1 Samuel 30:14 - Uwumbɔr aagbaŋ

¹⁴ Ti nan binn Keref yaab aapepel li bi Juda yaab aapepel aaŋangii wɔb na, ni Kaleb aamaal aapepel, le ki see Siklag aatiŋ.”

1 Samuel 30:14 ပူးပေါင်းရင်းမြစ်များ

2 Samuel 8:18

le Jehoyada aajapɔɔn Benaya nan ye bijab bi kii David na aaninkpel, le David aajapɔtiib mu nan ye bisusurb.

1 Bibɔrb 1:38

Kina pu na, Sadok, ni Natann, ni Benaya, ni ubɔr aakikiib nan di Solomonn diŋ Ubɔr David aataan pu, le ki cheen u buen Gihonn aayayak aanyunbun chee.

1 Bibɔrb 1:44

U cha Sadok, ni Natann, ni Benaya, ni ubɔr aakikiib le dii u. Bi cha u diŋ ubɔr aataan pu,

1 Bibɔrb Aabɔr 18:17

le Jehoyada aajapɔɔn Benaya nan ye bijab bi kii David na aaninkpel, le Ubɔr David aajapɔtiib nan ye bininkpiib, waatuln ni.

Esekiel 25:16

Kina pu na, m bi len ke m ga tak Filistia yaab ki ŋar bi ŋŋaan. M ga kuln unii umɔk gur ki bi Filistia aatiŋ ki kaa kpa ŋigongon na pu.

Sefania 2:5

Nimi Filistia yaab bi bi nnyusakpem aagbaan na, ni kuln a. Uwumbɔr jin nimi tibɔr ki siin waah ga ŋa nimi pu na a. U ga kuln nimi, le ni ponn ni ubaa aan ŋmar.

Josua 14:13

Josua nan mee Uwumbɔr aanyoor ŋa Jefune aajapɔɔn Kaleb pu, le ki di Hebronn aatiŋ tii u, ke ki li ye waatiŋ.

Josua 15:13

Uwumbɔr aah nan bui Josua ke u ŋa pu na, u nan di Juda aatiŋ aapepel nibaa chee tii Jefune aajapɔɔn Kaleb, u nan ye Juda aanibol aanii ubaa na. Bi nan di Hebronn aatiŋ, ki nan ye Aba u nan ye ŋiwɔk Anak yaab aate na aatiŋ le tii u.

Josua 21:12

Mbamɔn, bi nan pue di kitiŋ ngbaan aakpaasar, ni itingbaan tii Jefune aajapɔɔn, u bi nan yin u ke Kaleb na, ke ki li ye waatiŋ.

1 Samuel 30:1

Iwiin ilee aah jer na, le David ni waajab fuu Siklag ni. Amalek yaab nan dan nan binn Juda aawipuul aaŋangii wɔb ki ti tak Siklag. Bi nan see kitiŋ ngbaan mmii,

1 Samuel 30:13

David nan baa u ke, “Saaninkpel ye ŋma? Aa nyan ni la chee?” Le unachipɔɔn ngbaan bui u ke, “M ye Ijipt aanii la, ki ye Amalek aaninkpel ubaa aanaagbiija. Iwiin itaa i jer na le maaninkpel nan buen cha mi; ba pu? m nan bun la.

1 Samuel 30:15

David nan ki baa u ke, “Aa ga mɔk mi baah bi nin chee na aa?” Le u kii ke, “Aa yaa puu Uwumbɔr aayimbil pu ke saan ku mi, kaan di mi tii maaninkpel kan, m ga mɔk si bi chee,”

1 Samuel 30:16

le ki di David buen bi chee. Binib bi nan binn Siklag na nan yaa ki ka ka ni kookoo, ki ji, ki nyu ndaan, baah nan yoor liwangol sakpeln li Filistia ni Juda aatim ni na pu.