1 Samuel 6:11 - Uwumbɔr aagbaŋ

¹¹ Bi nan di Uwumbɔr Aakaal Aadakaa ngbaan ni dakaa u kpa salmaa aawan ngbaan na ŋa tɔroku ngbaan ponn ni.

1 Samuel 6:11 ပူးပေါင်းရင်းမြစ်များ

2 Samuel 6:3

Bi nan ti yoor Dakaa ngbaan, Abinadab aadichal li bi ligongoln pu na ni la, le ki di u toŋ tɔroku pɔɔn pu. Abinadab aajapɔtiib, Usa ni Ahio le nan kii tɔroku ngbaan.

1 Bibɔrb Aabɔr 13:7

Bi nan ti yoor Uwumbɔr Aakaal Aadakaa ngbaan, Abinadab aadichal ni, le ki di u toŋ tɔroku pɔɔn pu. Usa ni Ahio le nan kii tɔroku ngbaan,

Ikaal 28:27

Uwumbɔr ga cha ŋichakpelar yur nimi, ke waah nan ŋa Ijipt yaab pu na. U ga cha niwon kpaln ibuun ŋmeen. Niwon ga kpaln ligbaln ŋmeen, ki saak, le nnyɔk aa bi ki ga tii nimi laafee.

1 Samuel 6:10

Bi nan ŋa baah mɔk bi ke bi ŋa pu na: bi nan chuu inaa ilee le ki di tɔroku ngbaan tul i pu, le ki di inaabi laŋ kinaabak ponn ni.

1 Samuel 6:12

Inaa ngbaan nan siir le ki di toŋ Bef Semes ki kpaa tok ki, kaa par nsan ni nibaa chee. I nan cha le ki wooni. Filistia aabɔrb biŋmu ngbaan nan dii i ki ti saa Bef Semes aatiŋ mɔk.

1 Samuel 6:4

Le binib ngbaan baa ke, “Ba aapiin aan ti ga di tun?” Le bi bui ke, “Salmaa ŋisayik aanaŋ ŋiŋmu, ni salmaa ŋichakpelar aanaŋ ŋiŋmu, ubaa mɔmɔk le si Filistia yaab aabɔr ubaa mɔmɔk aasisii. Tibɔbir baan ngbaan le u nan di tun tii ni mɔmɔk, ni bibɔrb biŋmu ngbaan mu pu.