1 Samuel 30:8 - Uwumbɔr aagbaŋ

⁸ David nan baa Uwumbɔr ke, “M paan binib bi nan binn kitiŋ kee na pu uu? M ga chuu bi ii?” Uwumbɔr nan kii u ke, “Paan bi pu; aa ga chuu bi ki gaa baah chur bi na.”

1 Samuel 30:8 ပူးပေါင်းရင်းမြစ်များ

Mpiin 14:16

le ki gaa baah nan yoor tiwan nimɔk na. U nan gaa ni unaal aajapɔɔn Lot, ni waawan mɔmɔk, ki kpee bipiib, ni binib bi bibɔrb ngbaan nan chuu bi na mɔmɔk.

2 Samuel 5:19

Le David baa Uwumbɔr ke, “M buen ti tak Filistia yaab aa? Aa ga cha m nyaŋ bi ii?” Le Uwumbɔr kii u ke, “Een, buen ti tak bi. M ga cha aa nyaŋ bi.”

2 Samuel 5:23

David nan ki gir baa Uwumbɔr, le u kii u ke, “Taa dii do ki ti tak bi, buen bipuwɔb ki ti gor ke aa tak bi lipepel ngbaan wɔb, tichacheer aasui na chee.

Ilahn 50:15

Tibɔr yaa dan kan, ni yin mi le m ga gaa nimi lii aan ni ga pak mi.”

Ilahn 91:15

Bi yaa yin mi kan, m ga kii baayim; bi yaa bi tibɔr ni kan, m ga li bi bi chee. M ga nyan bi tibɔr ni, ki nyuŋ bi.

Nnyam 15:9

Timi aadin bui ke, ‘M ga paan bi pu aan ki chuu bi. M ga yakr baawangol le ki nyan maah gee ni na. M ga di maajaak aajuk le ki jenn bi ki gaa baah kpa tiwan ni na mɔmɔk.’

Nkahm 27:21

U ga li lik Eleasar u ye utotoor na le pu, uma Eleasar le ga di tiwan ni bi yin ni ke Urim ni Tumim na bee maah ban pu na, le ki mɔk Josua, ni Israel yaab mɔmɔk, baah ga li dii mi pu na.”

Bibɔjirb 20:18

Israel yaab nan buen baah dooni Uwumbɔr nin chee na Betel aatiŋ ni. Nima chee le bi ti baa Uwumbɔr ke, “Lilanibol ga puen tak Benjaminn aanibol?” Uwumbɔr nan gar bi ke, “Juda aanibol le ga puen tak.”

Bibɔjirb 8:4

N‑yoonn mue na, Gideonn ni waajab ikui itaa na nan fuu ni Jɔɔdann Aamɔɔl chee, ki puur li. Bi nan bak sakpen, ki mu beenin paa baadim pu.

1 Samuel 10:22

le bi baa Uwumbɔr ke, “Waa kee fuu ni ii?” Le Uwumbɔr bui bi ke, “Sɔɔl le ti bi do wɔb na; u bɔr ŋitun aapuwɔb.”

1 Samuel 14:37

Le Sɔɔl baa Uwumbɔr ke, “M ti tak Filistia yaab aa? Aa ga di linyaŋ ngbaan tii timi ii?” Tɔ, Uwumbɔr aa nan kii u liyaadaal ngbaan.

1 Samuel 23:2

Kina pu le u baa Uwumbɔr ke, “M buen ti tak Filistia yaab aa?” Le Uwumbɔr bui u ke, “Een, ti tak bi, ki gaa Keila aatiŋ aanib lii.”

1 Samuel 23:4

Kina pu le David nan ki gir baa Uwumbɔr lelee, le Uwumbɔr bui u ke, “Buen ti tak Filistia aajab bi bi Keila ni na. M ga cha aa nyaŋ bi.”

1 Samuel 28:6

Kina pu le u nan baa Uwumbɔr waah ga ŋa pu na. Le Uwumbɔr aa gar u kpala. Waa gar u tidaŋ ni, bee baah joo tiwan ni beer waageehn na mu ni, bee bibɔnabr chee.

1 Samuel 30:18

David nan ki gaa binib mɔmɔk, ni tiwan nimɔk Amalek yaab ngbaan nan yoor na. U nan gaa upuutiib bilee na mu;

1 Samuel 30:19

nibaa aa nan wɔŋ. David nan gaa waajab aajapɔtiib, ni bibisatiib, ni tiwan nimɔk Amalek yaab ngbaan nan yoor na.