1 Samuel 5:9 - Uwumbɔr aagbaŋ

⁹ Dakaa ngbaan aah fuu nima chee na, le Uwumbɔr ki daa nima yaab mu aatafal ki cha bipobil yuk. U nan cha iween i naahn ŋichakpelar na ki ku bi mu, mbim ni bininkpiib mɔmɔk.

1 Samuel 5:9 ပူးပေါင်းရင်းမြစ်များ

Ilahn 78:66

U nan jenn waadim giin inimɔɔn aalirm mu kaa kpa ndoon na ni.

Amos 5:19

Ni ga nan li naahn ke unii aah san uchinn chee ki ti tooh upeenaamuun nsan ni pu na la, ki li bi ke unii u kun ni linampal ki nan di uŋaal paan ligoln pu aan uwaa kpaan juu u pu na la.

Ikaal 2:15

Uwumbɔr le nan gann nyan bi, le ki bii bi mɔmɔk, ŋibin piitaa ni ŋiniin ngbaan ponn ni.

1 Samuel 12:15

Ni yaa kaa ŋun tii Uwumbɔr, kaa dii waakaal kan, u ga fenn lir nimi ni nimi aabɔr pu la.

1 Samuel 5:10

Le bi yoor Uwumbɔr Aakaal Aadakaa ngbaan buen Filistia yaab aatiŋ ki bi yin ki ke Ekronn na ponn ni; le nima aanib teen ke, “Bi joo ni Israel yaab Aawumbɔr Aadakaa do, ke bi nan ku ti mɔmɔk la.”

1 Samuel 5:11

Le bi ki gir yin Filistia aabɔrb biŋmu na ki nan bui bi ke, “Giin man Israel yaab Aakaal Aadakaa buen waabuul ni, aan u taa ku timi ni timi aadichal ni yaab.” Ijawaan nan bi kitiŋ ngbaan mɔmɔk ponn ni; ba pu? Uwumbɔr nan bi dar bitafal sakpen.

1 Samuel 5:6

Uwumbɔr nan daa Asdod yaab aatafal sakpen, le ni ŋa bi ijawaan. U nan cha iween i naahn ŋichakpelar ki ku bi na lir bi pu; le ŋisayik mu gbiin Asdod aatiŋ ni, ni ntim mu bi ki mann goln ki na.

1 Samuel 6:11

Bi nan di Uwumbɔr Aakaal Aadakaa ngbaan ni dakaa u kpa salmaa aawan ngbaan na ŋa tɔroku ngbaan ponn ni.

1 Samuel 7:13

Kina le Uwumbɔr nan nyaŋ Filistia yaab, le kaa ki cha bi koo ni Israel yaab aatiŋ ponn ni n‑yoonn mumɔk Samuel nan bi limɔfal ponn ni na.