1 Samuel 4:18 - Uwumbɔr aagbaŋ

¹⁸ Uja ngbaan aah pur Uwumbɔr Aakaal Aadakaa aabɔr na, le Eli nyan lijal pu ki lir upuwɔb, mbisamɔb chee. U nan por pam, ki filk mu, le waah lir kina na usil koo, le u kpo. U nan ye Israel aayidaan ki ti saa ŋibin imonko ilee la.

1 Samuel 4:18 ပူးပေါင်းရင်းမြစ်များ

Ilahn 26:8

Uwumbɔr, m gee saah koo lidichal li ponn ni na, nin chee saapak bi na,

Ilahn 42:10

Baasiibil le doo mi. Bi baa mi n‑yoonn mɔmɔk ke, “Saawumbɔr ngbaan bi la?”

Ilahn 42:3

M wii nwiin pu ni kinyeek la, le maanyunyunn ye maajikaar; n‑yoonn mɔmɔk kan, maadim baa mi le ke, “Saawumbɔr ngbaan bi la?”

Ilahn 69:9

Maah neen saadichal pu na bi ke mmii le aah wu mponn ni na; ŋisiibil ŋi ye sin yee na choo min chee la.

Liifai Yaab 10:3

Moses nan bui Aaronn ke, “Kina pu le Uwumbɔr len ki bui ke, ‘Binib bimɔk tun maatuln na, ni ŋan ke bi li pak maah bi chain pu na; le m ga kpiir mɔk maanib maah nyuun sakpen pu na.’” Le ni gar Aaronn; waa ki ŋmaa len tibɔr tibaa.

Bibɔjirb 15:20

Samsonn le nan ye Israel yaab aasaloln ki ti saa ŋibin moninko, buyoonn Filistia yaab joo Israel aatiŋ na.

1 Samuel 4:13

Eli, u nan ka lijal pu nsan chee, aan Uwumbɔr Aakaal Aadakaa aabɔr muk u sakpen na, nan ka lik nsan pu. Uja ngbaan nan di tibɔr ngbaan moon kitiŋ ponn ni, le ijawaan chuu binib mɔmɔk, le bi wii.

1 Samuel 4:17

Le u ki bui u ke, “Israel yaab san Filistia yaab chee; bi nyaŋ Israel yaab kookoo a. Ki ki kpee na, aajapɔtiib Hofni ni Fineas bee butɔb ni; le bi gaa ti chee Uwumbɔr Aakaal Aadakaa mu a.”

1 Samuel 4:19

Eli aabipuu, Fineas aapuu, nan dek, ki nan yak timar. Waah ŋun ke bi gaa Uwumbɔr Aakaal Aadakaa, ni uchooja ni uchal aakun aabɔr na, le imalween kpaan chuu u, le u ma.