1 Samuel 31:4 - Uwumbɔr aagbaŋ

⁴ Le u bui unachipɔɔn u joo waajawan na ke, “Nyan saajaak aajuk ki ku mi, aan Filistia yaab bi kaa san Uwumbɔr na taa nan di kinanaŋ ku mi.” Le ijawaan nan chuu unachipɔɔn ngbaan sakpen, le waa kaa u ŋa kina. Kina pu le Sɔɔl nyan ubaa aajaak aajuk ki lir ki pu ki ku ubaa.

1 Samuel 31:4 ပူးပေါင်းရင်းမြစ်များ

2 Samuel 1:1

Sɔɔl aakun aapuwɔb, le David nyan ni waah nan nyaŋ Amalek yaab butɔb bu ponn ni na, ki gir ni, ki nan bi Siklag aatiŋ ni iwiin ilee.

2 Samuel 1:14

Le David baa u ke, “Aa kaar kinye ki ti ku ubɔr u Uwumbɔr lee u na?”

2 Samuel 1:20

Taa mooni ti Gaf aatiŋ ni. Taa tuk Askelonn aatiŋ aanib. Taa cha Filistia aapiib aasui piir; taa cha binib bi kaa dii Uwumbɔr na aabisatiib kan mpopiin.

2 Samuel 1:6

Le u gar u ke, “M mu nan bi Gilboa Aajool pu, le ki kan Sɔɔl si nyii waakpaatuŋ pu, le bidim aataan aatɔroku mam, ni bitandam bi ŋɔkni u pu.

2 Samuel 17:23

Ahitofel aah kan ke bi yii waasurm na, le u diŋ waabon pu ki gir kun udo aatiŋ ni. Waah ti gor waatuln doo na, le u leen ubaa ŋŋmin ki ku ubaa. Bi nan sub u baadichal aacheek ni la.

2 Samuel 21:12

le u buen ti gaa Sɔɔl ni ujapɔɔn Jonatann aakpab Jabes yaab chee, Gilead aatiŋ ni. Jabes yaab nan loon ti yoor ikpab ngbaan, Bef Sann aatiŋ ni, nin chee Filistia yaab nan ti di Sɔɔl ni ujapɔɔn Jonatann aawon leen iŋmin pu, bundaal bi nan ku bi Gilboa Aajool pu na la.

1 Bibɔrb 16:18

Simri aah kan ke bi nyaŋ kitiŋ ngbaan na, le u koo libɔrdichal aadifɔfɔk ki bi ponn ni na ni, le ki see libɔrdichal lii, le ki kpo mmii ngbaan ni.

1 Bibɔrb 16:27

Omri aah nan ki tun ŋitun ŋi na mɔmɔk, ni waah nan nyaŋ pu mɔmɔk na bi Israel Aabɔrb Aatun Aagbaŋ ni la.

1 Bibɔrb Aabɔr 10:4

Le u bui unachipɔɔn u joo waajawan na ke, “Nyan saajaak aajuk ki ku mi, aan Filistia yaab bi kaa san Uwumbɔr na taa nan di kinanaŋ ku mi.” Le ijawaan nan chuu unachipɔɔn ngbaan sakpen, le waa kaa u ŋa kina. Kina pu le Sɔɔl nyan ubaa aajaak aajuk ki lir ki pu ki ku ubaa.

Bibɔjirb 14:3

Ute ni una nan baa u ke, “Ba ŋa aa ban aa ti ban upii, nifam bimina ni? Saan ŋmaa kan usapɔɔn timi aataŋaal ponn ni, timi aanib mɔmɔk ni ii?” Le Samsonn nan bui ute ke, “Uma ngbaan le m ban ke aa chɔi tii mi. M gee uma la.”

Bibɔjirb 9:54

Le u ŋa mala ki yin unachipɔɔn u joo waajawan na ki nan bui u ke, “Fuur saajaak aajuk ki di ku mi. Maa ban ke bi nan len ke upii le ku mi.” Kina pu le unachipɔɔn ngbaan nan saa chaar u, le u kpo.

1 Samuel 14:6

Le Jonatann bui unachipɔɔn ngbaan ke, “Cha ti puur buen Filistia aanifam ngbaan chee. Nibaakan Uwumbɔr ga ter timi. U yaa ga ter timi kan, nibaa aan ŋmaa kiir u, u taa di linyaŋ ngbaan tii timi ki bui ke taa wiir.”

1 Samuel 17:26

David nan baa bijab bi si duun u na ke, “Uja u ku Filistia aanii wee ki nyan Israel yaab inimɔɔn yee ni na ga kan ba? Filistia aawanfam nee ye ŋma aan ki bi jinni Uwumbɔr u bi n‑yoonn mɔmɔk na aajab inimɔɔn?”

1 Samuel 17:36

M ku ichinn ni takɔ mam, ki ga ŋmaa ŋa Filistia aawanfam ni seei Uwumbɔr u bi n‑yoonn mɔmɔk aajab na mu kina.

1 Samuel 26:10

David nan ki len ke, “Uwumbɔr u bi n‑yoonn mu kaa kpa ndoon na pu, m nyi ke Uwumbɔr ubaa le ga ku Sɔɔl. Nibaakan ni ga nan li ye waakun la, bee u ga nan kpo butɔb ponn ni la.

1 Samuel 31:5

Unachipɔɔn ngbaan nan kan ke Sɔɔl kpo a, le u mu lir waajuk pu, ki kpo dii Sɔɔl.