1 Samuel 6:13 - Uwumbɔr aagbaŋ

¹³ Bef Semes yaab nan bi chee tijikaar kifataŋ ponn ni, le ki yaar lik ki kan Uwumbɔr Aakaal Aadakaa ngbaan. Baah nan kan u na, le ni mɔɔr bi naa ti sɔ.

1 Samuel 6:13 ပူးပေါင်းရင်းမြစ်များ

Josua 15:10

Nima chee le ki mann gonn Baala aatiŋ liwilir wɔb, ki fenn kpaa ŋigongon aatiŋ ki bi yin ki ke Edom na, le ki di dii buen Jearim, bee Kesalonn, Aajool aaŋangan wɔb, ki di sunn taab ki ti ker Bef Semes, le ki dii Timna aatiŋ ni.

1 Samuel 6:12

Inaa ngbaan nan siir le ki di toŋ Bef Semes ki kpaa tok ki, kaa par nsan ni nibaa chee. I nan cha le ki wooni. Filistia aabɔrb biŋmu ngbaan nan dii i ki ti saa Bef Semes aatiŋ mɔk.

1 Samuel 6:14

Le inaa ni tɔroku ngbaan di nan fuu bukpaab bubaa ni, bu nan ye uja u bi yin u ke Josua aan u koo Bef Semes ni na aakpaab la, le ki sil nima litakpasakpeln libaa chee. Le binib ngbaan chuu gaa nyan ŋikpan aatɔroku ngbaan ki kɔr inaa ngbaan toor kitork ki di see mmii ni tii Uwumbɔr.