1 Samuel 31:1 - Uwumbɔr aagbaŋ

¹ Filistia yaab nan ti faa Israel yaab butɔb, Gilboa Aajool paab la. Bi nan ku Israel yaab pam nima, le bijab bi gur na, ni Ubɔr Sɔɔl, ni ujapɔtiib san.

1 Samuel 31:1 ပူးပေါင်းရင်းမြစ်များ

2 Samuel 1:21

Taa cha utaal, bee limaln lir Gilboa aagongon paab, cha ŋaakpaakon kpaln nteer n‑yoonn mɔmɔk; ba pu? nima chee le bipobidam aajaak aapen dɔ inimɔɔn ni; baa ki joo nkpan ŋmir Sɔɔl aajaak aapeln.

2 Samuel 1:6

Le u gar u ke, “M mu nan bi Gilboa Aajool pu, le ki kan Sɔɔl si nyii waakpaatuŋ pu, le bidim aataan aatɔroku mam, ni bitandam bi ŋɔkni u pu.

2 Samuel 4:4

Sɔɔl aayaabil ubaa le nan ye Jonatann aajapɔɔn Mefibosef. U nan laa ye ŋibin ŋiŋmu le bi ku Sɔɔl ni Jonatann. Baakun aabɔr aah nan nyan Jesreel aatiŋ ni ki fuu ni na, le waabiyoor bɔ yoor u ki di san; waah nan gee mala mala sakpen pu na, le ubo ngbaan nan ŋmar lir kitiŋ, le ki kpaln uwɔb.

1 Samuel 12:25

Ni mu yaa tee yii ki beenin tun titunwanbir kan, nimi, ni nimi aabɔr mɔmɔk ga kuln.”

1 Samuel 28:1

Nee aapuwɔb, le Filistia yaab kuun baajab bi ti tak Israel yaab, le Akis bui David ke, “Aa bee ke aa ni saajab ga kpee m pu la.”

1 Samuel 28:15

Le Samuel baa Sɔɔl ke, “Ba ŋa aa muk mi kina? Ba ŋa aa cha m gir ni?” Le Sɔɔl kii u ke, “M bi limukl sakpeln ni la. Filistia yaab bi to mi butɔb la, le Uwumbɔr siir cha mi. Waa ki gar mi tidaŋ ponn ni, bee waabɔnabtiib chee. Kina pu le m yin si ke aa nan bui mi maah ga ŋa pu na.”

1 Samuel 28:19

U ga di sin ni Israel yaab mɔmɔk tii Filistia yaab. Fen kan, sin ni aajapɔtiib ga fe kpee ni m pu do, le Uwumbɔr mu ga di Israel aajab tii Filistia yaab.”

1 Samuel 28:4

Filistia aajab nan ti kuun kal Sunem aatiŋ chee; le Sɔɔl ni Israel aajab mu kuun Gilboa Aajool pu.

1 Samuel 29:1

Filistia aajab mɔmɔk nan kuun ki kpaan Afek ni la, le Israel yaab mu kuun uyayak aanyunbun mu bi Jesreel Aafataŋ ni na chee.