1 Samuel 30:15 - Uwumbɔr aagbaŋ

¹⁵ David nan ki baa u ke, “Aa ga mɔk mi baah bi nin chee na aa?” Le u kii ke, “Aa yaa puu Uwumbɔr aayimbil pu ke saan ku mi, kaan di mi tii maaninkpel kan, m ga mɔk si bi chee,”

1 Samuel 30:15 ပူးပေါင်းရင်းမြစ်များ

Mpiin 24:3

“M ban ke aa puu Uwumbɔr u ye paacham ni taab aadindaan na aayimbil pu, ke saan ban Kanaann aatiŋ kee pu aapiibo tii njapɔɔn.

Esekiel 17:13

U nan yoor ubɔr aadichal ni aanii ubaa, le ki cha bi ŋa kimɔbaan, ki cha u puu ke u ga li dii u mbamɔm. U nan chur kaanikpaam buen,

Esekiel 17:16

Tidindaan Uwumbɔr nan ki bui ke, “Maah ye Uwumbɔr u bi n‑yoonn mɔmɔk na pu, ubɔr ngbaan aah bii waah puu tipuur ti na, ni kimɔbaan ki u ni Babiloŋ aabɔr u di u kaan nnaan na nan ŋa na, u ga kpo Babiloŋ aatiŋ ni.

Esekiel 17:19

Tidindaan Uwumbɔr ki len ke, “Maah ye Uwumbɔr u bi n‑yoonn mɔmɔk na pu, m ga daa utafal waah di maayimbil puu tipuur ke u ga joo kimɔbaan ki, ki ki bii ki na pu.

Josua 2:12

Nima pu na, puu man Waayimbil pu ke ni ga ŋa maamaal tiŋann ke maah ŋa nimi pu na. Tii mi limɔkl man, ke ni ga sil ŋa kina.

Josua 9:15

Josua nan cha u ni binib ngbaan kpaan ŋa kimɔbaan, le u ni Gibeonn yaab ngbaan ŋa kijɔtiik, le u cha bi bi, waa ŋa bi nibaa. Israel yaab aaninkpiib nan puu tipuur, ki kii ke bi ga li joo kimɔbaan ngbaan.

Bibɔjirb 1:24

le bi ti kan uja ubaa nyan ki cha, le bi bui u ke, “Mɔk timi taah ga ŋa pu ki koo kitiŋ ngbaan ni na, aan ti taa ŋa si nibaa.”

1 Samuel 29:6

Nima pu na, Akis nan yin David le ki bui u ke, “M puu Israel yaab Aawumbɔr u bi n‑yoonn mɔmɔk na ke aa kii tii mi mbamɔm, le ni ba ga li mɔ mi ke ni dii mi buen ki ti jan butɔb bue ni. Saah fuu ni do bundaln ki nan saa din wee na, maa kan saataani ubaa m ga ŋmaa di galn si. Tɔ, bibɔrb biken na aa kii tii si.

1 Samuel 30:14

Ti nan binn Keref yaab aapepel li bi Juda yaab aapepel aaŋangii wɔb na, ni Kaleb aamaal aapepel, le ki see Siklag aatiŋ.”

1 Samuel 30:16

le ki di David buen bi chee. Binib bi nan binn Siklag na nan yaa ki ka ka ni kookoo, ki ji, ki nyu ndaan, baah nan yoor liwangol sakpeln li Filistia ni Juda aatim ni na pu.