1 Samuel 4:17 - Uwumbɔr aagbaŋ

¹⁷ Le u ki bui u ke, “Israel yaab san Filistia yaab chee; bi nyaŋ Israel yaab kookoo a. Ki ki kpee na, aajapɔtiib Hofni ni Fineas bee butɔb ni; le bi gaa ti chee Uwumbɔr Aakaal Aadakaa mu a.”

1 Samuel 4:17 ပူးပေါင်းရင်းမြစ်များ

Ilahn 78:61

U nan cha timi aadim nyaŋ timi ki gaa Nkaal Aadakaa u ye waapɔɔn ni kipak aamɔkl na.

Ilahn 78:64

Bitotoorb nan kpoi mpɔɔkun la, le baakpopiib aa nan kpa nsan ke bi wii baakpuu.

1 Samuel 2:34

Tiwan ni ga mɔk si ke maah len pu na ga gbiin na le ye ke aajapɔtiib bilee na, Hofni ni Fineas, ga kpaan kpo liwinbaal la.

1 Samuel 3:11

Le Uwumbɔr bui u ke, “Nwiin mubaa daal m ga ŋa Israel aanib tiwan nibaa, ni ga li kpa ijawaan, le unii umɔk ŋun ni pu na ga bir, kaan ŋmaa len tibaa.

1 Samuel 3:12

Nwiin ngbaan daal le m ga ŋa Eli aadichal tiwan nimɔk m bui ke m ga ŋa li na.

1 Samuel 4:16

Uja ngbaan nan bui u ke, “M san ŋmar butɔb ni la, le ki san nyan ni nima, ki nan fuu ni do din.” Le Eli baa u ke, “Maabo, ba ŋa?”

1 Samuel 4:18

Uja ngbaan aah pur Uwumbɔr Aakaal Aadakaa aabɔr na, le Eli nyan lijal pu ki lir upuwɔb, mbisamɔb chee. U nan por pam, ki filk mu, le waah lir kina na usil koo, le u kpo. U nan ye Israel aayidaan ki ti saa ŋibin imonko ilee la.