nan di tinann ngbaan tii binib ngbaan, le bi ŋman ti. Le u buen ti dii Elaija ki ye waateter.

Nnyam 20:24

Ni di titan ki maa kitork aabimbiln tii mi, aan ki di nimi aapiih, ni iŋoob, ni nimi aanaa toor kitork ki di see mmii ni tii mi, ki toor kimɔbaan aatork mu tii mi. Nin chee mɔk m nyan tii nimi ke ni li dooni mi na, le m ga dan ni chee ki nan ŋa tinyoor ŋa ni pu.

Bibɔjirb 21:4

Kitaak aah woln na, kichakpinaanyeek ni, le binib ngbaan maa kitork aabimbiln nima chee, le ki toor kimɔbaan aapiin aatork, le ki di tiwakor ngbaan tibaa timɔnn see mmii ni tii Uwumbɔr.

Bibɔjirb 6:26

Maa libimbiln li ŋan mbamɔm na tii Aadindaan Uwumbɔr kigongonbik kee pu. Aa di ŋibin ŋilole aanaaja na toor kitork ki di unaajamɔn ngbaan see mmii ni tii u. Aa di saah gaa geei Asera aanaŋ ki na aadɔ tuur mmii ngbaan.”

1 Samuel 11:5

Sɔɔl nan laa nyan ni kisaak ki joo waanaa choo kun ni la, le ki baa ke, “Ba ŋa? Ba ŋa unii mɔmɔk wii?” Le bi bui u ntuuntiib bi nyan ni Jabes na aah len pu na.

1 Samuel 20:29

U bui ke, ‘M gaŋ si, cha m buen. Timi aadichal bi toor kitork aajim kitiŋ ponn ni, le nkpel bui ke m li bi nima. Kina pu na, aa yaa ye njɔ kan, cha m buen ki ti kan ndo yaab.’ Nima pu le waa bi ti chee u ji tijikaar.”

1 Samuel 6:13

Bef Semes yaab nan bi chee tijikaar kifataŋ ponn ni, le ki yaar lik ki kan Uwumbɔr Aakaal Aadakaa ngbaan. Baah nan kan u na, le ni mɔɔr bi naa ti sɔ.

1 Samuel 6:18

Bi nan ki tii salmaa aasayik ŋiŋmu mu, libaa mɔmɔk nan si tii ntim mu Filistia aabɔrb biŋmu na nan joo mu na la, mu bi nan maa ŋigon gob na, ni itingbaan i kaa kpa ŋigon na. Litakpasakpeln li pu bi nan di Uwumbɔr Aakaal Aadakaa toŋ, aan li bi Josua u koo Bef Semes aatiŋ ponn ni na aakpaab ni na, beenin bi nima din wee ki ye seeraa.