1 Samuel 31:3 - Uwumbɔr aagbaŋ

³ Butɔb ngbaan nan ti pɔɔ Sɔɔl aah bi nin chee na le pam, le bidim bibaa aapiin yun Sɔɔl ki tii u titotonn pam.

1 Samuel 31:3 ပူးပေါင်းရင်းမြစ်များ

Mpiin 49:23

Saadim aah nan si pu na, bi ŋa si falaa sakpen, le ki joo baatɔi ni ipiin ki san dii si.

2 Samuel 1:4

Le David bui u ke, “Bui mi tiwan ni ŋa na.” Le u bui u ke, “Timi aajab san butɔb ngbaan ni, le bi ku timi aajab pam. Bi ku Sɔɔl ni ujapɔɔn Jonatann mu.”

2 Samuel 1:6

Le u gar u ke, “M mu nan bi Gilboa Aajool pu, le ki kan Sɔɔl si nyii waakpaatuŋ pu, le bidim aataan aatɔroku mam, ni bitandam bi ŋɔkni u pu.

2 Samuel 21:12

le u buen ti gaa Sɔɔl ni ujapɔɔn Jonatann aakpab Jabes yaab chee, Gilead aatiŋ ni. Jabes yaab nan loon ti yoor ikpab ngbaan, Bef Sann aatiŋ ni, nin chee Filistia yaab nan ti di Sɔɔl ni ujapɔɔn Jonatann aawon leen iŋmin pu, bundaal bi nan ku bi Gilboa Aajool pu na la.

1 Bibɔrb 22:34

Tɔ, Siria aaja ubaa aa nan nyi, le ki too waapiin le mu ti yun Ubɔr Ahab aajaak aabɔkul aah nab tɔb pu nin chee na. Le u teen tuk uja u ŋaal waataan aatɔroku na ke, “M kan titotonn a. Fenn aapuwɔb ki nya butɔb ni.”

Amos 2:14

Hali, binib bi ŋmaa san sakpen na aan ŋmar; bipɔɔndam aapɔɔn ga doo, le butɔb aajab aan ki ŋmaa gaa bibaa lii.