1 Samuel 31:12 - Uwumbɔr aagbaŋ

¹² le baapobidam fii kinyeek ki buen Bef Sann ni. Bi nan chuu kpaar Sɔɔl ni ujapɔtiib aawon ligoln ngbaan pu, ki di gir buen Jabes aatiŋ ni, ki ti see ti mmii nima,

1 Samuel 31:12 ပူးပေါင်းရင်းမြစ်များ

1 Bibɔrb Aabɔr 10:12

le baapobidam fii ti yoor Sɔɔl ni ujapɔtiib aawon ki di gir buen Jabes aatiŋ ni. Bi nan ti sub bi likpaln aasub bubaa taab la, le ki lul bumɔb ti saa iwiin ilole.

2 Bibɔrb Aabɔr 16:14

le bi di u sub waah nan lukr kitakpaluŋ ki kiir ubaa, David Aatiŋ ponn ni na ni. Bi nan di nnyɔknii ni nkpan mu nun mɔ na le toor uwon ki nin sub u. Bi nan see mmii sakpiin le ki di wii waakpuul.

Jeremia 34:5

Aa ga kpo nsuudoon ni la, le binib aah nan seer tulalee aayon pu aan bi sub aayaajatiib bi nan puen ye bibɔrb na, kina le bi ga see tulalee aayon mmii ni tii aa mu. Bi ga wii saakpuul le ki bui ke, ‘Timi aabɔr kpo a.’ Min Uwumbɔr le len kina.”

Amos 6:10

Utekpel aado yoo, u yeh waakpuul na, le ga yoor linikpol ngbaan nyan lidichal ngbaan ni. Udo yoo ngbaan ga yin unii umɔk gur lidichal ngbaan ni na ki baa ke, “Unii ubaa ki gur ki bi aa chee ee?” Le nneel ga kii ke, “Aayii.” Le udo yoo ngbaan ga bui ke, “Li ŋmin suuna. Ti ga chuu tibaa le ki taa ki yin Uwumbɔr aayimbil.”

1 Samuel 31:10

Bi nan di waajawan bil baawaapii Astaate aawaadiik ni, le ki di uwon kpaa tam Bef Sann aatiŋ aagoln pu.