1 Samuel 3:19 - Uwumbɔr aagbaŋ

¹⁹ Samuel aah chikr cha na, le Uwumbɔr nan bi u chee ki cha Samuel aah len pu na mɔmɔk gbiini kina.

1 Samuel 3:19 ပူးပေါင်းရင်းမြစ်များ

Mpiin 21:22

N‑yoonn ngbaan le Abimelek ni waajab aaninkpel u bi nan yin u ke Fikol na, nan buen Abraham chee ki ti bui u ke, “M nyi ke Uwumbɔr bi aa chee ki ter si n‑yoonn mɔmɔk.

Mpiin 28:15

Taa suln, ki li teer n‑yoonn mɔmɔk ke m ga li bi aa chee, le ki ga li joo si saah ga buen nimɔk na, ki ga ki giin ni si kitiŋ kee pu. Maan di si lii see m ŋa maah puu ke m ga ŋa si pu na.”

Mpiin 39:2

Le Uwumbɔr nan bi Josef chee ki cha u tun lituln mbamɔm. Le u nan bi Ijipt aaninkpel ngbaan do,

Mpiin 39:3

le uninkpel ngbaan kan ke Uwumbɔr le bi Josef chee ki cha u ŋani tiwan mɔmɔk deedee, kaa kpa ngalm.

1 Bibɔrb 8:56

“Pak Uwumbɔr u tii waanib nsuudoon, waah nan puu ke u ga ŋa pu na. U joo tiŋann aapuur ti u nan puu tii waatutunn Moses timi pu na.

2 Bibɔrb 10:10

Nimina le mɔk ke Uwumbɔr aah nan len Ahab aayaabitiib aabɔr pu na mɔmɔk ga gbiin. Uwumbɔr ŋa waah nan cha waabɔnabr Elaija puu pu na.”

2 Bibɔrb 15:12

Kina pu na, Uwumbɔr aah nan puu tipuur ti tii Jehu ke: “Aayaabitiib aayaabisɔsɔk ga li ye Israel yaab aabɔrb na” nan gbiin.

2 Bibɔrb 22:16

Uwumbɔr aabɔr timina ke: “M ban m daa Jerusalem aatiŋ ni kaanib mɔmɔk aatafal ke ubɔr aah karn pu kigbaŋ ngbaan ni na la.

Aisaya 43:2

Ni yaa chuun nnyun mu nyoo na ni kan, m ga li bi ni chee; nimi aafalaa aan nyaŋ nimi. Ni yaa koo mmii ni kan, mu aan see nimi; ntɔŋ mumɔk choo ni chee ki pɔɔ na aan nyaŋ nimi,

Aisaya 44:26

Le maatutunn ma yaa len ke tiwan ni ga ŋa na kan, bee m yaa ti ki tun ni maatuun ke u nan kpiir maalandak tuk binib kan, m cha ilandak ngbaan ni tibɔr ngbaan gbiini la. M tuk Jerusalem ke binib ga ki gir koo ni ki ponn ni, ki ga gir maa Juda aatisakpem na mɔmɔk. Ntisakpem ngbaan ga fii nyan ni mu aah nan ber pu na ni.

Aisaya 55:11

Kina le ga li ye ŋimɔbon ŋi m ga len na, ŋaan yii maah ban ke ŋi ŋa pu na; ŋi ga ŋa tiwan nimɔk m tun ŋi ke ŋi ti ŋa na.

Matiu 1:23

“Usapɔɔn u kaa nyi uja na ga nan dek lipuul ki maa ubijabo, bi ga li yin u ke Imanuel.” (Imanuel aatataa le ye ke “Uwumbɔr bi ti chee”.)

Tibɔnyaan ti Luk ŋmee ti na 1:28

Le Uwumbɔr aatuun ngbaan fuu ni Mari chee ki doon u, le ki bui u, “Uwumbɔr ŋa si tibulchinn sakpen a, ki bi aa chee, ki ŋa tinyoor ŋa aa pu ki jer waah ŋa bipiib mɔmɔk pu na.”

