1 Samuel 5:4 - Uwumbɔr aagbaŋ

⁴ Naah ki woln kichakpinaanyeek ni na, bi ki kan ke liwaal ngbaan ki lir dɔ Uwumbɔr Aakaal Aadakaa aanimbiin ni. N‑yoonn mumina ma liyil ni laaŋaal ilee mɔmɔk wii wii ki ti dɔ mbisamɔb chee; ni nan gur liwon baanja la.

1 Samuel 5:4 ပူးပေါင်းရင်းမြစ်များ

Aisaya 27:9

Israel yaab yaa nan baawaatakpal ke nfatan na, ki kuln nnyɔknii aabimbin ni liwaapii Asera aanaŋ kan, Uwumbɔr ga di baatunwanbir cha pinn bi.

Aisaya 40:20

Uja u kaa kpa salmaa bee tikunabr na ga di busub bu kaan dur na naan li, le ki ban ukpikpiir u nyi sakpen na, le u kpii u liwaal li ga ŋmaa sil, kaan lir na.

Jeremia 10:11

Tɔ, nimi le ga bui bi ke ŋiwaa le aa nan naan taab ni paacham; ŋi ga nan kuln. Ŋaan nan ki li bi dulnyaa wee ni nibaa chee.

Jeremia 10:14

Binib yaa kan kina kan, le bilan ŋmal, le bi kpaln bilatiirb; binib bi naani ŋiwaa na jin inimɔɔn a; ba pu? ŋi ye fam, le kaa kpa limɔfal.

Jeremia 10:15

Ŋaa kpa tinyoor le ki ŋeer ke bi lik seen ŋi. Uwumbɔr yaa nan dan ke u nan ji ŋi tibɔr kan, ŋi ga kuln.

Jeremia 50:2

“Bui ŋitimbol tibɔchann ngbaan. Moon ti. Tii limɔkl ki moon tibɔchann ngbaan. Taa di ti bɔr. Babiloŋ lir a. Kaawaal li bi yin li ke Maduk na wii yuk yuk a. Babiloŋ aawaa jin inimɔɔn a, kaawaa ŋi sukr ponn ni na wiil a.

Daniel 11:8

U ga yoor baawaa, ni salmaa, ni tikunabr aawan ni bi nan di tii baawaa ngbaan na mɔmɔk ki di gir buen Ijipt aatiŋ ni. Ŋibin siib ga jer ki li ye nsuudoon aabin la;

Maika 1:7

Kaawaa ŋi bi gee sakpen na ga wii yɔk yɔk, le baawaadir ni aapiidagoob aawangol wu mmii ni, le kaawaa mɔmɔk ga kpaln litapuln li bi fii cha li na. Samaria yaab nan ban nimina mɔmɔk ke bi pɔr la, le baadim ga yoor ŋi mɔmɔk buen nibaa wɔb ki ti li pa bipiidagoob biken.”

1 Samuel 6:5

Ni di salmaa naan ŋichakpelar ngbaan, ni ŋisayik ŋi bii nimi aatiŋ aajikaar na, ki di bunyuŋ tii Israel yaab Aawumbɔr. Nibaakan u ga di cha, kaan ki daa nimi, ni nimi aawaa aatafal, kaan ki bii nimi aatiŋ.