1 Samuel 31:7 - Uwumbɔr aagbaŋ

⁷ Israel yaab bi bi Jesreel Aafataŋ ni, ni bi bi Jɔɔdann Aamɔɔl aawipuul wɔb na ŋun ke Israel aajab san, aan bi ku Sɔɔl ni ujapɔtiib, le bi san cha baatim. Le Filistia yaab dan nan koo mu ni.

1 Samuel 31:7 ပူးပေါင်းရင်းမြစ်များ

Liifai Yaab 26:32

M ga bii nimi aatim, kina pu na, nimi aadim bi ga gaa mu na aasui ga gar maah ga ŋa mu pu na.

Liifai Yaab 26:36

“Nimi bi ga li bi tinaagbiir ni, ntiyayam ni na, m ga cha ijawaan chuu nimi sakpen, hali libuln yaa daa kifark aan ki dam kan, ni ga san. Ni ga san ke baah san dii nimi butɔb ponn ni le na. Nimi aadim aan li bi ni chee, le ni lir kitiŋ.

Ikaal 28:33

Linibol yayan ga dan nan yoor nimi aajikaar mɔmɔk ti ni jin falaa ki kon na buen, le ni ga kan falaa ni ntafadaan mu pɔɔ na n‑yoonn mɔmɔk.

Bibɔjirb 6:2

Midiann aanib nan pɔɔ jer Israel aanib, le Israel yaab ngbaan nan bɔr titakpalunn ponn ni, ni ŋigongon ni, nin chee bi ga ŋmaa kan lifuur na.

1 Samuel 13:6

le ki fii mpɔɔn ŋmeen ti tak Israel yaab, le Israel yaab aa nan ki nyi baah ga ŋa pu na. Bibaa nan bɔr titakpalunn ponn ni, ni ibuu ponn ni, ni ŋitakpal taab, ni ŋibugen, ni inyunbun ponn ni.

1 Samuel 13:7

Bibaa mu nan san puur Jɔɔdann Aamɔɔl, ki koo Gad ni Gilead aapepel ponn ni. Sɔɔl nan beenin bi Gilgal ni, le binib bi nan bi u chee na aawon gbaa ijawaan pu.

1 Samuel 31:6

Kina le Sɔɔl, ni ujapɔtiib bitaa, ni unachipɔɔn ngbaan nan kpo; Sɔɔl aajab mɔmɔk nan kpo liyaadaal ngbaan.

1 Samuel 31:8

Butɔb ngbaan aataak aah jer aan Filistia yaab buen bi ti yoor ŋinikpol ngbaan aawan na, le bi kan Sɔɔl ni ujapɔtiib bitaa na aanikpol dɔ Gilboa Aajool paab.