Tibɔnyaan ti Luk ŋmee ti na 1:80

Le ubo ngbaan muun, ki dii Uwumbɔr ni usui mɔmɔk, le ki nan bi nteersakpiin ni, ki ti saa buyoonn u piin ki bi tuk Israel yaab Uwumbɔr aabɔr na.

Tibɔnyaan ti Luk ŋmee ti na 2:40

Le ubo ngbaan muun, ki moo kan mpɔɔn, ki kpa nlan sakpen. Le Uwumbɔr aanyoor nan bi u pu.

Tibɔnyaan ti Luk ŋmee ti na 2:52

Yesu nan muun ki moo kan nlan, le ki kan kipak binib ni Uwumbɔr mu chee.

2 Korenti 13:11

Nnaabitiib, tibɔr ti gur na le ye ke m ban m chɔi nimi la. Toor nimi aabimbin man. Sɔŋ tɔb aasui man. Ni li kpa kimɔbaan ni nsuudoon man, le Uwumbɔr u gee timi ki tii timi nsuudoon na ga li bi ni chee.

Ikaal 18:22

Ubɔnabr yaa nabr tibɔr aan taa nan gbiin waah len pu na kan, taa ye mbamɔn, le ni mɔk ke taa nyan ni Uwumbɔr chee. Ni mɔk ke ubɔnabr ngbaan len ubaa aageehn aabɔr la. Ni taa san u ijawaan.

2 Timoti 4:22

Tidindaan li bi saawiin chee. Uwumbɔr ŋa tinyoor ŋa ni pu.

Josua 21:45

Uwumbɔr nan cha tipuur timɔk u nan puu tii Israel yaab na mɔmɔk gbiin.

Bibɔjirb 13:24

Upii ngbaan nan ma ubijabo, le ki yin u ke Samsonn. Ubo ngbaan nan ŋa unii, le Uwumbɔr ŋa waanyoor ŋa u pu.

1 Samuel 10:7

Tiwan nee mɔmɔk yaa bi ŋani kan, ŋa Uwumbɔr aah mɔk si pu na mɔmɔk, uma le bi aa chee.

1 Samuel 12:2

N‑yoonn mue uma le ga li lolni ni pu nsan. M ma kan, n‑yikpir piir, le m por, le njapɔtiib bi ni chee. M nan ye nimi aayidaan tibir ni, ki nan saa din wee.

1 Samuel 16:18

Bitutum ngbaan ubaa nan len ke, “Jese, u nyan ni Betlehem na kpa japɔɔn ubaa, u ye ubeegbaar la. U ki ye unii u kaar ki ŋan na la, ki ye u ŋmaa to butɔb mbamɔm, ki ye u ŋmaa len na la, le Uwumbɔr bi u chee.”

1 Samuel 18:12

Sɔɔl nan gur san David ijawaan la; ba pu? Uwumbɔr nan siir cha uma Sɔɔl ki bi David chee.

1 Samuel 18:14

ki kani linyaŋ tiwan nimɔk u ŋa na ponn ni; ba pu? Uwumbɔr nan bi u chee.

1 Samuel 18:5

Sɔɔl aah nan tun David lisachuln limɔk na, u nan kani linyaŋ li ponn ni la. Kina pu le Sɔɔl nan di u ŋa waajab aaninkpel ubaa. Nimina nan piir bijab ngbaan, ni baaninkpiib biken na mu aasui.

1 Samuel 2:21

Uwumbɔr mu nan sil ŋa waanyoor ŋa Hana pu, le u nan ki ma mbijabim mutaa, ni mpiibim mulee. Samuel nan fii ki chikr Uwumbɔr aatuln ponn ni la.

1 Samuel 2:26

Samuel nan beenin chikr cha, le ki kpa kipak binib ni Uwumbɔr mu chee.

1 Samuel 9:6

Le ututunn ngbaan gar u ke, “Cha m dan waahr. Uja ubaa bi kitiŋ kee ponn ni ki ye Uwumbɔr aanii, le binib mɔmɔk nyuŋni u; ba pu? waah len pu na mɔmɔk gbiini la. Cha ti buen u chee; nibaakan u ga ŋmaa mɔk timi nin chee ibon ngbaan bi na.”