1 Samuel 31:6 - Uwumbɔr aagbaŋ

⁶ Kina le Sɔɔl, ni ujapɔtiib bitaa, ni unachipɔɔn ngbaan nan kpo; Sɔɔl aajab mɔmɔk nan kpo liyaadaal ngbaan.

1 Samuel 31:6 ပူးပေါင်းရင်းမြစ်များ

2 Samuel 1:1

Sɔɔl aakun aapuwɔb, le David nyan ni waah nan nyaŋ Amalek yaab butɔb bu ponn ni na, ki gir ni, ki nan bi Siklag aatiŋ ni iwiin ilee.

2 Samuel 1:12

Bi nan wii ikpowiil ki lul bumɔb ki ti saa kijook, Sɔɔl, ni Jonatann, ni Uwumbɔr aanib Israel yaab pu; ba pu? bi ponn ni pam le nan bee butɔb ni.

1 Bibɔrb Aabɔr 10:6

Kina le Sɔɔl ni ujapɔtiib bitaa mɔmɔk nan kpoi le waanaan kuln.

Bibɔjirb 9:54

Le u ŋa mala ki yin unachipɔɔn u joo waajawan na ki nan bui u ke, “Fuur saajaak aajuk ki di ku mi. Maa ban ke bi nan len ke upii le ku mi.” Kina pu le unachipɔɔn ngbaan nan saa chaar u, le u kpo.

1 Samuel 11:15

Kina pu le bi mɔmɔk buen Gilgal. Nima chee, Uwumbɔr aanimbiin ni, le bi ti ki kaan Sɔɔl nnaan. Bi nan toor kimɔbaan aatork tii Uwumbɔr, le Sɔɔl ni Israel aanib mɔmɔk kpaan jin kitork ngbaan nima chee.

1 Samuel 12:17

Ni ye lipeel la, naa ye ee? Tɔ, m ga mee Uwumbɔr, le u ga cha utaal nu ki li tar. Nimina yaa ŋa kan, ni ga bee ke ni tun Uwumbɔr titunwanbir ti bir na, ke u tii nimi ubɔr.”

1 Samuel 12:25

Ni mu yaa tee yii ki beenin tun titunwanbir kan, nimi, ni nimi aabɔr mɔmɔk ga kuln.”

1 Samuel 26:10

David nan ki len ke, “Uwumbɔr u bi n‑yoonn mu kaa kpa ndoon na pu, m nyi ke Uwumbɔr ubaa le ga ku Sɔɔl. Nibaakan ni ga nan li ye waakun la, bee u ga nan kpo butɔb ponn ni la.

1 Samuel 28:19

U ga di sin ni Israel yaab mɔmɔk tii Filistia yaab. Fen kan, sin ni aajapɔtiib ga fe kpee ni m pu do, le Uwumbɔr mu ga di Israel aajab tii Filistia yaab.”

1 Samuel 31:5

Unachipɔɔn ngbaan nan kan ke Sɔɔl kpo a, le u mu lir waajuk pu, ki kpo dii Sɔɔl.

1 Samuel 31:7

Israel yaab bi bi Jesreel Aafataŋ ni, ni bi bi Jɔɔdann Aamɔɔl aawipuul wɔb na ŋun ke Israel aajab san, aan bi ku Sɔɔl ni ujapɔtiib, le bi san cha baatim. Le Filistia yaab dan nan koo mu ni.