1 Samuel 4:10 - Uwumbɔr aagbaŋ

¹⁰ Filistia yaab nan nyal baan le ki nyaŋ Israel yaab, le bi san kun. Bi nan ku bi pam, bi nan ku Israel aajab ŋichur piitaa la,

1 Samuel 4:10 ပူးပေါင်းရင်းမြစ်များ

2 Samuel 18:17

Bi nan chuu nyan Absalom aawon busub pu, ki di mee lii libuul li nyoo na ponn ni, kichook ngbaan ni, le ki peei ŋitakpal ti gbiin li ni. Le Israel yaab mɔmɔk nan san, bimɔk san cha bido bido.

2 Samuel 18:7

David aajab nan nyaŋ Israel yaab; linyaŋ ngbaan nan kpa ijawaan. Nwiin ngbaan daal, bi nan ku Israel aajab ŋichur moninko la.

2 Samuel 19:8

Le ubɔr fii, ki ti kal kitiŋ ngbaan aabisamɔb chee. Waajab nan ŋun ke u bi nima, le bi mɔmɔk kuun ti goln u. N‑yoonn mue na, Israel yaab mɔmɔk nan san, uja mɔk san cha udo.

2 Samuel 20:1

Kinifaŋ kibaa nan nyan ni Benjaminn aanibol ni, ki ye Bikri aajapɔɔn, le ki bi Gilgal ni, le bi yin u ke Seba. U nan pii kakaan ki bui ke, “Taa ban David. Taan dii u. Israel aajab, cha ti kun man.”

1 Bibɔrb 12:16

Binib ngbaan aah ti bee ke ubɔr aan ŋun tii bi na, le bi teen mpɔɔn pu ke, “David mu ni waadichal. Bi kee ŋa ba tii timi? Israel yaab, cha ti kun man. Cha Rehoboam joo ubaa aadichal man.” Kina le Israel aanib nan yakr

1 Bibɔrb 22:36

Nwiin aah ban mu lir na, le bi ŋun Israel aajab ponn ni ke: “Uja mɔk gir kun udo aatiŋ pu, ni waatiŋ ni.”

2 Bibɔrb 14:12

Bi nan nyaŋ Amasia aajab, le waajab mɔmɔk san kun bido bido.

2 Bibɔrb Aabɔr 13:17

Abija ni waajab nan doo Israel yaab. Israel aajab bi nan nyi butɔb aabɔr mbamɔm na ŋichur ikui iŋmu le nan bee butɔb ni.

2 Bibɔrb Aabɔr 25:22

Bi nan nyaŋ Juda aajab, le bi san kun bido, bido.

Ilahn 78:9

Efraim yaab nan joo itɔi ni ipiin, le ki nan tee san butɔb daal.

Jeremia 7:12

Li cha man Silo aatiŋ ni, libuul li ni m nan puen lee ke ni li dooni mi nima na, ki ti lik maah ŋa nima chee, maanib Israel yaab aatunwanbir pu na.

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Ikaal 28:15

“Tɔ, ni yaa yii Nidindaan Uwumbɔr aamɔb, kaa joo waakaal, ni waah bui nimi din wee pu na kan, tibɔbir timina mɔmɔk ga dan ni pu:

Ikaal 28:25

“Uwumbɔr ga cha nimi aadim nyaŋ nimi. Ni ga nya ni lipepel libaa wɔb le ki nan tak bi, le bi nyaŋ nimi ki cha ni san yaa tɔb chee ki buen ŋipepel mɔmɔk. Le dulnyaa ni aanib mɔmɔk yaa kan tiwan ni ŋa nimi na kan, ijawaan ga chuu bi.

1 Samuel 3:11

Le Uwumbɔr bui u ke, “Nwiin mubaa daal m ga ŋa Israel aanib tiwan nibaa, ni ga li kpa ijawaan, le unii umɔk ŋun ni pu na ga bir, kaan ŋmaa len tibaa.

1 Samuel 4:2

Filistia yaab le nan puen buen ti tak Israel yaab, le bi too butɔb sakpem nima, le bi nyaŋ Israel yaab ki ku binib ŋichur ŋinaa butɔb ngbaan ponn ni.